مشكلة في طلب الدراسه على الحساب الخاص, افيدوني الله يجزاكم خير :(

( خير الناس انفعهم للناس)
ب انتظار حلولكم يا اعضاء و مشرفين المنتدى ,

الافضل انك تراجع الوزارة بنفسك في الرياض الوقت ضيق لازم تتحرك بسرعة

انا بعيد عن الرياض وعملت شكوى وحالة الطلب تحت المراجعه لهم 3 شهور
ماعطوني رفض ولا قبول للان..

السلام عليكم ورحمة الله وبركاتة
اخوي تراك انت بالسعودية تسوي شكوى على من والله لو تشتكي من الحين للسنة الجاية محد درا عنك ......... اذا تبغى نصيحتي لا يجي يوم الاحد الا وانت عند باب الوزارة انشبلهم الين تطلع بعلم ترا الوقت مو من صالحك
وانا متفائل خير ان موضوعك بينتهي واذا راجعتهم اعتقد انك بتلقى الموضوع بسيط بس عندنا امور ادارية الله يعلم بحالها في واحد من الاعضاء كان عنده نفس المشكلة واخر شي يوم رحلهم يقولون ما ادخل القبول الجامعي والرجال متاكد من الادخال وراح ادخلة مرة ثانية ومشت امورة ع العموم اذا انت من الغربية انا مستعد اسافر معك للرياض ونعقب ورا الطلب ونخلها اخوة سفر هذا اللي اقدر علية والله لو عندي معرفة بالوزارة لساعدتك في موضوعك اهم شي اذا راجعتهم جيب كل الاوراق معك الشهدات والجواز والقبولات والتوصيات لا تبقي شي

الله يسهل امرك
وبالتوفيق

اتوقع انة فية خيار اسمة الغاء الطلب

اخوي ،


انت نآيم معليش على الكلمه بس لك 3 شهور (وش تسوي) تزرع بصل

انا تأخر جلست 10 ايام ماجاني شي علماَ اني نسيت احط التخصص حقي ونسيت ارفق الكشف الطبي ، ولكن دعيت ان الله يعمي عيونهم
ورحت عندهم في الرياض ، في رمضان وحر وجلست عندهم من الساعه 10 الصباح الى 2 الظهر ، وقالوا خلاص روح وبيجيك الطلب

رحت ولا جاني شي الاسبوع اللي راح ، واركب سيارتي واجيهم من الدمام مره ثانيه وقلت انا لي 20 يوم ، ليه تتأخرون ، قالوا انت ماحددت تخصصك في القبول الجامعي ، (ما انتبهوا للكشف الطبي) >~ ^_^
قلت ياخوي هذا جاي من الجامعه كيذآ وش اسوي لهم اجبرهم يحطون تخصص ، قال وانت ليه ماحددت في الطلب ، قلت كيف احدد والجامعه ماحددت لي ، قال اسمع انت مزعج ، اختار لك تخصص ط
قلت هندسه كيميائيه ، قام سووا تعديل اسمه (سامي السيف) وحط لي تخصص وفي نفس الوقت ارسلها للدكتور هذال ، وقال رح الدمام بتجيك

قلت والله ما اروح الا وهي معي ، قال انتظر ، وشافني صامل ، يوم جات الساعه وحده ونص الظهر جاتني وانا من الصبح

مشيت الدمام مرتاح

الله يوفقك ، رح لهم ونام في مكتب الدكتور فيصل القحطاني هو المسؤول

والله ياخوي ماكنت نايم مثل ماقلت انا يوم قدمت الطلب قلت قدامي وقت كثير وشيكت بعد فتره وماوصلني اي شيء
لكن بروح لهم زي ماقلت بالاوراق كامله وان شاءالله ينتهي الموضوع دعواتكم ،

الله يوفقك وييسر امرك اهم شي لا تطلع من عندهم الا وامورك منتهية تراهم صريفين من الدرجة الاولى
بس زي ما سوا الاخ سامي لا طلع الا وانت منتهي يقولك روح وتجيك الموافقة لا تروح وداوم عندهم اللين ينتهي موضوعك