مبتعث او رايح لهولندا ... ضع استفسارك هنآ

السلام عليكم انا جديد هنا على المنتدى و عندى سؤال واحد هل يمكن المساعدة في قبولى في احدى جامعات هولندا واريد معرفة ما هي تكاليف الدراسة والمعيشة ولكن اريد معلومات اكيده عن مصاريق الدراسة في تلك الجامعات بالدولار في العام ؟

اخوكم هشام السقا

برضوا الشهادة الاصلية لازم تختمها

بالنسبة لي انا ختمت الاصلية والمترجمة


نظام دراستكم ماعندي معلومات عنها واول ما توصل بيعطوكم معلومات عنها.

السكن الجامعي حلوو للي يبغى يسكن فيه وتعتبر اسعاره معقولة وتبدأ من 350 يورو علة 500 يورو على حسب نوع الغرفة
وزي ماقلت اصعب شي بيقابلكم اول ما توصلون هو السكن

بالنسبة للتكاليف ما فهمت السؤال ولكن ماراح تصرف كثير الا على السكن.
وفيه مطاعم حلال.

اما بوابة المبتعثين هذي تقدر تستخدمها بعد ما يتم فتح لك ملف في الملحقية

بالتوفيق
تسلمين اختي ريم على المساعده
بس الي اعرفه ان طلاب الماستر الوزارة تجيب لهم قبول اللغة وانتم تتكفلون في قبول الجامعة.

ع العموم اذا للحين وما جاكم شي انصحكم زي ما قالت اختي ريم تسجلون في الموقع وتجيبون قبول

وعليكم السلام

اسف يالغالي ماعندي خلفية عن اسعار الدراسة
بالنسبة لنا عندنا بعثة والوزارة تتكفل في مصاريفنا


بالتوفيق لكم

قصدي من السؤال ان اول ما نوصل لازم ندفع مصاريف غير السكن والاكل والشرب
مثلا مصاريف (الاقامة - التامين الصحي - الفواتير - اشتراكات القطار او غيره الخ

ومشكووور على الرد بس حتى الحين ما في احد عارف نظام الدراسة كيف بيكون لنا عدد الساعات او المواد ومتى الاجازات
راسلت يورس صرفني فقلت لنفس انت تشوفه كل يوم اذا قدرت تساله تسوي خير
صحيح ابي اساله في احد بدأ في 29 مارش من الطلاب الاجانب ؟

شكرا على الموضوع
والله يوفق الجميع

في البداية مبارك لجميع الطلاب المنتهين من اجرءاتهم وعقبال الباقين .
والله يعطيك العافية اخوي الامبراطور على اتعابك .
بالنسبة لحسابات البنكية واستلام المكافأة هل يلزم حساب هولندي او حساب سعودي دولي ياليت تفصلنا

ماراح تحتاج شي غير مصاريفك الشخصية او السكن بس في اول شهر اما باقي الاشياء من تأمين صحي تقدر تشترك فيها بعد ما تنزل المكافأهـ
بالنسبة لدراستكم ماعندي معلومات عنها الحين واول ما توصلون يوريس بيعطكم محاضرة كامله عنها.

اخر سؤال مافهمته..؟


ويااك اخووي


الله يعافيك اخوووي

الجامعه راح تفتح لكم حساب في بنك هولندي والمكافأهـ راح تنزل فيه.
بالنسبة لك تحتاج في البداية حساب سعودي تستخدمه في اول شهر حتى تنزل المكافأه

يعطيك الف الف عافيه اخوي الامبراطور على الجهد اللي تسويه والله يجعله بميزان حسناتك لانك تعطينا معلومات كثير عن اشياء نجهلها

عندي كم سؤال
1- وش افضل بنك تنصح انك تتعامل معه يعني الفيزا او الماستركارد وغيرهـ
2-كم يحتاج اجيب معي فلوس تكفيني اول شهر لحد ماتنزل المكافئه
3- فيه سكن جامعي او مافيه؟
4- بالنسبه لدفعتكم انتو كم عطوكم ساعه بالمعهد؟
5- حسب ماسمعت انه مافيه ملحقيه ثقافيه بهولندا وانها موجوده بدولة ثانيه .. هل هذا يعني انه طلاب الدوله اللي فيها الملحقيه يفضلونهم علينا في تخليص اغراضهم وامورهم او ان جميع الطلاب المسجلين بالملحقيه الثقافيه لهم نفس التعامل ؟
6-بالنسبه لهولندا كشعب هل هم كويسين هل فيه اماكن محظوره على الاجانب هل هناك احياء ماتنصح اننا نسكن فيها

معليش كثرت اساله بس هذي الامور اللي مشوشه ذهني هالفترهـ ويحتاج لها توضيح


تحياتي اخوك الصغير\ نايفـ

مرحبا أخوي الله يعطيك العافية عندي سؤالين لو تكرمت

1 _ هل الدراسة باللغة الانجليزيه

2_ هل يوجد تخصص التربية الخاصة في هولندا

وشكرا

رح احاول اساعدك في السؤال الاول بس التاني ماعندي معلومة
لغة الدراسه تختلف على حسب انت رايح تدرس اي مرحلة او انت في اي جامعه
لو انت ماستر تقدر تختار اللغه الي تبغباها
لكن لو بكالوريوس وتخصص طب بشري:
عندك جامعيتن
1- ماستريخت ودي تدرسك انجلش
2- خرونقن
اول 3 سنين انجليزي واخر 3 سنين دتش (لغه الهولنديه)

*وللمعلومية طب الاسنان في خرونقن كلو دتش

بارك الله فيك اخوي