السلام عليكم
صباح الخير
في عادتي ما أحب أدخل في المواضيع اللي تأخذ منحنى المناقشة بين طياتها .. بس تضايقت من نظرة البعض للأمور وحبيت أبدي وجهة نظري
في بالي أفكار كثيرة وبحاول قد ماأقدر أرتبها وأختصرها
في البداية أحب أقول بما أنكم طلاب بكالوريس إن الجـامعة عالـم وشيء مختلف تمامـاً عن المرحلة اللي كنتم فيها
في المرحلة هاذي لازم تكون شخص معتمد على نفسك فأنت الخاسر أو الرابح في نهاية هالمشوار وبشكل مختلف عن نسبة ثالث ثانوي ..
بعد ماتخرجت من الجامعة تعلمت مبدأ إذا قررت تدرس وتختار تخصص [ وفي الغالب الكل يختار يدرس تخصص يضمن بعد تخرجه وظيفته (طبعاً هذا مايمنع أن جزء كبير من الأغلب يجمع معاها كون التخصص يناسب ميوله ورغبته) ] فلما تجي تختار أبتعد عن كل ماتسمعه من الناس وخصوصاً هالجملة (التخصص هذا مضمون وظيفته وأدرسه وأنت معتبر إن الوظيفة تنتظرك وفي يدك ) لأنك لو سمعته راح تنصدم بعد تخرجك وأنت بغنى عن هالشيء .. فمن قبل ابدأ وأبحث بنفسك عن اللي درسوا التخصص واسألهم بعد تخرجهم عن التوظيف لأنهم هم أصحاب التجارب و عايشين واقع الأمر والمثل يقول (اسأل مجرب ولا تسأل طبيب)
وودي أضيف حاجة من واقع شفته وبعيد تماماً عن مسألة الناس قالت أو سمعت فلان قال
هنا عندنا بالسعودية شح بالتوظيف أو يمكن سوء تنظيم واضح وملحوظ
المجتمع كله تقريباً يقول لك دامك دكتورتطمن بتتوظف قبل حتى ماتتخرج ,, بس الوقع الممرض يتوظف بعد 6 أيام من تخرجه لكن الدكتور يتوظف بعد 6 شهور وأحب أقول إن هالدكتور حظه حلو ولاقى وظيفته بوقت مقبول (كلامي هذا أبداً مو تحطيم لأنك بالآخر أنت دكتور وأكيييييد راح تتوظف ) وتقريباً أنتم أنتهيتم من هالخطوة لأنكم الحين كلكم طلاب طب إن شاء الله
والنقطة الثانية أتمنى إنكم تخففون من فكرة بما أني دارس برة وفي جامعة أجنبية فهذا في حد ذاته يكفيني وشهادتي محد خذ مثلها وأهم شي إني مو من خريجين طب جامعة الملك سعود أو فيصل .. أسمحوا لي أقولها كذا تفكيركم بيكون أكــبر خطأ تحطون نفسكم فيه .. طلابنا ودراستهم الحمدلله فيها كفاءة والمواد اللي أنتم بتدرسونهم هم بعد يدرسونها لأن هذا طب يعني مساركم واحد ولو كانت دراستهم صفر عالشمال كما يصورها البعض فما أعتقد كانت الدول الأجنبية راح تقبل تدرسهم عندها زمالة طبية و رغم إني ماعندي أي فكرة عن هالشيء لكن أعتقد وبشدة إن فيه من طلابنا في الزمالة تفقوا على طلاب الزمالة من خريجين نفس الجامعات الأجنبية ... في الأخير تذكر بكرة بتكون زميل لخريج جامعاتنا وممكن هو يستلم حالة مريض ويعالجة وبفضل الله يقوم بالسلامة وأنت تستلم نفس الحالة المرضية وتفشل بعلاجها وممكن المريض يموت طبعاً الله لايقوله وإن شاء الله مايصير هالشيء لكن هالإحتمال وارد جداً لأن الطب يعتمد عليك أنت وكفاءتك أكثر من اعتماده على شهادتك وجامعتك اللي تخرجت منها .. وأتمنى محد يقول الوزارة أرسلتنا لجامعة فأكيد هي عارفة أنها توب وماعليها كلام .. محد أحرص على الإنسان من نفسه
وهنا حبيت أضيف قبل فتره قريت بموقع الوزارة إن طلاب بعثه طب تخرجوا ولما ارجعوا لسعودية راحت دراستهم كلها ورفضتها السعودية لأنهم اكتشفوا أن دراستهم ولا شيء يعني ولا كأنهم أدرسوا وماني ذاكرة بالضبط كانوا خريجين أي دولة .. يعني هالطلاب وش ذنبهم ضاعت سنوات عمرهم على شهادة بالآخر انلغت مره وحدة فرجاءاً أحرصوا على مستقبلكم لأنكم بأول الطريق
أتمنى أي خبر تسمعونه ابحثوا فيه لين تتأكدون وش الصح .. فيه ناس تتساهل الأمور وماتحب إن هي تقلل من شأن شي تدرسه حتى لو كان فعلاً فاشل .. وفيه بعد ناس تعظم الأمور وتفتي من نفسها وممكن تكون مهملة وبعيدة عن الدراسة وتجي تقول لك الجامعة فاشلة واختباراتها صعبة و الدكتور اللي درسه خلاه يحمل المادة .. وهنا يجي دورك .. مفروض تعرف إذا الكلام صح أو خطاً و أنت بذكاءك وحرصك وبحثك راح تعرف الشخص المناسب اللي تأخذ منه المعلومة
وفي ختام كلامي
أنا ما أقول أبداً إن كل الجامعات بنفس المستوى وتصنيف الجامعة طبيعي بيكون له أهمية ونظام تدريس كل الجامعات فيه فروقات ومع ذلك مو كل الطلاب في جامعة عريقة بيتخرجون بنفس الكفاءة لكنها في الغالب راح تخرج مميزون بنسبة 90% من طلابها في كل دفعه
ويبقى كلامي مثل ماقلت في البداية وجهة نظر من أمكم وأختكم الكبيرة أميرة وماأقصد فيه أي حد
والله يوفقكم يارب ونشوفكم أطباء ترفعون الراس وفي أكبر المستشفيات ونفرح بتخرجكم
يعطيك العافية أختي أسمهنو والله يجزاك خير على تنبيهك وإن شاء الله تفرج وتنحل مشكلتكم قريب ولا تحتاجون وتضطرون لأي حل يضايقكم ومايكون في صالحكم .. ويارب تفرحونا بالخبر الحلو و نآخذ منكم الحلاوة
بالتوفيق للجميع
وأعتذر جداً عالإطالة
تحياتي
أميرة الصمت
LinkBack URL
About LinkBacks
عاد دي وزارتنا ايش نعمل
ربنا يعينك يا اخت اسمهنو
ويعننا