ارجو المساعدة من طلاب المانيا

اي تقدري بس الحين له اكثر من اسبوعين انتهى التسجيل على السمستر الجاي

بس الاهم تعرفي وشو مطلوب منك لاجل تقدري تدرسي لان الاغلب مو عارفين وشو المطلوب من طلاب الماستر

لانهم يختلفون كلياً عن طلاب البكالوريوس اذا عارفه شي حلو اذا مو عارفه ياليت توضحي


اتمنى لك التوفيق

وعليكم السلام ورحمة الله وبركاته ..

طيب يا أختي بقولك على شغلة تفيدك ان شاء الله ..

انت الآن تحددت تقريبا المدينة اللي بتدرسين فيها ان شاء الله واللي هي برلين . طبعا برلين فيها هالتخصص شي أكيد . وفيها أظن 4 جامعات اذا مو أكثر ..

شوفي ياطويلة العمر . الآن فاتك التقديم الشتوي ولازم تنتظرين للصيفي ان شاء الله .. وما عليكي انت بمرحلة لغة وقدامك وقت ان شاء الله .

أنصحك اكتبي اسم التخصص تبعك في قوقل بالألماني واكتبي جنبه بأي سمستر تبغيه ان كان Winter Oder sommer semester واكتبي السنة و in Berlin

تطلعلك الجامعات أو لفي بجامعات برلين من خلال مواقعهم وشوفي مواعيدهم ومتطلباتهم وشوفي برامج الماستر عندهم .. طبعا جنبها بتلاقين اسم البروف المسؤول عن هالمادة او التخصص وايميله وتلفونه .

فيك تكلمينه وتعطينه معلومات عنك زين على زين .. ماتقدرين مو مشكلة اكتبي ايميل لو بالانجليزي وضحّي فيه ان عندك بعثة لدراسة الماستر ومعلومات عن دراستك للغة بأي مستوى الآن ومتى تنتهين ان شاء الله واش حابة تدرسين وزي كذا .. .. وانك حابة تعرفين أكثر عن متطلبات التخصص ..

نفس الشي هالايميل ارسليه لمكتب القبول بيرسلون لك معلومات كثيرة ويرسلون لك طلباتهم ..

الغاية من هالطريقة اللي اشوفها أفضل شي وانا استخدمتها بنفسي لأن الموقع وغالبية المواقع تكون تحديثها للبيانات قديم . يعني المعلومات مو دايما صح + برامج الماستر تعتبر للألمان جديدة + تاخذين العلم من راسهم أحسن لأن ممكن يغيرون كلامهم بأي لحظة ..


تجيك الايميلات وشوفي اش يطلبونك عاد واذا انجليزيتك جيدة وعندك توفل كملي بالانجليزي وجامعة دريسدن فيها هالتخصص بس أظنه بالألماني ناسية والله ..


وافضل شي طبعا انك تروحين الجامعة بنفسك تسألين مكتب القبول او تاخذين موعد تقابلين فيه البروف طويل العمر وتاخذين فكرة عن المكان ويبان انك مهتمة اكثر . وبرلين قريبة منكم .

- عندك Frau Frank بالمعهد استاذه أكيد تعرفينها اطلبي منها المساعدة ..

حبيت أفيدك قد ما أقدر

كل التوفيق يالغالية

عفوا ماعندي معلومة مفيدة لك ..

لكني ابستغل موضوعك للسؤال ؟؟

انا ابحث عن جامعات تخصص حاسب الي في الماجستير ..

وحاليا افكر في امريكا .. لكني وضعت المانيا خيار ثاني ..

هل دراستك لماجستير الحاسب الالي باللغة الانجليزية او الالمانية ؟

وهل يوجد جامعات تقدم ماجستير حاسب الي بالانجليزي ؟

وهل دراسة اللغة الالمانية صعبة مثل ماسمعنا ؟؟

آآآآآآسف جدا على تطفلي علي موضوعك .. لكني ابحث من فترة عن اجابة لاسئلتي ولم أجد للأسف ..

شكرا لك مقدما

حياك أخوي قيصر روما .

لا تطفل ولاشي هنا الهدف نساعد بعض .

ماجستير الحاسب الآلي والماستر بصورة عامة في ألمانيا تحدثنا عنه كثير في كثير من الردود أنا والأخ مازال تحت الاجراء وكان فيه كلام كثير حول هذا الموضوع .

الخلاصة بغض النظر عن ما اذا كانت الألمانية سهلة أو صعبة او القبول او غيره .

اذا معاك توفل او ايلتس وانجليزيتك ممتازة .راح تجي تدرس ألماني فترة بسيطة وتبحث عن قبول بالانجلش وتوفي الشروط وان شاء الله تقبل الملحقية .

اذا ما معك راح تدرس بالألماني الماستر وتكمل . لأن اذا حاب تدرس بالانجليزي توجه لدول هاللغة .

الألماني مو صعب ومو سهل ( متعب ) يحتاج جهد كبير ووقت أطول بحكم انها لغة دقيقة وفيها استثناءات وقاعدات كثيييييرة . ومثل العربي تقريبا قواعد للنحو و مستوى الامتحان المطلوب لدخولك للجامعة يعاملك وكأنه مقطوع سرك بألمانيا وتصير متمكن جدا من الألمانية >> هذا الامتحان فقط للدراسات العليا واسمه T- Daf

نصيحة من أخت لك . أمريكا أفضل على الاقل انت متأكد ان تخرج قبلك كثير وهي بلد التقنية بالحواسيب ..
وحاول تقرا باقي الردود بتتضح لك الصورة .

واذا عندك سؤال اسأل تحت أمرك : )

موفق .

والأخت ألو طمنينا عنك .

محرك بحث رائع للبحث عن برامج ماستر أو دكتوراه بأي لغة بأي دولة أوروبية بأي اختصاص
Find Master's Studies in Europe - MastersPortal.eu