استفسار بخصوص دراسة الاحياء بالمانيا ارجو الاجابة

مس بعد اذنك ياليت تصححي معلوماتك الداد مو مسوله عن كل الطلبه

عن بعض الطلبه واتوقع فيه ادله كثيره من ضمنها الاجمتاع يوم ذكرو كم عدد الذين حضرو من طلاب الداد

وطلاب الملحقيه ياليت تتأكدي من معلوماتك على فكره الوزاره ما عندها مشكله على حسب معلوماتي تدرسين بالانقلش

بس شنقول للجهل ملحقيتنا ماعلينا ....

اخوي يعني لو طلعت المرحلة السادسة

ممكن يخلون اخذ كورس انجليش ؟

وادرس كمان

انا لو اتأكد من هالشي بعزم الامر لألمانيا

لان زوجي بيدرس الالماني
لانه لغتة الانجليش قوية

بس انا لا

ياليت اعرف الاكيد
الله يسعدكم

خليني اختصر لك الموضوع عشان تكوني ملمه بجميع جوانبه

اولاً الجامعات الالمانيه ماستر كذا ولا كذا بيطلبون انجليزي ع الاقل B2.2 لاحظي ع الاقل يعني اتوقع هالمستوى مو صعب بس بالاظافه

الى DSH2 او TestDaf 4 طيعاً هذا تقدري تقولي مثل التوفل بالانجليزي وطبعا الانجليزي كلغه اسهل بكثير من الالماني

او انك تدرسين بالانجليزي فقط وطبعاً يطلبون توفل انجليزي باختصار الانجليزي مطلوب بالماستر وافضل انجليزي لوحده

ثانياً الملحقيه تقول لا تدرسون الماستر الا بالالماني لجهلها بسبب قلة طلاب الماستر غير الاطباء بالمانيا هي تقيس طلاب البكالوريوس

وطلاب الدول الاخرى على المانيا مو عارفين نظام الجامعات لذالك اللي يفصل بالموضوع تكلمي الوزاره ياجماعة الخير المانيا

الانجليزي كذا ولا كذا فيني اقدر ادرس بالانجليزي او اللغتين هل اقدر ادرس بالانجليزي وطبعاً خليهم من البدايه يعطونك اثبات

او كلمه من مسؤل ويكلم الملحقيه عشان بكرا تحجيهم

وبالانجليزي سهل القبول عكس الالماني اولاً لسهولة اللغه الانجليزيه وتقدري تخلصيها بوقت قصير بعكس اذا بتدرسين لغتين واللغه الالمانيه

مستوى عالي ويكون صعب نوعا ما .....

الامر بيدك اولاُ واخيراً اتمنى الصوره وضحت لك...

اسمعي يا أختي ..

كلام مازال تحت الاجراء كلام واقعي .. شخص متطلع على الوضع وعارف اش المطلوب واش الصعوبات وارجعي اقري رده أكثر من مرة معلومات واضحة و كافية و وشافية والسعيد من اتعظ بغيره ...

انت تقدرين تدرسين بالانجليزي بألمانيا في حالة وحدة بس .. اذا كنت جاية ومعاك توفل معتمد وتقبل فيه الجامعة وتطلب منك الجامعة بعد تدرسين عندها كم كورس ألماني عشان تمشين نفسك بالبلد .. لاحظي معتمد يعني مو حيا الله توفل ..

هذا للدراسات العليا بالانجليزي ..

أما اذا ما معك توفل فكلام أخوي واضح فوق ..

أما انك تدرسين بألمانيا انجليزي كلغة هذا صعب ليش؟؟؟

لأن 1 - الملحقية ما راح تعطيكي كورسات بتقولك تبغين انجليزي جاية ألمانيا ليش؟؟؟؟؟؟؟؟؟؟؟

2 - دراسة الانجليزية هنا سيئة .. كورس لا يتجاوز اسبوع بذاك الكلام .. الألمان نفسهم يروحون يدرسون انجليزي بالدول الانجليزية ..


