مبتعث او رايح لهولندا ... ضع استفسارك هنآ

أما بالنسبه للشروط الخاصه بدراسة المحرم او المرافق ، فليست هناك أية شروط سوى التقدم لمعهد اللغه الانجليزيه بالرغبه في الدراسه ، و أنا أعرف انه فيه مرافقين درسوا لغه انجليزيه هناك

وأرجع لأختي اللي كانت تسال عن وضع الدراسه في هولندا ، وضع الدراسه في هولندا حسب كلام طلاب الطب القديمين هو فيه صعوبه لانه الدراسه فيها بعض المواد بلغة الدتش وتحتاج لجهد لتعلم اللغه الغريبه جدا علينا لكن اتعبي على نفسك عشان مستقبلك ومافي شيء صعب ، وبالنسبه للقبول في الجامعه ايضا فيه صعوبه وانهم اعتقد ماياخذوا الا عدد محدد للقبول في الجامعه وهذا

حتى افادنا احد المسؤولين في الوزاره عند الزياره انه على الطالب في السنه التحضيريه الحصول على 6.5 في اختبار الايلس اللي تأهله للقبول في الجامعه وحتى لو اضطر الامر للتحويل لجامعه اخرى في دوله اخرى ، وبالتوفيق لك

أخوي mot

نعم الدراسه في السنه التحضيريه وسط طلاب وطالبات سعوديين ولكن بعد دخولك كلية الطب ان شاءالله تدرس مع بعض من الطلاب الاجانب وبالاضافه الى ابناء بلدك ، اما بالنسبه لجامعة ماسترخت التحويل بعد السنه الثالثه لدوله ناطقه باللغه الانجليزيه أنا ماسمعت بذا الشيء ومافي ولا طالب سعودي وصل الى المرحله هذي .

أخوي cood of silent

بالنسبه للغة الدراسه هي في جامعة ماسترخت كلها باللغه الانجليزيه اما في جامعة خرونينجن فسوف تدرس في السنه التحضيريه باللغتين الانجليزيه والهولنديه

حيث ان تخصص طب الاسنان هو اكثر تخصص على حسب علمي عانا منه طلابنا وذلك لانه يدرس في الغالب بالدتش (الهولندي) وقليل بالانجليزي ولايوجد طلاب من دفعتنا يرغبون له الا القله القليله

أما تخصص طب بشري فالعكس صحيح وهذا مارغب اليه حاليا طلابنا السعوديين ، مع العلم بأن اللغه السائده في الشارع الهولندي هي الدتش

أما بالنسبه للتمكن من العمل فلم اقدر على الحصول على هذه المعلومه

بالنسبه لصرف الفرد في الشهر فيختلف من شخص لاخر لكن المكافاه الشهريه هي 1800 يورو

أما ارخص المناطق بهولندا فلا اعرف بالضبط لكن كلما ابتعدت عن العاصمه والمدن الكبره انخفضت تكاليف المعيشه

ولاتوجد دراسة تمريض للمبتعث وانما طب فقط ، ودراسة الطب هي قويه وأما بالنسبه للدراسه فهي ليست مجانيه والدوله تتكفل بمصاريفها

بالنسبه للعمل فيجب التأكد من السماح لك على ذلك أم لا. وأما المصروف فإنه يكفي ان شاءالله في حالة ضبط المصاريف ، وبالتوفيق لكم جميعا

أخي ماجاوبت عن سؤالي وهو
بالنسبة للابتوب والايبود ومثل هذي الأشياء هل يفتشوها ويتحققوا من الأشياء الأضلية وكذا ولا لا ؟؟

في البداية اشكر اخووي الكول على ردوده الكافيه والوافيه وان شاء الله يستمر في مساعدتكم

عودهـ لبعض الاسئلة القديمة الي مافيه اجابه عليها واعتذر عن التآخير في الرد

سالفة قديمة ومعقدة ولكن الملحقية قالت الموضوع انتهى
عشوائي . اذا تعرف احد معين في جامعة معينة يقدر يختارك وتدرس معه. ولكن في اغلب الاحوال التوزيع عشوائي لان معظم الطلاب يبغون ماسترخت والتوزيع بيكون 50% لكل جامعة
1- مطلوب في السنة التحضيرية النجاح في المواد وتجيب المتطلبات في اللغة والحضور والواجبات ولا يوجد معدل
2- مااتوقع فيه والسبب اللغة.

بالتوفيق لك اخوي
اذا جبت 5 بيكون وضعك اوك. ولا يوجد معدل لدخول الطب
ان شاء الله بتلقين
1- لا ماتقدر تحدد
2- فيه 4 دفع قبل دفعتكم في ماسترخت
3- بعد السنة الرابعه والنص بتروح السويد واخر نص سنة في الامتياز بترجع السعودية
4- فيه سكن جامعي وفيه شقق .
5- الي اعرفه والوضع بيتحسن شوي في الدفعات الجايه

وضع المرافق الى الان معقد جدا. حاول تسئلين بنات هناك واذا مافيه حل انصحك تحولين

وعليكم السلام

1- ماعندي خلفية
2- بعد السنة الرابعه والنص تقدر تروحين لدولة تتكلم بالانقلش ( حاليا السويد)
3- جاوبت على السؤال فوق
4- راح تدرسين سنة تحضيرية كاملة
5- ليس صحيح وبيعطونك الاقامة الهولندية تقدرين تروحين وين ماتبين في اوروبا
6- اذا تعرفين احد في ماسترخت خليه يطلبك لدراسه في ماسترخت

