استفسار متطلبـــات السفارة الالمانيه..........؟؟؟

وعليكم السلام ورحمة الله وبركاته

جوازات السفر الاصليه

صور شمسيه 3 صور حديثه خلفيه بيضا ومكشوفة الراس للرجال

خطاب السفاره مذكور فيه مبلغ المكافأه باليورو بالاضافه الى اسماء المرافقين لوكان عندك مشهد من الملحقيه السعوديه في المانيا يفضل انك تقدمه للسفاره ايضا

تعبئة الابليكشن وتكون ثلاثه ابليكيشنات لكل شخص هذا الشي تقدر تسويه في المكتب الخاص بالسفاره الالمانيه في الرياض في مبنى si

ورقة القبول اللي معاك سواء لغه او جامعه

شهادات الميلاد وعقد الزواج مترجمه ومختومه من وزارة الخارجيه في الرياض من قبل شخص معتمد من السفاره

الاوراق هذه كلها تاخذها معاك لمكتب التاشيرات الخاص بالسفاره الالمانيه وهذا المكتب موجود في مبنى si في طريق الملك فهد

وهم يساعدوك في تعبئة الابليكيشنات وترتيب الاوراق وطبعا ياخذو رسوم ويقولولك تعال لنا بعد ساعه او ساعتين ويكونو حطولك الاوراق في ظرف مختوم (لايفتح) ويحجزو لك موعد مع السفاره الالمانيه

تروح في موعدك للسفاره الالمانيه وتقدم لهم الظرف وطبعا هم يفتحوه ويشيكو عليه

تدفع رسوم التاشيره لكل شخص 340 تدفعها في السفاره لمن تقدم الاوراق .. المبلغ ممكن يزيد وممكن ينقص

هذي كل الاجراءات

اما من ناحية المده فكل واحد وحظه ناس جاتهم في كم اسبوع وناس في كم شهر

بالتوفيق .. ودعواتك

الله يوفقك اختي ..
اشهد بالله ما قصرتي..
الله يعطيكي مليون ترليون عااافيه..
بس ممكن اخر سؤاااال...؟
ترجمة شهادة الميلاد اولاً اترجمها بمكتب وبعدين للخارجيه..يعني غير اروح للرياااض..؟؟
وبعض الاحيان مثل ما سمعت ترفض الخارجيه الختم....

العفوو خيوو ماسويت الا الواجب

الخارجيه ماترفض الختم الا لسبب انه الترجمه ماهي مختومه من الغرفه التجاريه .. والغرفه التجاريه مارح تختم على الترجمه الا اذا كان المكتب معتمد ومرخص

شوف خيوو لازم قبل كل شي لو كانت شهادة الميلاد صادره من الشؤون الصحيه لازم تروح توقعها من وزارة الصحه اما اذا كانت شهادة الميلاد صادره من الاحوال المدنيه مافي داعي تصدقها من الصحه

بعدين تروح لمكتب معتمد ومرخص من الغرفه التجاريه ترجم فيه شهادة الميلاد وعقد الزواج لو كنت متزوج وتروح للغرفه التجاريه يختمو لك على الترجمه بعدين تروح للخارجيه وتصدق الترجمات

بالنسبه للرياض اعتقد لازم خارجية الرياض لان الشخص اللي رح يوقع لك معتمد من السفاره الالمانيه لاني انا رحت خارجية المنطقه اللي انا فيها ولمن رحت السفاره قالو لا لازم تروحي تاني للخارجيه وتوقعي الاوراق ويوم رحنا قالو في الخارجيه ان التوقيع المعتمد عندهم بس في الرياض ( انت اتصل على السفاره واسالهم هل هناك شخص معتمد في الخارجيه اللي في منطقتك او لا )

وبعض الاحيان مثل ما سمعت ترفض الخارجيه الختم....

انت سوي الخطوات صح صدقني مارح يرفضو

دعواتك ان الله يسهل امري

واي سؤال انا حاضره

طيب ليش لازم يترجموا شهادة الميلاد ؟

اخت عنيد الله يجزاااك الف الف خير..
ومشكوووور من كل قلبي ..
ماقصرتي اختي

لانك تحتاجيها هناك في المانيا في التسجيل عند الشرطه عشان الاقامه والسكن

وكمان لازم ترجمة عقد النكاح للمتزوجين لانه مطلوب ايضا عشان الاقامه والسكن

بالتوفيق

العفوو ماسويت الا الواجب

و اي سؤال انا حاضره ..

دعواتك لي بالتوفيق وان الله يسهل امري

طيب ياعسل انا شهادة الميلاد حقتي مختومة من وزارة الصحة / مديرية الشئون الصحية .

مايحتاج اوديها عند وزارة الصحة تتختم وبعدين مكتب ترجمة صح ؟؟
والمرافق تبعي حتى هوا لازم شهادة ميلاده ؟؟

في وحدة سألت الموسى في الملتقى على ترجمة شهادة الميلاد
وقلها اصلن هناك ما يطلبو منك شهادة الميلاد جواز السفر يكفي