موضوع شامل وهام عن الحياة المعيشية في السويد

واااااااااااااااو
روووووووووووووووعة
نسيت تذكر نقطة
انة السويد غالية ولا رخيصة
بليييييييييز ابي جواب

سؤال: من جد السويد فيها النهار فقط اربعه ساعات و الباقي كله ليل ؟؟
بيقولوا قلة الشمس عندهم تجيب كآبه في نفسية الشخص ):

مرحبا

عندي سؤال واتمنى من الي عنده خبره يفيدنا

لغتي الانجليزيه شبه معدومه

جامعة لوند هل يوجد بها معهد لتعليم اللغه الانجليزيه قبل الدخول للجامعه ؟ للماستر والبكالوريوس

اذا لم يوجد بها معهد ماهو أفضل معهد لتعلم اللغه الانجليزيه ؟ وكيف مستوى الدراسه بالمعهد وجامعة لوند؟؟

ماهي اول الخطوات الي يجب فعلها عند الوصول الى السويد ؟

كيفية البحث عن السكن ؟؟

دعواتي لمن يسعفني بالإجابه

مشكووووووووور كتير
المعلومات جدا مفيدة

السلام عليكم
طيب يا خوي ابغى اسأل كيف الدراسة البكالوريوس هناك هل هي صعبه جدا وهل هناك طلاب ابتعثوا للسويد ورجعوا وكم نسبتهم وهل هناك امكانيه للنجاح وهناك لأنه جاني ابتعاث ومتردد جدا اخاف اني اخفق او انني ما احقق الدرجه المطلوبه ويرجعوني او يقطعوا عني المكافأه ولازم نحسبها صح ورانا التزامات وكم تستلم الزوجه المرافقه هناك ارجو منك الافاده وشكرا

