مبتعث او رايح لهولندا ... ضع استفسارك هنآ

مرحبا اخوي الحمراني

مرحبا اخوي الحمراني

عادي أخوي حتى لو مااختبرت ايلس ، هذا فقط اذا انت رغبت انك تختبر في السعوديه واعتقد انه يمديك تختبر في اي وقت في عدة معاهد بالسعوديه ، بس ليش تسأل اعتقد أنك بكندا اولا؟

- الرجاء افادتي بعدد الطلاب والطالبات المقبولين في هولندا للدفعه السادسه؟

هلا اخوي
لا هذه كندا حطيتها قبل التسجيل .. كنت احسب ان في طب في كندا

انا مرشح لهولندا .. وفي كلام خوفني
انا امس كنت في الرياض وكلمت ماجد الحربي
قلي كلام يخوف ...
يقول الي ما سلمو الايلتس في يوم 17 ذي القعدة .. يمكن الجامعات ما تقبلهم .. وعلى كذا نغير التخصص حقهم من طب الى اي تخصص طبي

بعدين رحت لمسؤول ثاني نسيت اسمه .. قلي اتركك من كلام ماجد الحربي =\

ابغى الخبر منكم يا جماعة هولندا ..
لان الوزارة الحين قاعدة تقدم لنا على الجامعات .. ونحن ما عندنا الشهادة حق الايلتس
يعني يقدرو يجيبو قبول مشروط ولا كيف الوضع ؟
ياريت تبينو الي صار معاكم لمن رحتو ..

واسف على الاطالة

مرحبا الحمراني

أخوي أفضل شيء أنك تمشي على المتطلبات اللي يطلبوها منك وراح أكيد بعد مرحلة قبولك في هولندا يراسلوك على بريدك الالكتروني المسجل عندهم ، يعني من مرحلة التسجيل في جامعه راح يطلبوه منك اذا كان شي ضروري بس مااعتقد لاني انا رايح من فتره قصيره لهولندا وماكان فيه دا الشيء اصلا وكل الطلاب اختبروا في هولندا ، بس أتوقع انه د.ماجد الحربي بدأ يخلط الامور .

- اللي صار معانا هو قبول مشروط أخوي

وبالتوفيق لك ان شاءالله

السلام عليكم
عندي موضوع شاغل بالى . والله اني تعبت وانا افكر . بس قلت خلينا اسئل اهل الخبره يمكن يفيدونا بشي .
اول شي اعطيكم نبدا عن الموضوع وهو انا مرافق ويه اختي طبعن في هولندا وصار الى سنتين وانا اطارد وراهم عشان القبول من الجامعه ماسترخت بس ما اجاني شي لان الجامعه طالبه مبلغ ضخم زي ماتقول الملحقيه وما يقدرو يدفعوه المبلغ الى اسباب خاصه ماعرفت عنها شي . المهم انا تعبت وتعب الى زين درست في السعوديه واخت دبلوم من معهد السعودي الى خدمات البترول في الدمام. وانا الحين حاب اني اكمل في ابريطانيا او المانيا . بس المشكله اني مرافق . وسوال هنا هل الملحقيه ادا جيت اقدم لها اوراقي عشان يدرسوني على حسابهم في بريطانيه بيقبلو؟ يعنو اخلي اختي تدرس في هولند وانا اكمل في ابريطانيه بدون ما تحول من دوله الى دوله؟ . ارجوووووووووووووووووووووكم افيدوني

هلا اخوي mm

انت ماشاءالله اللي خبره صار لك سنتين تقول ، اذا انت مرافق المعروف انك مايحق لك تحويل لدوله ثانيه الا اذا استوفيت الشروط وجبت قبول جامعه فتنضم للبعثه في أي دوله حتى لو امريكا أما التحويل وانت مرافق المعروف انه مايصير

- بس اعطيني شروط القبول في ماسترخت اذا تسمح.

