مبتعث او رايح لهولندا ... ضع استفسارك هنآ

والله ماعندي خلفية عن جامعة اورترخت بس معروفة مدينة اورترخت في هولندا

هي تقريبا في الوسط ومن المدن القريبة لامستردام وبرضوا قريبه منها مدينة روتردام الساحلية

http://www.uu.nl/NL/Pages/default.aspx

هذا رابط جامعتهم وممكن تراسليهم

يعتمد على الليفل الي بتكوني فيها

بس المواد الي راح تأخذيها في السنه التحضيرية كلها

English + كتاب الايلتس + applied English + بيولوجي
+ skill training + Duch

والسنه التحضيريه منفصله عن الجامعه ( الدراسه في الجامعه 6 سنوات )

الي معاه دبلوم اتوقع يدرس نفس الي يدرسه طلاب الثانوية يعني سنه تحضيريه ولازم 6 ايلتس

مو متأكد من هالمعلومه بس افضل لو تأكدتي من الجامعه نفسها

الجامعات الي اعرفها ماسترخت وخرونجن واعرف انها قوويه في الطب

بس باقي الجامعات مادري عن قوتها

بالنسبه للمعيشه هنا غالية عن السعودية بس معقولة

يعني لو انت مبتعث المكافأه 1800 يورو بتكفي براحة





اتمنى افدتكم

وبالتوفيق للجميع

السلام عليكم
مشكور اخوي على المجهود الكبير اللي تسويه و اسال الله ان يجعله في ميزان حسناتك
خوي انا مبتعث في دولة المجر رسبت في السنه التحضيريه و ابي اجيب قبول في هولندا
كيف اقدر اجيب القبول ؟
وهل من الممكن اني ادرس على طول سنى اولى او لازم ادخل سنه تحضيريه ؟
لاني اتوقع ان في الوزارة ممنوع تعيد السنه التحضيريه هل هذا صحيح

القبول يكون طريق الجامعه وتراسلهم وهذا ايميلهم

ucm-premed @ maastrichtuniversity.nl

مسؤل القبول اسمه يورس وهو راح يكون معاك متعاون وبيقولك وشتسوي وبرضوا وش المطلوب

بالنسبه تدخل الجامعه ع طول ماتقدر لازم تدرس سنه تحضيريه وتنجح في مواد البيولوجي والدتش وتجيب في الايلتس 6 وبعدها تدخل الجامعه

مادري والله عن انظمة الوزاره بس الي اعرفه انه عادي وانت عندك مدة محدده في قرار ابتعاثك وفيه ناس درسو في امريكا 3 سنوات وجاو هولندا ويدرسون السنه التحضيريه وبرضوا ناس في اوكرانيا واستراليا نفس الحكاية

اتمنالك التوفيق اخووي وانا تحت امرك

السلام عليكم
مشكور يالامبراطور والله افدنا كثير بس يعني انا قلت اطلع هولندا واخذلي دوره انغلش هناك ورايح اتفاهم مع الجامعه من هناك
وش رايكم ولا اني ااراسلهم من هنا لاني على حسابي ارجو الافاده وتنصحوني خرونجن ولا ماسترخت وماني متاكد من الاسم

وعليكم السلام

هلا اخوي

بالنسبه تجي هولندا عشان تأخذ دورة انقلش ماانصحك فيه

لان هولندا اللغة الانجليزية تعتبر اللغة الثانية بالنسبه لها صح ان معظم السكان او 90 في الميه منهم يتكلمون انقلش بس ماراح تستفيد شي والسبب

اولا الاكسنت حقهم خليط بين اللغة الهولندية والانقليزيه يعني احيانا ينطقون( R = غ) وينطقون ( g = خ ) الخ

ثاني شي ماتقدر تسكن مع عايله عشان تستفيد اكثر لان العوايل عجايز والعجايز مايتكلمون انقلش ومااعرف احد سكن مع عايله من الطلاب السسعوديين

ممكن سكن الجامعه مفيد لانه مع طلاب اجانب بس مااتوقع بتقدر تسكن فيه لانك مو طالب


انا انصحك انك تراسلهم من السعودية وتشوف وش يقولون لك واتوقع بيكون نفس التعامل لان فيه نظام ماشيين عليه سواء نت او حضور شخصي وخصوصا انك جاي على حسابك عشان تحسب حساب كل شي وما تتوهق اذا جيت

وصدقني راح يكونون متعاونين معاك كثيرر لان في الاول والاخير هم الي راح يستفيدون

بالنسبه للجامعتين الفرق بينها

ماسترخت بالانقلش وطب بس

وخرونقن اول ثلاث سنوات دتش واخر سنوات دتش هذا بالنسبه للطب ( وطب اسنان كله دتش )

اتمنى افدتك اخووي

وبالتووووفيق

السلام عليكم و رحمة الله و بركاته, و مشكور أخي الإمبراطور علي هذا الزخم من المعلومات جعلها الله في ميزان حسناتك.
أخوك طبيب من ليبيا, متحصل علي بعثة دراسية لمدة 6 سنوات.
ابي اسأل عن افضل الجامعات في تخصص الأورام / الجينات, سواء كان كلينيكي او اكاديمي.
و أفضل المدن للعيش بأسرة, انا لدي طفلين صغيرين الحمد لله.
و كيفية الحصول علي قبول في حال توفر الطلب, علما بأنني متحصل علي بكالوريوس طب و جراحة, بتقدير جيد جدا, و خبرتي في العمل الكلينيكي 4 سنوات كاملة و موثقة.

ارجوا المساعدة و بارك الله فيكم.

والله ما عندي خلفيه عن الماستر

بس الي اعرفه عشان تاخذوه لازم يكون عندك لغة دتش لاني اتوقع الدراسه بالدتش

الافضل والاحسن انك تتأكد من الجامعه نفسها وشوف وش يقولون لك

جامعة ماسترخت
ucm-premed @ maastrichtuniversity.nl

السلام عليكم
شكرا لك يا الامبراطور على تعاونك معانا

ربي يعطيك الف عافيه خيوو الامبراطوور على المعلوومات
وربي استفدت


ربي يسلمك من كل شر

العفو

ما سوينا شي

موجودين لخدمكتم

ونتمنى الصورة توضح عن دراسه الطب وطب الاسنان في هولندا

واذا وصلتوا هولندا بالسلامه راح توضح الكثير من الامور واتوقع بترتاحون في الجامعه


بالتوفيق للجميع