الفيزا الدراسيّة الألمانية ، شروطها ، معلومات أخرى ..

تسلم حبيب

المبلغ هو في حسابك وهو ملكك (الحساب مفتوح على جواز سفرك) ويحق لك تحويله من حسابك إلى أي وجهة...
لكن .. لحظة .. الحساب محجوز .. يعني لا يحق لك سحب أكثر من 643 يورو بالشهر ... ممممم ... لا أعرف!!

إسأل السفارة أو البنك أو الدكتور مصطفى ... خلي أخوك يسألك مباشرة في أي فرع للبنك .. ممكن يكون في مادة في العقد مختصة بهكذا موضوع ..

موفق أخي...

مشكور اخي الكريم

السلام عليكم يا شباب. انا شب سوري جيت من سوري (حمص بالتحديد) من حوالي شهر علسعودية بسبب الاوضاع. المهم انا بجدة ورحت على مركز تقديم الفيزة. أنا جايب كلشي أوراق كانت تنطلب بسوريا.
المهم طلبو مني أوراق تانية، متل حجز فندق مع اني بدي اسكن بسكن تاني. بقى في عندي سؤال هل بيقبلو تأكيد الحجز يلي من الانترنت؟

وكمان في شغلة كتير مهمة وانا كتير مدايق منها وهي انو قالو انو الفيزا بدها من شهرونص لشهرين لحتى تطلع!!! وانا اخر يوم للستجيل بالجامعة هوي الأول من أبريل، يعني باقي شهر. انا قلتلو للموظف (هندي) انو ازا هيك انا رح اخسر الجامعة. قلي I don't care. انا من جوا كتير عصبت لان حسيت رح اخسر كلشي وخصوصا انو تأشيرة الزيارة تبعي بالسعودية رح تخلص كمان. ما بعرف شو الحل لهلمشكلة؟ أنا ما وصلوني الاوراق تبع الجامعة غير الاسبوع الماضي، وأصلا هيك التوقيت بكل الجامعات بالمانيا. وبسوريا بالعادة بناخد الفيزا تبع الدراسة خلال اسبوعين وبالكتييير شهر زمان.

بصراحة انا كتير مدايق لان حاسس رح اخسر الجامعة

بشرفي انك أصلي يا أب فرحان. اصللللللللي كتيييييييير. كنت رح موت على موضوع فتح حساب البنك وماني عرفان كيف لان بعرف البنوك ماعم ترضى تتعامل مع السوريين. دويتش بانك بعتلي الابليكيشن فورم، بس خفت انو ابعت وضيع وقت وبعدين ما يقبلو. المهم بس الحمد لله وقت رحت على مركز الفيزا ما طلبو هلشي مني، قلتلهن انو الوالد بدو يتكفل بالمصاريف، قالولي جبلنا خطاب من الشركة براتبو وانو هوي رح يتكفل فيك وكمان bank statement عن حسابو.

أهلين فيك أخي ... الله ييسر أمورك

أنا قدمت على السفارة مباشرة من الرياض مع إني من سكان مكة ... لأنه على زماني ماكان في تقديم بجدة (من سنتين) ... ولم يطلبو مني حجز فندق ولا حجز طيران ... كثير من الطلبات المكتوبة (حوالي 12 13 طلب) في موقع السفارة هي زيادة وغير لازمة ... مثل مثلا ورقة الشرطة وغيرها ... أرسل إيميل للسفارة وإسألهم أسئلتك أو حكيون تلفون صباحا بردو عليك
014880700 تحويلة الفيزا 265

موضوع الحساب البنكي ... اللي بعرفو إنو ضروري ... أنا وقتها طلبو مني الحساب وورقة من كفيل الوالد وكشف حساب له في السعودية ... ممكن النظام تغير ...

أما موضوع التسجيل في الجامعة ... أرسل إيميل للشخص اللي أعطاك القبول في الجامعة وأخبره بالكلام ... غالبا سيتعاون معك ... الألمان براعو المشاكل الشخصية غالبا ... قل له شو قصتك وأتوقع بالأصل بدون ما تقول له في تمديد أتوماتيكي لتاريخ التسجيل ... خليك على تواصل مع جامعتك

موفق أخي

أخي بتعرف بنوك تانية بتقدم خدمة blocked account؟ لان شكلو مافي غير الدويتش بانك فيه هيك خدمة! بابلي ماعم يرد. شكلي بدي اعتمد على حالي، وكمان بعتت ايميل للسفارة قلتلهم انو الدويتش بانك ما رضي لاني سوري، قالولي دور على بنوك تانية بتتعامل مع السوريين. اي ماااافي شو اعملهنننن!!! رح شطلهن ايميل هلأ قلهن هيك هيك.

شو البابللي بطل المصلحة يعني؟

طول بالك ..

أغلب البنوك تقدم الخدمة .. ومنها كوميرتس بانك اللي أنا حسابي عندو
جرب إتصل مباشرة على خالد مراد وهو موظف في البنك
00491726112852
00493026533769
00493026533756
00493026532221

هاي أرقامه وأرقام كل أفراد المكتب تبعو
أو اتصل على كوميرتسبانك في برلين وإسألهم عنه
أو إتصل عليهم وإسألهم عن إمكانية فتح الحساب

أو لا قيلك شي واحد ألماني يكفلك ماديا :|

تمنياتي بتيسير أمورك

يايلت احد يفيدنا بخصوص الحصول على قبول جامعه ؟

انا اليوم كنت عند مكتب الفيزاه , وقالولي لازم قبول جامعه ' مع انك ما تقدر تجيب قبول جامعه في المانيا الا بعد اللغة !

فعلا شي تعبني

أبو فرحان والله حكينا معو لهادا خالد مراد وقلنا انو كمان بكوميرتس بانك مافي. قلنا كتييير القصة صعبة وحالياً مافي. طيب في شغلة انو انا بال٢٠١٠ رحت على المانيا وعندي حساب بالـ Postbank حساب عادي، فيني اعملو مغلق؟! هاي شغلة والشغلة الأهم انو انا حضرتي نسيان توقيعي تبع البنك هنيك. أختي عايشة بالمانيا واتصلت بالبنك حكتلن انو عندكن هادا الحساب المغلق قام الموظف اول ما عرف شو هادا وقامت شرحتلو قام قلها انو فيكي تعملي يلي بدك اياه بالحساب وقلها انو ازا هيك خليه اخوكي يبعت رسالة للبنك انو هيك بدو يصير. طيب شو العمل ازا نسيان توقيعي انا الفهمان؟!! عم نفكر انو اعملها توكيل لأختي بس كيف ما منعرف، مشان تقدر تتصرف بالحساب تبعي

عندك فكرة اخي كيف انا ممكن حل هاي المعضلة؟ او حتى مثلا كيف الواحد بيعمل وكالة عامة؟