موضوع كـامل عن المانيا على طريقة سؤال وجواب

اخوي المرعب سؤال طارئ جدا جدا

ياليت تفيدنا بسالفة ترجمة شهادة الميلاد هل هي من متطلبات الفيزا ولا لا؟؟؟

لانهم طلعوا لنا بسالفه جديده اعضاء منتدانا الحبيب يقولون انها مطلوبه صح ولا لا؟؟

وهذا رابط الموضوع::::

http://www.mbt3th.us/vb/forum64/thre...ml#post1636927

الـسلام عـليكم ,,

شـكراً اخـي على هذا الموضوع ,,

اخوي انا طالـب بحريني ,, يمكن لم اجد الا هذا المنـتدى لأخذ المعـلومات منه

سـؤال خفيف ,, كيف اجرائات الحصول على بطاقة الطالب Student Card او شـنو هي
العروض الي متواجدة فيـها ؟؟

وشكراً

بسم الله الرحمن الرحيم
أخوي العزيز حابب أسئلك مجموعة أسئلة عن دراسة الطب في المانيا ممكن
1.معدلى جيد جدا في الثانوية بطلعلي طب في المانيا وخصوصي في ( برلين هامبورغ فرانكفورت)
2.بخصوص اللغة غالية في المانيا وصعبة والا ايش
3.الشغل في المانيا لطلاب كيف بقدر يشتغل ويصرف على حاله وخصوصي السنه الاولى بقدر يشتغل ويدرس
عادي مسموح
وشكرا الك
............

ثاني شي أنا حابب أقول لأحمد ومعين Herzlichen Glückwunsch ولكل المقبولين وعقبالنا بعد سنتين إن شاء الله

أخوي أحمد انتا ذكرت بعض النقاط حابب أستفسر عنها وهيا:-
1- في بداية الموضوع كنت دايما تقول لأي أحد يسألك عن المصاريف إنه 200 يورو للسكن و200 يورو للمعهد وما بين 100-150 للمصاريف الثانية. من ناحية المعهد: أنا بحثت عن كم معهد في برلين ومعهد في ميونخ(طبعا غاسل يدي من ميونخ بعد قراءة موضوعك بس انا من زمان كنت شغال في البحث) المهم لقيت إنه تكاليف اللغة في كل المعاهد للأسبوع الواحد فقط تقريبا أكثر من 200 يورو يعني بالشهر أكثر من 800 بس كنت دايم أبحث عن الإنتنسف كورسز. فياليت تقلي أي معهد يكون تكاليفه الشهرية أكيد 200 يورو
أما من ناحية السكن فانت برضو قلت 200 شهريا ومع تقدم الموضوع قلت 250 يعني انا أبغى أسألك عن سكن أكيد أو إنك تجبلي أي موقع مثلا يبين السكن وأسعاره سواء في برلين(وهو المستحسن) أو برا برلين. وترى على فكرة جودة السكن أبد ما تفرق معايا لأني عارف إذا حصلت واحد كحيان في البداية وقدرت أوصله وانا هنا في بيتي حقدر أجيب أحسن منه وانا هناك.

2-لمن أحد سألك عن دراستك ببعثة أو بحسابك الخاص انتا جاوبته وقلتله بحسابي الخاص وإن شاء الله تتيسر البعثة. سؤالي هنا البعثة اللي انتا تقصدها هيا من ألمانيا نفسها يعني مثلا مؤسسة كونراد أديناور أو هاينريش بول أو أي واحد غيرهم من الطقة هدولي؟ ولا تقصد بعث تانية خاصة من وطنك او من أي مؤسسة عربية؟

