مبتعث او رايح لهولندا ... ضع استفسارك هنآ

وعليكم السلام,,

الزوج اموره ماشيه من زمان بس المشكله الزوجه الله يعينها.
اما الدفعه الجديده فربكـ يتولآهم والله يعينهم.

ويوريس لا تخافين عليه بيته كل سنه يكبر الي عنده يكفون وزياده يعني بحسبه لو فيه تقريبا 140 طالب × 32000 = 4.5 ملايين يورو = 22 مليون ريال سعودي في السنة

الله يعز الحكومه بس

ومشكورهـ على الخبر وماقصرتي
وعليكم السلام,,

الي اعرفه لازم تكون مبتعث عشان يعطونك الاقامه والقبول بس اذا تبي تجرب حظك راسلهم على هالايميل

FP-admissions @ maastrichtuniversity.nl
وعليكم السلام

فيه اكثر من برنامج خاص بالقانون وبالانقلش بعد. اذا تبين معلومات اكثر على هالرابط
Programmes - Maastricht University

بالنسبة للشروط ماعندي خلفيه عنها بس طالبين اقل شي 6.5 في الايلتس
تقدرين تراسليهم على هالايميل
FP-admissions @ maastrichtuniversity.nl

بالتوفيق لكم

السلام عليكم ورحمة الله وبركاته
اخي الامبراطور الله يكتب اجرك ويسهل امورك
في سؤال محيرني
الحين المبتعثين لهولندا 80 طالب والمقاعد المتاحه لدراسة الطب حدود 20 وشرط القبول للطب انك تجيب 5 وفوق للايلتس ( اللي سمعته )
طيب الحين فرضا 75 طالب جابو فوق 5 وش تكون السواه ؟؟ هل كلهم يروحون طب ولالا ؟؟
اتمنى ما اكون ثقلت عليكم

وعليكم السلام..

اذا تقصد طلاب المرحلة الخامسة للتوضيح فقط عدد مقاعد 40 مقعد في كل جامعه والوزارة ارسلت 80 طالب الى كل جامعة وهنا كانت المشكلة يعني دبل العدد.

طبعا الجامعه تقول راح تحل المشكلة لكن مادري كيف بتحلها خصوصا السنة الرابعة (سنة التطبيق) على كلام احد الدكاتره ان عدد المرضى قليل وصعب تلقى مرضى ل 80 طالب

السلام عليكم ..
هل مطلوب ترجمة شهادة التطعيم و ختمها .. ولا لأ ؟؟

السلام عليكم جميعاً ،، بدايةً أحب أشكر الأخ امبراطورعلى جهده الرائع في مساعدة الجميع في كل ما يحتاجونه في هولندا ،، و اتمنى إنك تساعدني ،،

أولاً أنا طالب طموح في الصف الثاني ثانوي ،، علاماتي جيدة و بإذن الله راح أقدم البعثة إذا الله وفقني في اختبارات القدرات و التحصيلي ،، و لكن أنا بدأت منذ الان أفكر في الجامعة ،،

أنا الحمدلله استقر تفكيري على الطب و سمعت الطب في هولندا قوي جداً ،، و حبيت أدور على جامعة تدرس بالإنجليزي لأن الحمدلله الإنجليزي ماشيين فيه تمام ،، و قرأت من ردودك ان جامعة ماسترخيت تدرس بالإنجليزي طوال مدة الدراسة هناك ،، ما أدري يمكن أنا قرأت غلط ،، و لكن لما رحت موقعهم مكتوب الباشلور تدرس بالدتش :
Medicine - Maastricht University

أتمنى إنك تفيدني في هالنقطة حيث إنني حاب زي ما قلت أدرس طب بشري ، يفضل اللغة الإنجليزية و لكن ما عندي مانع أتعلم الهولندية و أتمنى إنك تبين لي من وين راح أدرس الهولندية و هل راح أحتاج أدرس سنة لغة ولا شئ زي كذا ؟

و بالنسبة للقبول في الجامعة كيف هل هو سهل أم صعب ،، يعني وش العلامات المطلوبة عندهم ؟ أتكلم في جميع الأمور من التوفل أو الايلتس إلى علامات الثانوية ؟ و كم مدة الدراسة للطب البشري في هذه الجامعة و هل المدينة نفسها جميلة ؟

اسف جداً على الإزعاج و لكن الرغبة الداخلية و رفع رأس الأهل تجبرني على طرح كل هالأسئلة ،، الله يوفقك في دنياك و اخرتك يا رب

مشكور أخوي الإمبراطور على الموضوع الأكثر من رائع
سؤالي في الموضوع وفي المنتدى تتكلمون بس عن جامعتين الي هم خروقن وماسترخيت ... ماذ عن بقية الجامعة
كجامعتي ليدن وامستردام ...؟ هل الوزارة تبتعث لهم
مع العلم ان كلتا الجامعتبن ضمن الجامعات الموصى بها
طبعا انا اتكلم عن الطب البشري

اسمح أرد عن الامبراطور
بالنسبة لتخصص الطب البشري ه>ي هي الجامعتين اللي ترسل لها الوزارة فقط ..

أشكرك اخوي الياقوت ونتظر خبر اذا كنت تقدر اتحول من هناك لجامعة ليدن او امستردام طب بشري
سؤال المبتعثين لكندا الي معاهم أيلتس يدرسوا لغة ولا دايركت يدرسوا سنة تحضيرية ؟

عجبني فيك طموحك ورغبتك في رفع رأس اهلك وانا اقدر هالشي.
بس كنصيحة لا تستبق الاحداث من الحين وتتعلق في شي يمكن ربك ما يكتبه لك.. شروط الابتعاث كل مرحلة عن مرحلة تفرق. فأهم شي ركز في دراستك واذا خلصت الثانوية بتلقى اجابات لكل اسئلتك.

بالنسبة لهولندا زي ماقلت ماسترخت بالانقلش.. وتطلب 5 في الايلتس وتكون مبتعث

باقي استفساراتك تلقاها في موضوع لآخوي كونان في نفس الملتقى بالتفصيل الممل

بالتوفيق لك
زي ماقال الياقوت طب للسعودين فقط في ماسترخت وخرونقن

بالنسبه للمحولين راح يدرس لغة مع سنة تحضيرية.

بالتوفيق لكم

مشكور اخوي الإمبراطور على التفاعل
بنسبة للغة تكون مع السنة التحضيرية بنفس الوقت ولا سنة لغة ثم سنة تحضيرية
واذا اردت دراسة انجليزي في البداية لوحدو أقدر.. ؟