1- مسألة العفش .... وكم الوزن المسموح به ؟؟ وهل ندفع ثمن العفش الزائد ؟؟
بالنسبة للعفش فالخطوط الالمانية تسمح ب 20 كيلو فقط وممكن تعطي استثناء خاص للطلاب 10 كيلو اضافية مثل ما سوو معنا يعني المجموع كله 30 كيلو فقط واي كيلو اضافي يحسب ب
95 ريال يعني 10 كيلو عفش زايد = 950 ريال
طبعا بالنسبة لنا فيه ناس دفعت 3000 ريال وفيه ناس دفعت 5000 وفي زوجين دفعوا 11000 ريال عفش زايد عشان كذا مهم جدا انك توزن عفشك قبل لا تطلع على المطار واذا كان عندك عفش
كثير ممكن تاخذ معك الاشياء الضرورية فقط وتشحن الباقي لاقرب مطار من مقر سكنك و بتكلفة معقولة جدا (( بالنسبة لالمانيا تقريبا شحن 45 كيلو يكلف 450 ريال فقط واعتقد ان هولندا بنفس
التكلفة لانها تبعد تقريبا نفس المسافة عن السعودية وللي يبي يتاكد ممكن يتصل على مكتب الطيار ويستفسر منهم ))
2-التفتيش في المطار وخصوصا للاجهزه ( اللاب توب و الجوالات و الفلاش ميموري و غيرها ) ... وهل هي ممنوعة ؟؟
كل ماذكر اعلاه غير ممنوع ولم نفتش نهائيا في مطار فرانكفورت لكن ماعندي خلفية بالنسبة لمطار امستردام لكن اعتقد ان نفس الشي راح يصير معكم لانه الملحقية متفقة مع المطار
على تسهيل اجرائات الطلاب السعوديين لدرجة انه كان فيه بوابة خاصة عند الجمارك يمر منها الطلاب السعوديين بدون تفتيش.
3- اشياء ممنوعة و واجهتم احراج فيها ....
بالنسبة لي وللطلاب اللي معي بقوتنقين لا شيء لانهم مافتشونا ابدا
لكن هذا مايعني انك تشيل معك اشياء ممنوعة لانهم ممكن يطلبون منكم فتح
الشنط وحينها راح تكون في موقف حرج اذا لقوا معك شي ممنوع .
4- اشياء ظننتم انها ممنوعة ولم تكن كذلك ... للبعض !!!
بالنسبة لمعظمنا كان عندهم تخوف من الاقراص المنسوخة سواء برامج او افلام او غيرها عشان حقوق الملكية لكن الحمدلله لانهم مافتشونا في المطار فما واجهنا اي مشاكل وهذا مايعني
انكم تتساهلون لكن انتبهوا وخلوكم جاهزين لكل الاحتمالات .
5- اشياء احضرتموها معكم و تمنيتم انكم لم تفعلوا !!!
بالنسبة لي لا شيء لكن ممكن غيري من المبتعثين لالمانيا يفيدكم اذا كان عنده ملاحظات
6- اشياء تمنيتم لو احضرتموها !!!
بالنسبة لي انصحكم ان كل طالب يجيب معه مصحف وسجادة وزي سعودي كامل عشان الاحتفالات بالمعهد والاعياد وللي يخاف من الاحراج او عدم تقبل اهل البلد للبس السعودي اقوله
تطمن لانهم بيفرحون مرة اذا شافوك لابس الزي السعودي و راح تكون محط انظار الجميع وبتلقى بعضهم يطلب منك انه يجرب يلبس الشماغ وكثيرين راح يطلبون انهم ياخذون صور معك .
نرجع للاغراض المهمة : علم السعودية لنفس السبب السابق وايضا حاولوا تجيبون معكم قواميس
ثنائية اللغة يعني هولندي >> عربي او هولندي >> انجليزي اذا كنت مجيد للغة الانجليزية سواء قواميس ورقية او الكترونية متعددة اللغات لانكم راح تحتاجون لها وممكن ماتلقونها هنا او تلقونها بس باسعار غالية وبرضوا حاولوا تجيبون معكم كتب تشرح قواعد اللغة بشكل مبسط لانها بتساعدكم في فهم قواعد اللغة و ممكن تلقونها كلها بالمكتبات الكبرى مثل العبيكان وجرير وبرضو ياليت تاخذون معكم شوية اقلام ودفاتر على اساس ممكن ماتقدرون تشترونها قبل بداية دراستكم.
7- طريقة استقبالكم في المطار ... خصوصا ان الملحقية الثقافية في المانيا.... وربما نبيت هناك ليلة !!!
من ذي الناحية تطمنوا راح تلقون موظفين من الملحقية باستقبالكم في المطار (( بالنسبة لنا كان في استقبالنا موظف واحد فقط )) لكن هو راح يكون بانتضاركم في صالة الاستقبال وقبلها
راح تخلصون جوزاتكم وتاخذون عفشكم بانفسكم .
8- بخصوص القهوة والشاي والتمر .... وهل سببت لكم احراجات؟؟.... (لان البعض مايعدل رأسه الا القهوة العربية)
من ذي الناحية تطمنوا فجيبوا معكم تمر وقهوة وعدة الكيف وماحد راح يكلمكم ابدا وبالنسبة للي ناوي يجيب كمية كبيرة
معه فالافضل انه يشحنها لانها بتسبب له مشاكل مع العفش
الزايد
[GLOW="000000"]
عموما توصلون بالسلامة ان شاء الله وتنورن هولندا بجيتكم
وعقبال مانتحمد لكم بالسلامة
ختاما تقبلوا تحياتي
اخوكم
زورو
[/GLOW]
LinkBack URL
About LinkBacks
January 23rd, 2007, 04:46 AM
وقعتم فيها او اي اضافات منكم ......