3-لمن أحد سألك عن العمل انتا قلتله أول شي لازم تتأكد انه مسموح لك العمل وقلتله شيّك على فيزتك. سؤالي هنا انه من معلوماتي انه الطلاب القادمين من خارج الإتحاد الأوروبي يمكنهم العمل 90 يوم في الإجازات وما قد سمعت أبد انه في ناس مسموح لهم العمل وناس لأ فياليت توضحلي النقطة لأنه أصلا فيزتي حتكون أبو 3 شهور وبعدين أجي أمددها لسنة (أو سنتين في برلين على قولك) يعني أنفع أشتغل؟
وفي نفس موضوع العمل انتا قلت في أول صفحة انه في الاجازات تقدر تطلع مبلغ 4000. من معلوماتي أنا(<<<ما شاء الله عليا ويكيبديا على غفلة) انه الطلاب (اللي يشتغلو 90 يوم زي ما قلنا اول) مسموح لهم العمل 19.5 ساعة في الاسبوع وانه قيمة الساعة تبدأ من 8 يورو والمعروف هناك انه اصحاب العمل يحبو يوظفو الطلاب نظرا لرخص أجورهم وانا لمن حسبتها حقدر أطلع حوالي 2005 يورو من الشغل اللي الساعة فيه بـ8 يورو يعني لو حطلّع 4000 يبغالي 16 في الساعة الوحدة فهل ممكن أحصل شغل بذي المواصفات يعني انتا تعرف أحد صارتله الحكاية دي؟

4- المرة دي سؤالي موجه لأخويا معين. أخوي معين أنا كمان يمني الجنسية من خريجي عام 2008 بنسبة 94% ولكني من مواليد السعودية وحياتي كلها هنا في جدة (على شوية مكة والمدينة) فحابب أسالك عن شروط المنحة تبعك وهل ممكن أحصل أنا عليها أو مثلا تكون دراسة اللغة على حسابي وبعدين يتكفلو بالباقي أو تكون جزئية أو أي شكل من الأشكال؟ ياليت تفصلي الله لا يهينك. وهل موضوع شمالي وجنوبي والكلام الفاضي دا يأثر عالموضوع؟ لأنه صارت معايا في ماليزيا ورحت في خرايطها.

ترو(ومفردها ترى) والله من ناحيتي الشخصية أبد مو خايف من التغرب ولا التجربة الصعبة ولا اللغة ولا الدراسة ولا أي شي لأني عارف وواثق من نفسي ومتأكد إنه اللي حيتعب حيلقى شي يفرحه انا بس للأسف ضايقة شوية من ناحية المادة (بإذن الله حتتيسر) ومحتاج أعمق التفاصيل عن هذا الموضوع والله يوفق الجميع.
طبعا يابو حميد ما راح أقلك تعبتك معايا لكن حقلك جزاك الله خير وبإذن الله موفق في دراستك انت وخويك وكل من يعز عليك منتظر ردك على أحر من الجمر.
الله معاكم.

السلام عليكم كنت اريد ان اعرف مدينة هانوفر كم تبعد عن مدينة هايدلبرج و شكرا لمجهودكم

اخوي المرعب الله يعطيك الف عافية بس بغيت اسالك عن الاجراءات الخاصه بالمرافق اذا كان المرافق عنده فقط شهادة متوسطة هل الفيزه يعطونه فيزة طالب ولا سياحيه وربي يوفقك يارب

ان اسفة اخوي انا اقصد المريب =المرعب اكرر اسفي

السلام عليكم
عندي استفسار عن التأمين الصحي
هل لينا تأمين صحي في ألمانيا ؟؟
ولا لاء؟
وايش الاجراءات الي لازم نسويها اذا كان في؟؟
واذا كان مافي هل لو عندنا مشاكل صحية نرفع الأوراق للملحقية وهيا تتكفل؟؟
أرجو من الى يعرف يرد عليا ؟؟

أخوي احمد .. الله يوفقك ويسهل عليك درآآستك
عندي استفسار بسيط واتمنى تفيدني
انا ناوي ابدأ بمعاملة الفيزا ان شالله
والبعض قالي لازم تدفع ضمان بنكي .. البعض قال 7000 يورو والبعض قال 16000يورو
المبلغ هذا مو سهل .. هل هالشي من شروط الحصول عالفيزا ؟
وكيف سويت التأمين الطبي هل لازم من هنا او من هناك
سألت المكتب حق التاشيرآت ومعلومااتهم قليلة وماستفدت منهم
أن شالله تفيدني أخوي

كيف يعني ورقة من المحكمة؟؟ ما ينفع أجيب ورقة من نفس المؤسسة اللي شغال فيها أبويا وتكون بختم وتوقيع المدير؟

ويعطيك ألف عافية عالرد أول بأول
أنا إن شاء الله يوم الأحد طالع المدينة أسبوع وبإذن الله راح ادعيلك طول الأسبوع لأنك تعبت معانا
بالتوفيق