الأخ المستشار قلت لا تكثر اسألة ..

يعطيك العافيه اخوي المستشار
الحين الجلسه 169 مؤجله او ....؟
تحياتي

الأخ العزيز المستشار التعليمي ، بارك الله بك وفيك ونفع بك ، وأسأل من المولى عز وجل أن يوفقك في الدنيا والآخر ..

الأخت رور2007 ، الأوراق لازم تنرسل عن طريق الملحقية عشان تدخل الجلسة ، أو عن طريق أحد المسئولين في الوزارة مثل الدكتور العطية لمن يكتب على الأوراق للجماز تروح عند الجماز ويعطيك نموذج الحاق بالبعثة تعبيه وبعدها يدخل اسمك بالجلسة، غير كذا ما اعرف . لو راح للدكتور العطية وكتب على الأوراق لإدارة البعثات بيعطونك رقم معاملة تابع برقم المعاملة وتشوف هل الأوراق دخلت الجلسة أو لا ، في الغالب يرفضون ، وتلاقيهم يدزون مسج على الجوال نشكر لك طموحك ويقولون لك خل الملحقية ترسل الأوراق ..

الجلسة 169 تأجلت و واضح أن إلى الأن ما تحدد لها موعد ، لو تحدد لها موعد تأكدو أن الأخ المستشار راح يخبرنا بذلك ..

بالتوفيق للجميع ان شاء الله ..

عبينا نمادج الحاق بعثة والاوراق وصلت للعطية وعطونا رقم معاملة والاسماء ما دخلت السستم بسوصلت ادارة البعثات

^
اختي ما دام عندكم رقم معاملة ، خلاص اتصلو على إدارة البعثات واعطوهم رقم المعاملة ويقولون لكم ايش صار عليها ؟
بس هم بالعادة اسبوع ويرسلون رسالة على الجوال ويقولون ايش صار بالمعاملة ؟؟
نموذج الحاق بالبعثة عبيتوه عند الجماز ، أو نموذج عادي عبيتوه قبل ما تدخلو عند العطية ؟؟؟
إذا كان عند الجماز ، فإن شاء الله أموركم تمام ، إذا النموذج العادي الي قبل ما تدخل عند العطية راح يختلف الوضع ؟
وإيش كتب الدكتور العطية على الأوراق ؟؟

بالتوفيق

بس العطيه وافق على النمودج اليعبيناه وهدا النمودج محملينه من موقع الوزارة في البداية العطيةقال ما اخد ملفات مافيها نمودج الحاق خلهم يعبوا نمودج عبينا ولماشيك على الاوراق قال تمام الحين كامله

طيب اختي ممتاز ..
خلاص راجعوا إدارة البعثات الي معاملتكم انرسلت لهم ، اتصلوا عليهم واعطوهم رقم المعاملة ويقولون لكم إيش صار لكم على الموضوع ..
وما دامك دراسات عليا ان شاء الله يكون موضوعك تمام بس المسألة محتاجة صبر شوي .
حاجة ثانية حاولوا في اقرب وقت تتأكدون من المعاملة من إدارة البعثات ، عشان لو ما صار شي على المعاملة يكون عندكم وقت ترجعون ثانية للدكتور العطية وتحاولون من جديد ..
بس زي ما قلت لك هم بالكثير الموضوع يردون عليه خلال اسبوع بمسج على الجوال ويكتبون فيه ايش وضع المعاملة ، فهل اخذتو أنتو اكثر من أسبوع من سويتوا المعاملة ؟

شوف بهالرابط ارقام تلفون إدارة البعثات العامة :
http://www.mohe.gov.sa/Arabic/Minist.../Page1.aspx#e1

بالتوفيق ان شاء الله لك اختي الكريمة واي حاجة بالخدمة ..