بالتوفيق لك
وعليكم السلام
1- مافيه دراسه سيئه
2- جاوبت عليه فوق
3- نعم
4- هذي رغبتك اخووي وماحد يقدر يفيدك بشي

بالتوفيق لك

مرحبا اخوي خالد

سؤالك جيد كنت بجاوبك ونسيت من اول ، على العموم جيتك

انا بالنسبه لي رحت وجيت وماتفتش لكن من الافضل ونظام البلد وحتى في الملتقى حذروا من البرامج المقلده في اللاب توب ، وهذا اللي سويته خليت كل شيء عندي نظامي والحمدلله ماشفت مشاكل ولا حتى طلابنا ، مع اني التقيت بواحد رجع من هولندا للسعوديه وعنده ويندوز غير اصلي ومشت اموره ، لكن انت خليك نظامي ياعمي احسن واروق لك

هل آلدرآسه مختلطه طلآب وطآلبآت ؟

لآنو سمعت آنو آلبرنآمج سعودي

هل آلنظآم كلآس شبآب وكلآس بنآت آو كلهم في كلآس وآحد


هنآ آلوزآره تقول بنرسل ملفآتكم يوم 17 يعني بعد يومين


تقول آللي معه آيلتس يجيبه حتى يدعم ملفه وآللي مآمعه مآ يآثر


فرضآ آختبرت آيلتس آحتيآط هنآ ولآجبت خمسه

هل هنآك يعطوني كم شهر لغه

وآذآ دخلت آلمعهد هل تقل حضوضي بدخول آلتحضيريه

لآن فيه طلآب دخلو تحضيريه


صدق آلطب يطلب ست ونص في آلآيلتس


آجيبهآ بعد مآ آخلص آلتحضيريه وقبل آدخل آلجآمعه


سكن آلجآمعه تنصحني فيه آذآ كآن في مآسترخست آو لآ .؟

مرحبا كونان

الدراسه اخوي نعم مختلطه في البدايه للطلاب والطالبات السعوديين ، وبخصوص اختبار ايلس اذا اختبرته وجبت خمسه فمافوق فهذا يؤهلك مباشرة لدخول السنه التحضيريه أما اللي يختبر ويجيب اقل من خمسه في الايلس فسوف يدرس لغه لفتره معينه ثم يختبر من جديد للايلس ، طبعا ممكن تختبر الايلس في المعاهد اللي عندنا بالسعوديه او في هولندا .
بالنسبه اذا جبت اقل من الخمسه لا ماتقل حضوضك لانه هذا الشيء واحد من الشروط لدخولك كلية الطب والغرض من دخولك معهد اللغه اذا انت جايب اقل من الخمسه هو تقويتك في اللغه بالشكل الكافي .
أما كلية الطب نعم هم طالبين 6.5 في الايلس ( تطلب منك بعد انهائك للسنه التحضيريه ) حتى تقبل الى جانب هناك اعتقد شروط اخرى انا ماعندي خلفيه عنها لكن فيه طلاب سعوديين شدوا حيلهم وانقبلوا .

بالنسبه للسكن الجامعي الخاص بماسترخت ماعندي خلفيه عنه لاني مش في المدينه هذي ، لكن ان شاءالله زميلي الامبراطور يجاوبك عليه .

وبالتوفيق لك بإذن الله

آلله يجززآك بآلجنه آخوي آلكوول

يعني لو آجيب في آلمعهد خمسسه يدخلوني تحضيريه

طيب عندك فكره كم مده آلمعهد

مرحبا اخوي كونان

ايوه هذا اللي حصل لدفعتنا خمسه فمافوق في اختبار الايلس يؤهل الى السنه التحضيريه واللي اقل من الخمسه يدخل معهد اللغه ومادري بالضبط عن مدة المعهد بس افصلك شوي عن اللي صار في الفتره السابقه:

في بداية وصولنا لهولندا يعني قبل بداية الصيف الماضي بقليل اختبروا جميع الطلاب اختبار الايلس لمعرفة ماهي مستويات طلابنا فزي ماقتلك عن الدرجات المطلوبه في الايلس فلي جاب الخمسه واللي جاب الاقل ودخل للمعهد وحتى منتصف الصيف انتهت الفتره الخاصه بالمعهد وهي شهرين كماهو متفق

ثم عمل اختبار ايلس مره اخرى فالي جاب الخمسه دخل السنه التحضيريه منذ سبتمبر الماضي واللي كان اقل رجع يدرس في المعهد

فأنا أنصحك دامك لسه ماوصلت ركز على ذا الشيء وطور لغتك الانجليزيه قد ماتقدر والله يوفقك

ولاشكر على واجب وعسى الله سبحانه يبلغنا الجنه

طيب الي فاته موعد تقديم شهادة الايلتس .. زي 95% من مبتعثين المرحلة السادسة .. علشان ما قالولنا
يعني الجامعة تقبل حتى لو مافي شهادة اختبار ايلتس ؟؟
ياريت توضح هذه النقطة لانها مخوفتني ..
يعطيك العافية