رأيي ونصيحتي اذا تبينها خذيها ما تبينها ارميها بالبحر ..

1 زوجك انجليزيته جيدة وتخصصه موجود في الدول اللي تدرس بالانجليزي وانت بحاجة الانجليزي حتى لو رجعتي ان شاء الله بالشهادة فالانجليزي عندنا هو اللي ماشي ..
ولا يقارن أبدا بالدويتش الثقيل + صعوبة متطلبات بعض الجامعات مثل ماقالك اخونا أنه ممكن تدخلين بمعادلات والذي منه ...

2 الدااد انت مو بحاجتها اذا معاك توفل الدااد مجرد منظمة تمنح الطلاب الأجانب منحات بكورسات ( تسمى كورسات الطلبة الدوليين ) وتكون دراستهم عادة بالانجليزي لكن كنوع من التبادل الثقافي واستثمار لعقول الأجانب .. وهي الملحقية مسلمتها الاشراف أظن فقط لا غير ( انا ماعندي علم عن الدااد ومسؤوليتها عن الطلبة السعوديين خصوصا ) ..


للأسباب الآنفه اختاري دولة انجليزيه وريحي راسك ..

والعلم موجود بكل مكان ..

بالتوفيق

مازال تحت الاجراء

الله يسعدك يارب ويوفقك
افتدني كثير اخووي

^_^

N@Y


من جد يعطيك العافية ياعسل

وش بكم تتجادلوو الحين
!!

يعني مس هوني طالبة مبتعثة ماستر أحياء وكلامها صحيح لانو الدااد مسؤول على كل طلبة المانيا من الناحية الاكادمية طبعا باستثناء طلاب ماربورغ لانهم تبع الجامعة

بالنسبة لك اخوي مازال تحت الاجراء فممكن المسؤول عنكم كان مقصر او شئ فلا تحكم على كل العاملين بالدااد لاني اعرف كل المبتعثين في كل المدن والدااد عمل معهم كل شئ لازم من الناحية الاكادمية والتعريفية



بالنسبة للدراسة بالانجلش او الالماني واللي عاملين فيها مجادلة فمختصر الكلام هو

انك ممكن تدرسي باللغتين في المانيا يعني

اذا تبي تدرسي بالانجلش فلازم يكون عندك التوفل ومستوى بي 2 في الالمانية

اما اذا تبي تدرسي بالالمانية فلازم يكون عندك مستوى dsh وبس



طبعا بالنسبة للأفضل فأنا انصحك باللغة الألمانية لانو الدراسة أقوى بها هنا في المانيا

طبعا انا ما اتكلم عن الملحقية وازعاجها وموافقتها عن الدراسة بالانجلش لانو كل يوم لها كلام وهذا اللي متعودين عليه

ارجوو انكم تقفلوو الموضوع الحين لاننا خرجنا عن اطار المساعدة الا اطار المجادلة !!

واعتقد ان الصوة اتضحت الحين

واذا عندك اسئلة يا اختي فأرجوو انك تكتبي للأخت مس هوني بالخاص وتتكلمي معاها لانك نفس وضعها تماما وهي عندها خبرة بالموضوع هذا

أتمنى لكم التوفيق أخواني

لاحول ولا قوة الا بالله

الموضوع مو موضوع مجادله كل انسان يقول رائه في الاخير بمعنى انها ما تعتمد فيه ناس يقولوا وناس يقولوا يعني تنتبهه

وتسأل مادري انا ماجستير ما عمري تعاملت مع الداد الاخت ناي ماستر ما تعاملت مع الداد وكثير اعرفهم مو مع الداد مثل

ما اعرف برضو طلاب مع الداد

والداد افضل مليون مره هي لها خبره وتوفر اتمنى ان الداد تشرف علي. فرق كبير عن الملحقيه

من ناحية الاستقبال والتوزيع وتوضيح هذا احنا الا بحاجته بس يا بختكم انتوا تبع الداد انا ماستر بس ما اشوف اني بهامبورق ولا كاسل

وكثير من الي اعرفهم ومنهم من المرحله الخامسه اذا تفسريلي يمكن مبتعثين احنا من دوله ثانيه مادري !!!

