استفسار الي طلاب طب المانيا خاصه والي جميع طلاب المانيا عامه

هناك نوع من أنواع القبول الجامعي ويسمى " قبول مشروط " ولكن ليس بالضرورة أن تكون جميع الجامعات تقدمة

وهو يؤكد بأن المتقدم سوف ينجز اللغة في فترة وقدرها كذا .. والقبول هذا يمكن يجيك في غضون اسابيع إلى شهور ومن ثم تقبل بالبعثة.

من ناحية المكتب والله انا مثلك ماحصلت بس ميسرة إن شاء الله .

هلا بالشباب .

من ناحية القبول مشكله لكن الله يحلها.

من ناحية المكتب ... انا اعرف مكتب في الرياض:

مكتب لانجوا او اسم زي كذا.... في شارع الثلثين الشارع الي مقابل الفيصله الي قبل التحليه... المهم مقابل البنك الأهلي في شارع الثلثين .

ونصيحه مني لكم ... المكتب راح ياخذ عليكم فلوس على الفاضي ... وهو راح يسوي نفس الشغله الي بتسوونها .

انا رحت له وقلت ابي قبول لغة ... توقعت انه على اتصال مباشر بالمعهد الي ابيه هناك ... لكن شوي قالي وش اسم المعهد .... اعلمه بأسمه ويكتب اسمه في قوقل ... شوي يخش على الموقع وقالي خلاص جب الي طلبت منك .... طلب مني صورة جوازي ... كشف حساب للوالد لا يقل فيه عن 60 الف ريال بالأنجليزي...وشهادتي بالأنجليزي ... وشهادة حسن سيرة وسلوك بالأنجليزي. و250 ريال رسوم المكتب .. هذا غير اذا كان فيه رسوم ادارية للمعهد . وراح يجيك القبول بعد اسبوعين بالكثير.

مع العلم الي ابيه بس قبول لغة .

المهم قلت خلاص اوكي راح اتصل بك بعدين <<< تصريفه طبعاً.

رجعت البيت وفتحت النت وفتحت موقع المعهد وانا سجلت زي تسجيل في برنامج خادم الحرمين للأبتعاث. ومن بكره الصباح ويجيني القبول.

وأنا اقول الجامعه اكيد ماراح تختلف والقبول يجيك بسرعه و لا خساير ولا شي .

بالتوفيق ان شاء الله .

السلام عليكم ورحمة الله وبركاته
رمضان مبارك على الجميع

الله يفتح عليك يا أخوي هذا اللي نبي الناس تفهمه ان الشغله حق القبولات مو صعبه .. بس لو نبطل اتكاليه .. يعني اللي انت سويته عين العقل

وبالنسبه للقبول الجامعي المشروط هذه هي طريقته بالرابط هذا

http://www.mbt3th.us/vb/forum64/thread136157-84.html

وبكذه باذن الله ما يواجه اي شخص اي صعوبه

في رعاية الاله.