طريقة الحصول على قبول في هولندا

الله يجزاكي خير يااختي

ويالله صح كل موضوع دخلته اشوف له اثر لك واذا دل دل على المساعده اللى فيك والله يوفقك ويارب ويوفق الجميع

ولكن انا لو ابغا دولة تعادلي مافي في راسك اسماء دول تقليها ليا

ومشكوره وماقصرتي

تسلم يااخويا وهذا وااجبنا بالملتقى نعين بعض اليوم اساعدك وبكره تسااعدني

والان ماافي رااسي دوله معينه لاني مامريت بكذا تجربة معادلة

بس بامكاننا ننزل موضوع بملتقى طلاب الطب والزماله

وان شااء الله يسااعدوونا

وايضا بمحرك البحث قوقل ..

ان شااء الله اذا فضيت اليوم انا حاظره انزل لك موضوع ونشووف قوقل ..

واي استفسار تفضل

كلام سليم بس حبيت اضيف بعض المعلومات

( هالمعلومات الاكيده للحين بس ممكن تتغير لان الملحق الثقافي في الاجتماع كان يلمح لحلول اخرى )

* الثلاث سنوات الاخيره في ماسترخت راح تكون عباره عن

اول سنتين لك خيارين فيها

الاول انك تطلب انك تأخذها في دولة نتيف سبيكر ( متحدثه رسمية باللغة الانجليزيه ) مثل امريكا او بريطانيا او كندا او ايرلندا ... الخ

الخيار الثاني انك تطلب انك تأخذها في هولندا وهالشي لازم تكون عندك اللغة الهولندية وراح يدخلوك كورس دتش حتى تتقنها

اخر سنه راح تكون امتياز وراح تكون في هولندا


بالنسبه للشهاده راح تطلع بشهادة ماستر

بس للاسف في السعودية راح يحسبوها لك بكالوريس

اخووي مديني كتبت لك موضوووع بمنتدى الطب تفضل هوووون ..

http://www.mbt3th.us/vb/newthread.ph...ostthread&f=74

وان شااء الله ياارب تلقى اجابه سرريعه ومرضيه

هلا والله بالأمبراطور مشكور عالإضافة
إلا أنا عندي سؤال عن الثلاث سنوات الأخيرة كيف يكون نظام الدراسة فيها؟ يعني كلها تطبيق ولا كلها محاضرات ولا بين وبين وما هي الوسائل المستخدمة من غرف عمليات وجراحة وتشريح؟ إذا تعرف طبعا

صراااااااااااحة شوكرا لكم فردا فردا من كاتبة الموضوع lovely_loly
والى مشرف الملتقى الامبراطور
والى خبير ملبورن theone

الامبراطور >> عادي السعودية دايما عكس الناس برة يعتبروك انجاز نحن هنا نعتبرك زيك زي الناس فما فرقت هناك ما جستير وهنا بكالوريوس الله المستعان يعتبروها زي ما يعتبروها اهم شي الواحد كيف يشوف نفسو خخخخخ << كاني باتفلسف اعذرووني
بس السؤال اللي محيرني واللي خلاني اكره جامعات السعودية جامعة جامعة هوا هل اذا سافرت على بعثة خادم الحرمين الشريفين الى هولندا ادرس لغة << لانو اللغة هيا اللي نزلت معدلي في السنة التحضيرية في جامعة الملك عبدالعزيز وما انقبلت طب!!كل المواد درجاتها عالية رغم اننا ندرسها بالانقلش بس المشكلة في الرايتنق ما اعرفلوا مرة وطبعا ضاااع الحلم بس الله يعين
المهم لما سالت عن ايرلندا رد عليا واحد يدرس طب في ايرلندا و قالي انو مافي شي اسمو تاخذي لغة على طول تدخلي على كلية مدري ايش اسمها تعطيكي 6 شهور مواد ساينس واشياء كدا وطبعا انت ومجهودك وحسب اللغة اللي نحنا جايين بيها من السعودية وحسب اختلاطك مع الناس تقوا لغتك < طيب مافي مشكلة بس المشكلة >بعد دي ال 6 شهور اختبر الايلتس ولازم اجيب الدرجة اللي تبغاها الكلية الملكية للجراحين عشان انقبل فيها والدرجة عالية اللي طالبينها ...
<< عارفة انكم ضعتوا في تاريخ حياتي بس الزبدة للي مافهم من قصة حياتي دي اللي فوق شي هوا هل في سنة لغة في هولندا ولا لا؟؟ عشان احطها على قائمة الخيارات اذا نزلوها دي السنة في الدول اللي يبعثوا لها؟؟؟
واكيد الجامعتين اللي بتتكلموا عليها البعثات بترسل لها صح ولا انا غلطانة ؟؟؟
وجزاكم الله خير ويفرج همومكم زي ما بتفرجوا هموم الناس اللي زي حالاتنا
وبعدين يريت تتقبلوا مروري واسئلتي بصدر رحب اذا مافيها كلافه عليكم ومشكورين

