خلونا نسولف مع بعض!!! الجزء الثاني :)

ماعندك بنت تصلح لاحساس عاشق ذا😡




[ ليتنا مثل الأسامي مايغيّرنا الزمان .. ]

هههههههههههههههههههههههههههههههههههههههههههههههههه ههههههههههههه


( تمت المشاركة باستخدام تطبيق مبتعث )

مين اللي مسافر قريب وبيدرس لغة؟


[ ليتنا مثل الأسامي مايغيّرنا الزمان .. ]

أنا بأذن الله


( تمت المشاركة باستخدام تطبيق مبتعث )

الله يسهل امرك ويوفقك

عندي نصائح لطلاب اللغة من خلال تجربتي الشخصية واحب الكل يستفيد منها لكن ما اعرف وين المكان المناسب اكتب فيه النقاط باختصار..


[ ليتنا مثل الأسامي مايغيّرنا الزمان .. ]

هاتها كلي آذان صاغيه


( تمت المشاركة باستخدام تطبيق مبتعث )

بصراحه انا قبل ما اجي كنت اعتبر اللغة سهله لان كان عندي شوي لغة وكنت حاط ببالي اخلص اللغة في ٦ اشهر كحد اقصى لكن بعد ماوصلت حسيت اني من جنبها
حطوني بمستوى ٣ واللغة ١٢ مستوى يعني ٩ شهور اذا ماتعثرت في اي مستوى وهذا اول شعور سلبي حسيته ولكن،،
اقدر اصنف مرحلة اللغة لثلاث مراحل مهمه
المرحلة الاولى: البداية.. بغض النظر عن مستواك سواء كنت مبتدئ او متوسط ..
هذي المرحلة انت بتكون مشغول بأشياء كثيرة غير اللغة فالتطور بيكون بطيئ جدا ولاتنزعج ابدا لان كل الطلاب مروا بهالمرحلة.. وخليك:
- هادي وواثق
- منتبه لكل شي يدور حولك..
- ركز على الجمل والكلمات اللي تتكرر كثير..
- لاتحاول تقحم نفسك في محادثة مع اجنبي الا للضروره، مو مطلوب منك تتكلم في هالفتره .. اسمع كثير ... اقرا كثير ... حاول تكتب جمل قصيره عن نفسك.. وكل جملة حاول تستخدم كلمه جديده توك متعلمها...
هالمرحلة استمرت معي ٣ اشهر تقريبا !!
المرحلة الثانية: مرحلة الاستيعاب بذكر فيها نقاط مهمه..


شوي وراجع،،


[ ليتنا مثل الأسامي مايغيّرنا الزمان .. ]

طيب


( تمت المشاركة باستخدام تطبيق مبتعث )

مرحلة الاستيعاب هي اهم مرحلة ليش
لانك بديت تفهم ٧٠٪ على الاقل من اللي تقراه او تسمعه او حتى تتكلم بشكل سليم .. هنا تبدأ متعة تعلم اللغة.. في مرحلة البداية اذا قريت شي بتمل بسرعه لانك ماتفهم المكتوب ممكن تعرف كلمة بس كلمات كثير ماتعرفها ولامرت عليك ف تحس بملل وتتضايق .. لكن بهالمرحلة تقريبا تفهم اغلب الجمل وتفهم المحادثة او الكلام بنسبة كبيره او على الاقل تعرف الموضوع بشكل عام.. هنا بتلاحظ التطور سريع سريع وبتحس بحماس في داخلك انك بديت تجني ثمار تعب المرحلة الاولى...
هنا انصحك بالتالي:

- صحح اخطائك في الكلام في الكتابة.
- تكلم مع نفسك وتخيل مواقف ممكن تحصل لك وايش ممكن تقول ، ومن خلال ماتعلمته بالفتره السابقة تقدر تصحح لنفسك..
- اطلع كثير، المطاعم المحلات والمستشفى تكلم كثير ممكن تعتذر ان لغتك مش جيده وبيقدرون هالشي وبتكسر حاجز الخوف والخجل من الخطأ.. وبتتعود الكلام مع الاجانب يوم بعد يوم.
- اذا حصل وعرفت واحد من جنسيتك ولغته ممتازه اطلع معه كثير وخليه يتكلم واحفظ وش يقول وكيف يركب الجملة وكيف ينطقها لأني استفدت كثير كثير من طالب دكتوراه كنت اروح وياه كثير والله اني حافظ كل الكلام اللي كان معتاد يقوله لما يطلب لما يعتذر لما يسأل والى الان انا استخدم نفس اسلوبه حتى ان بعضهم يستغرب اني ماكلمت سنة بأمريكا.. والحمدلله رغم ان فيه ناس افضل مني بكثير واعترف اني مازلت اتعلم ، ولكن تجربتي احبها توصل لكل الطلاب ويطبقونها وفعلا هي افضل بكثير من كلام مصفوف في كتب تعلم اللغة وهي اشبه بنظريات بعيده عن الواقع...


[ ليتنا مثل الأسامي مايغيّرنا الزمان .. ]

المرحلة الاخيرة هي مرحلة التكوين..
هنا بتوصل موحلة انك تكون شخصيتك الثانية اللي تتحدث الانجليزية..
هذي المرحلة بتحس انك وصلت لها لما تتكلم بشكل جيد واخطائك صارت قليلة جدا وصرت تكتب ٤٠٠ كلمة على الاقل وتسمع محادثة او محاظرة نص ساعه وتقدر تسوي لها ملخص وتحدد النقاط العامة وبعض التفاصيل والامثلة..
هذي المرحلة ماعتقد لها نهاية ولكن انا حسيت اني وصلت لها بعد ٧ شهور او ٨ .. الميزة في المرحلة هذي انك ماعاد تحتاج لمدرس او كتاب قواعد.. انت الحين بتحس نفسك خبير يقدر يعتمد على نفسه ويعرف نقاط ضعفه ويطورها ويقيس تقدمه كل يوم.. وبيجيك احساس انك خلاص ودك تبدأ الدراسه في الجامعه وتطور اللغة ماشي معك في البيت الجامعه بالشارع بأي مكان تروح له.. اقدر اسمي هالمرحلة مرحلة التشطيب كأنك بنيت بيتك وبديت بالدهانات والاثاث والموكيت يعني تقريبا اكتمل كل شي باقي بس تعطي لغتك شكل ولون وطابع خاص وتنطلق للمرحلة اللي بعدها...

اتمنى التوفيق للجميع وسامحوني الكلام مو مرتب بس اللي من القلب للقلب يوصل اسرع ..تحياتي🌹


[ ليتنا مثل الأسامي مايغيّرنا الزمان .. ]