جد مادري اتكلم عن نفسي وعن بعض الطلبه تقول لا يعني كذاب انا...!

بعدين انتي تقولي الدليل انه زاركم وفرحان بمستواكم مادري وين الدليل مسئول عنكم هو انكرت انا عشان اريحك ما تكثرين كلمة مسئول وتعبين روحك

لاني عارف وقلت بعض وما اتوقع ان الي قلتيه دليل يزوركم اكيد بيزوركم مسئول عنكم !

عكس اللي ذكرته ايام الاجتماع.يعني ليه قسم الطلاب الملحق بذكر طلاب المسئولين عن الداد والطلاب الاخرين .!

يمكن الملحق ما يدري !

ياليت نتواصل بعقلانيه بدون تعصب لان كل شخص يستفيد من الثاني

على كل حال عشان تعمً الفائده ياليت توضحي شلون ما تعادل اذا بالانجليزي لان هالنقطه ما فهمتها فيه شهاده بالعربي وشهاده بالانجليزي .

ثانياً هي تكلمت عن اللغه وكيف القبول واتوقع ان ابديت رائي واذا الاخوان دخلوا الجامعه وعرفوا الطريق يعتمد رائهم كلنا نعرف قبل التقديم

مليون طريقه تطلع لنا بس نكتشف بالاخير ان فيه صعوبات ونحاول ننصح باللي مرينا فيه.

اخوي المرعب عزيزي مع احترامي لك ياليت قبل ما ترد تقراء كلامي قلت مالي دخل بالداد ما عيبت عليها ولاتكلمنا حول النقطه الي تتكلم عنها

ثانياً اخوي انا في هذا البلد من فتره طويله ودارس فيها من فتره طويله وعارف خفاياها .واذا شايف ارائنا ما يستفاد منها مو لازم تاخذ فيها

بس اتوقع ان ابديت رائي مو لشخصك الكريم للكاتبة الموضوع واتوقع اني ذكرت الامر اولاُ واخيراً لها.. واتوقع الخيار لها مو لك بالي عنده خبره.

بالاخير بما انكم لديكم الخبره ابي استفيد منكم وياليت اجاوبوني

ا1) هل استطيع دراسة الماستر باللغه الالمانيه فقط بدون ان يكون لدي خلفيه للغه الانجليزيه ؟

2)متى يبدا التقديم وينتهي في الجامعات الالمانيه لطلاب الماستر وكيف تتم المراسله؟

3)ما هو اقل معدل لابد اكون حاصل عليه لكي استطيع تكملة الماستر؟

4) ماهو الفرق بين الـ DSH2وTestDaf4 في شكل الاختبار وايهما اسهل وكيف يتم التسجيل فيهم ؟

والاسئله تطول.....

وعلى فكرهـ ياما سمعنا وسمعنا قبل التقديم سوالف والخ بس اذا جاء الجد امور كثيره تختلف اتمنى من جميع الطلبه

انتوا بالمانيا زروا الجامعات اسئلو بانفسكم وتأكدوا لا يهمكم لا كلامي ولا كلام غيري خذها من المصدر الجامعه

اتمنى التوفيق للجميع.

السلام عليكم ورحمة الله وبركاته

الاختلاف في الرأي لا يفسد للود قضية

صلو على النبي ... ترى ما حصل الا كل خير .. وجزى الله الجميع خير .. الكل يبي يفيد ويقدم المساعده

كلنا يد وحده .. فقره منك وفقره منها وفقره منه .. ونطلع ب رد كافي وافي

في رعاية الإله.

قال صلى الله عليه وسلم ( أنا زعيم ببيت في ربض الجنة لمن ترك المراء وإن كان محقا )

كل اللي عندي قلته , وماباحط اي رد تاني ..