هلا عزيزتي ..دكتووره ايماان ..

بهوولنداا فيه مررحلة السنه التحضيرية تخووشيها اذا اخذتي 5 ايلتس ..وفيها مواد علميه والظاهر فيها كوورس انجليزي ودتش ..بس لازم تكوون لغتك الانجليزية كوويسه من شااان تمشي لانوا ترركيزك ذااك الوقت حيكوون باللغة الجديدةوبامكاانك تااخذي انجلش بمعااهد السعوودية قبل لا ترووحي او تشترري كتااب انجليزي ..وتطووريي نفسك بنفسك ..واتمنى اذا انا كتبت معلومة خطأ تصلحوولي

مووفقه غاليتي

شكرا يا البي ودا اللي باعملوا باطور نفسي بنفسي

شكرا على المعلومات المفيدة
موفقة باذن الله

الي اعرفه انا اخر ثلاث سنوات بتكون مجرد تطبيق في مستشفى وممكن تتكون فيه محاضرات خفيفه

بالنسبه لنظام هولندا من اول يوم في الطب راح تدخل المستشفى واول ثلاث سنوات يكون عباره عن بلوكات

يعني مثلا اول ثلاث اسابيع يكون عن الجهاز الهضمي تاخذون فيه كل شي متعلق بالجهاز الهضمي من امراض وعلاج

وتتناقشون فيها وبعد الثلاث اسابيع يكون فيه اختبار على الي اخذتوه

المهم انت لا تستعجل على طريقة اذا جيت هنا بتعرف كثيرر وبيسون لك اجتماع مع ادارة كلية الطب وبيعطيكم معلومات عن البرنامج ومع الايام بتعرف الكثيررر

هلا اختي الدكتوره ايماان

من ناحية الريتينق لا تفكرين انك الوحيده تعانين من هالشي ... كثيرين عندهم نفس المشكله والمعهد عارف هالمشكله مع الطلاب السعوديين ويركزون على هالنقطه وبيخلونك تكتبين كثيررر اذا ما كان كل يوم تكتبين قطعه او قطعتين

وبتحسين انه يتحسن معاك الايام بس يبيك تتشغلين على الريتنيق وتجتهدين وبتشوفين الفرررق ومافيه شي يجي بسهوله راح تتعبين في البداية بس بترتاحين في الاخيرر


وبالنسبه لايرلندا الي اعرفه انه مقعدك في الجامعه مو اكيد واعرف طلاب كثيرين جاهم قبول في ايرلندا وفي دول ثانيه مثل بولندا وهولندا

وفضلوا بولندا وهولندا عشان المقعد محجوز

والخيار لك في الاول والاخير وانتي وين ما ترتاحين توكلي على الله واختاريه

والله يوفقكم جميعا

جزاااااااااااكم الله خير وربي يوفقكم فردا فردا
ويعطيكم على قد نياتكم اميييييييييييييين
شكرا على المعلومات المفيييييييييدة