اهلين وسهلين اخي الكول
شروط القبول يا اخي مره سهل بس انا ما قدمت عليها من السعوديه انا قدمت عليها وانا جالس هناك . وبمساعده واحد مسول هولندي اسمه يورس من قبل الوزاره . بس هدا الهولند كداب ما منه فايده يعنو يقول كلام ولايسويه . المهم خليت اختي وكم واحد من الشباب الله يخليهم يشتغلو على القبول . وبرضو ما صار فايده . دام هم راكبين راسهم . ويقولو لازم اندرسك وياك جماعه يعنو ويه حالك مانقدر . يعنو يبون يسوون اقروب . مثلا انا اخترت اقتصاد . يقول ما اقدر ادرسك اقتصاد بلحالك لازم وياك سعوديين . اقول اليهم انزين درسوني ويه اجانب . قال الى مانقدر ليش الله اعلم .. ....شروط القبول لازم عندك شهاده الثانويه مترجمه الى النقليزي . ويكون عندك ابرنت من المواد الى خلصتها . يعنو مثال الرياضيات لازم الجيب اليهم المنهج حق الثانويه (انا من وين اجيبه ). وصوره من الجواز . ومبلغ 75 يورو . هدا المبلغ ادا كنت بس في هولندا اما ادا كنت بره هولندا يمكن100 يورو والله اعلم. بس وتعبي ابلكيش حق الجامعه . انت وشي تبي تدرس ؟؟؟

وادا تبي اي شي تراني حاضر . هدي الكالام كله عن جامعه ماسترخت

تحياتي

مرحبا mm

اها بس انت جالس تتكلم عن مرحلة البكالوريوس ، لا أنا ابغى عن ماجستير ادارة أعمال تختلف الشروط
- وبعدين كيف انت ماقدمت على الجامعه وانت هناك المفروض انك اول ماتوصل هناك الجامعه اللي تدرس فيها اختك يتعاونوا معاك او عن طريق الملحقيه الثقافيه ، ومعقوله انه مافيه سعوديين زيك يبغوا يدرسوا هناك لاني انا في خرونينجن فيه مجموعة سعوديين راغبين بدارسة اللغه مبدئيا.

واخوي ياليت لو تفيدني عن موضوع فيزا المرافق لاني للحين جالس انتظر الفرج بس مافي اي اخبار ولكن ماادري اش اللي صار معاك انت بما انه صار لك فتره وعارف النظام اكثر مني؟!!

سؤال اختياري ؟
أخوي انت من وين ؟ المنطقه الشرقيه

اهلين الكول
اول شي انا من القطيف .. ادا تتكلم عن الفيزا انا طلعت الى فيزا حق 6 شهور . وزي ما قلتلك الموضوع مو فيد الوزاره . الاجامعه مهي راضيه انها تدرسني ليش الله اعلم .وانا انشاءالله بعد اربعه اشهور ابدرس لغه وباحاول اني اروح المانيا عشان ادور الى جامعه اهناك . صالفت الغه عادي الكل يدرسها بس سالفه الجامعه مره صعبه .
طبعن انت بيطلعو لك فيزا ام 3 شهور فيزا سياحيه . لازم تروح هولندا وتقعد 3 شهور وتنزل الى السعوديه وبرضو تقعد 3 شهور في السعوديه. وانا يوم طلعو الى فيزا ام 6 شهور قال الى لازم تقعد 3 اشهور في هولندا وبعدين ترجع السعوديه وبعد 1 اسبوع ترجع هولندا وهاكدا . انا حاولت اني اطلع فيزا ام سنه بس ما قدرت . الانه في واحد من الشباب طلع الفيزا ام سنه بس برضو يسوي الحرك الى حقت ام 6 شهور لانه كان يدرس لغه .

تقبل مروري اخي الكريم . وادا تريد اي شي انا حاضر

مرحبا اخوي

ياهلا بأهل القطيف والنعم والله

- اها انا بعد سمعت ذا الكلام عن مسألة الفيزا والله يعين على المشاوير هذي والمراجعات بس كدا الحاله صعبه راح تكون للمرافق
- يعني انت تتكلم عن القبول في الجامعه وليس دراسة اللغه طيب ماادري انت ماجبت الـ 5 أو 5.5 في الايلس اللي هو شرط القبول في معظم الجامعات

ويعطيك العافيه اخوي على ردودك وتعاونك