اخوي وحش الله يسعدك .. ممكن ترسل لي ايميلك واكون لك شاكر

مشكور أخي الكريم على الطرح.. عندي بعض التعليقات،

صراحه طرحك للموضوع طرح رومانسي يظهر الاجابيات بس.. يا ليتني شفت السويد بالعين إلي إنت شفتها بها! يمكن تكون تجربتي صعبه بحكم اني بنيه و وحدي و يمكن أني تعودت على حياة المدن الكبيره و الصاخبه بالحياة و الأحداث.. ما أدري.. بس السويد أنا أحسها مستشفى مجانين كبير... هههه.. هب لذي الدرجه بس أحب اطرح بعض النقاط. أعيش بالعاصمه ستوكهولم لأني أشوفها أجمل المدن السويديه و أرقاها، ف الصيف المدينه تخبل، البحيرات ف كل مكان و الطبيعه روعه، رغم أن الشمس تحرق و تجيب صداع بحكم انها قريبه تحسها فوق راسك. المواصلات بالدقيقه محسوبه، السير منظم، و القوانين محترمه. الناس تشوفهم مستانسين يوم تكون الشمس طالعه، باقي الإيام تحس الواحد ساير ينتحر هب ساير لشغله، كآبه فظيعه ف وجيهم. الناس تتكلم معك بالاماكن العامه بس يوم الجمعه و السبت فقط! يوم يكونو سكرانين.. باقي الأيام يوم يتكلم معك حد أكيد مجنون. انسى انك تبتسم لحد.. يوم تغلط و تبتسم لا تزعل يوم تشوف الشخص ينظر لك نظره مثل أنك تبى تسرق عليه أو تسويله شي. أماكن الترفيه هف، صراحه السويد تعلمك الإعتكاف بالبيت.. يوم تسير لمكان رغم إنه راقي و غالي ما تحصله مثل ما توقعت أبد.. لا والناس لي فيه عندهم عقده مع العطور! يعني يوم تطلع كاشخ و ماركات و عطور، الكل يطالعك.. بس يجيك مغص ف بطنك يوم تشوف ناس طالعه مباشره من شغلها و داشه.. ميك أب ذايب و روائح و لباس يخليك تندم على الطلعه. العرب إلي شفت بالشارع مع كامل احترامي لبني جلدتي مثل ما يقولون، يخوفون.. تحس من وجيهم انهم مجرمين! لا عاد بسني من المبالغة... بس صدق، عمري ما تجرأت أكلم حد، لأنه أكثرهم جايين هب لأسباب دراسه أو بزنس مثل الدول العظمى، لكن جايين لأسباب ماديه و أنا صراحه عندي عقده مع هذيله.. يعني لا تسوي حالك المسلم المنفتح و تعمل علاقات اجتماعيه، لانهم يستغلونك و يسوون لك مشاكل. فصل البرد القاسي، يا معين! لو ما يكون عندك إيمان بالله و تاخذ لك حبوب فيتامينات كثيره، تنتحر.. جو قاسي لدرجه تفوق التخيل.. ماهو البرد فقط، لكن الإكتأب.. كل شي كئيب من حولك، بحيرات جامده، أشجار جامده، حتى الناس جامده.. الحياة منعدمه.. نصيحه ابعدوا عن أي مشاكل عاطفيه أو عاليه ف ذيك الفتره، و سافرو لكم ولو اسبوعين لمكان فيه الشمس.. حنا هب مثلهم متعودين على الجو، عسب شي لو ما استعدينا له زين يمكن يأثر بشكل خطير على صحتنا النفسيه. أخر شي يمكن أعلق عليه هو مسأله العنصريه.. أغرب موقف صار معي، رغم أني ساكنه ف مكان هادء و عائلات سويديه حولي.. مره صحيت من النوم، تعيبانه و مسالمه.. بعدني لابسه بجامه و جاكت وش كبره و ثقله.. دخلت الماركت "كوب" أييب اغراض.. فجأة وحده قاعدة تبربر، ما أدري شكانت تقول، معليه صوتها علي.. بعدين جات بنت من الشغيلات ف المحل و قعدت تصارخ عليها.. أنا ما فهمت غير بوليس، بوليس.. جمدت ف مكاني مستغربه، وش أنا مسويه؟ بعدين جاتني الشغيله وقعدت تشرحلي الموقف بالسويديه طبعاً! طلبتها انها تتكلم إنجليزي، ف لحظه هي فرحت إنو أنا ما فهمت كلام الحرمه المجنونه، لكن رغم ذلك شرحتلي أنها الحرمه قالت لي إنو هذا محل سويديين بس، لا مكان للأجانب فيه! رغم أن لوني أبيض! بس يمكن من شعري و عيوني كحيله عرفتني أني عربيه! يعني العنصريه موجوده بالسويد. و في حزب عنصري ف البرلمان بعد، يكرهون المسلمين و الأجانب و قوانينهم تخوف. و للأسف أنه فيه جماعة النازيين الله يجيرنا منهم، جماعه مدعومه لهم لباس خاص و شعارات هتلر.. هذيله حتى الجرائم يرتكبونها، لكنهم متمركزين بالجنوب و شي منهم ف ألمانيا.. لا ويسوون مظاهرات بعد.. و الشي المحزن أنه لهم ألحق ف التكون تحت ما يسمى بالديمقراطيه. و في جماعات ثانيه من السحاقيات و راعين حقوق الشواذ لي معظمهم هم لي يساندوا القضايا العربيه و غيرها من القضايا الانسانيه، هذيله يسووا مظاهرات مضاده عسب يخربوا على النازيين.. من الأفضل ما تحضروا ذي المواقف.. فيها بوليس و ضرب، و كلاب و غازات و يا رب سترك.. لكن هذي الاحداث ناذره الحدوث. ما بقى شي شين ما ذكرته من الحره! هع. بس ما تخلو تجربتي تخرب عليكم أو تأثر على قراراتكم.. تبقى الجامعات زينه و الطبيعة حلوه، والمتاحف و التراث المثير.. تجربتك ف مكان تتحد ف أهدافك فيه وش إنت دوره.
انشالله تجاربكم تكون ناجحه و مفيده و شيقه.. الله يوفقكم. و سلامتكم

ههههههه اجل لا تجي تجربي بولندا الي لا أخلاق ولا جامعات زي الناس ..
الي عنده خبر عن افضل جامعة تدرس الطب وتخصصات العلوم الطبيعية بالتحديد علاج طبيعي يعطيني خبر عنها الله لا يهينه

ا

السلام عليكم جميعاً ,,
تعليقك طويل جداً فيه بعض المغالطات او التخويف للناس اللي ماتعرف ,,
في السويد اذا اثبتي على احد انو تعامل معك بعنصرية على اساس جنسيتك او ديانتك او لون بشرتك تقدري تقاضيه ,,
النازية غير مسموحة بالسويد بحكم انو فيها نسبة كبيرة من اليهود ورؤوس الاموال السويدية اغلبها يهود ,,
الدولة هادية جداً ,, رائعة في الصيف قاتلة في الشتاء ,,
في كل دول العالم فيه عنصرية حتى لو بحالات شاذة وفردية ,,
الدولة رائعة في نظامها وقوانينها وطبيعتها في الصيف ,,


لجميع الإخوة اللي راح يسـافروا اي دولة في العالم ,, انت وحدك تقرر اذا كنت راح تتأقلم مع اي دولة راح تسافر لها او لأ ,, توجد لنفسك بيئة تناسبك بغض النظر عن المجتمع اللي حواليك او الدولة الغريبة اللي حاتعيش فيها كم سنة
تحياتي واتمنى التوفيق والسعادة للجميع

بالصيف يكون النهار طويل جدا ,, بيوصل في اقصى حالاته في شمال السويد الى خمس او ست ساعات تقريباً
في الشتاء العكس بيكون الليل طويل جدا ,,
من منطقة ستوكهولم الى جنوب السويد يكون مقبول نوعاً ما النهار والليل