سؤال الى طلاب الطب في المانيا ..؟؟؟

شهادتك بتكون المانية ..
والطب في المانيا قوي َ جدا ً ..

المانيا تُعد الافضل فـ الطب مع امريكا وبريطانيا ..
الوضائف الكل رح يتمنى يكون عنده طبيب من المانيا ..
يعني لا تخاف الشهادة قويه جدا ً ..

وبـ التوفيق لي ولك وللجميـَع ..

لاحولا ولا قوة إلا بالله ..


لا أستطيع حقيقتنا أن أعلق على هذا الموضوع ..

أخوي ألمانيا طب = الكرة الأرضية كلها تبغى مورثك

وأنت قاعد تفكر في ربعنا ؟؟

اقرو اعلانات وشروط الوظايف للفائدة وماراح تحصلو تفضيل دولة على دولة
موفقين

اولا بالتوفيق انشاء الله

بالاول وبالاخير انشاء الله لما ترجعي السعودية بعد ماتخلصي الدراسه راح يكون فيه امتحان اسمه الهيئة السعودية للتخصصات الطبيه .......هذا الامتحان لازم يمتحنه الجميع سواء درستي بالسعودية او الخارج

يعني الي بجيب معدل كويس وينجح بكون له فرصه قووويه لدخوله التخصص اللي يبيه

(بس بعدين الله يعينك على انه انتي تعرفي المصطلحات الطبيه بالانجليزي ...ولكن اتوقع يعني مايفرق كثير بالمصطلحات )

بالتوفيق

انا بس ابي اكتب توضيح صغير وكتبته كثيرا في هذا المنتدى

بالنسبة لمصطلحات الطب فهي باللغة اللاتييييييييييييييينية يعني سواء تدرس في المانيا او الهند او امريكا او المريخ راح تدرس المصطلحات باللاتيني والفرق الوحيد بين الدول هو لغة تدريس المادة يعني بالسعودية الشرح بالانجلش وفي المانيا بالالماني وفي سريلانكا بالسريلانكي وفي امريكا بالانجلش وهكذا

يعني لما تجي وتختبر هذا الاختبار راح يسألوك عن الشئ اللي في مخك واللي تعلمته وما راح يسألوك عن اللغة اللي درست بها الطب

يعني لا تقلقو من هذا الشئ

واحب انوه لشئ ترى معظم دكاترة وزارة الصحة من خريجي المانيا

اتمنى لكم التوفيق

حلو معلومة حلوووووة

الله يسهل أمورنا جميعاً ولا تشيلي هم اللغه أختي ,

آلسلآم عليكم ..
آنآ آختلف معك بشدة في هذي آلنقطة يآبعدي ,, آنآ لي قريب درس في آمريكآ مآستر حآسب ؤلمآ جآ يقدم على جهة حكؤمية آلظآهر آنهآ آلمؤآرد آلبشرية سؤؤ مفآضلة بين آلمتقدين ؤآختآرؤ قريبي ,, ؤكآنؤآ آلمتقدمين كلهم منطبق عليهم آلشرؤط ؤمن ضمن آلشرؤط آنؤ يكؤن مستؤآك ممتآز لكن فضلؤآ قريبي لسبب بسيط ؤهؤ """"""" لآن شهآدته آمريكية """""" ,,
ؤهكذآ في مستشفى آلملك فيصل آلتخصصي بآلريآض بحكم آن آثنين من آخؤآني يشتغلؤن فيه ,,
ؤآللي عنده تجآرب بعد مع جهآت حكؤمية يضعهآ من ضمن آلردؤد للتآكد من آن آلمؤضؤع صآر ظآهرة ؤآن كآن في بعض آلجهآت آلحكؤمية للآسف تتبع فقرة آلؤآسطآت آلى آلحين لكن لآ تجي في آيديهم لآن ؤآلله لؤ معك دكتؤرآه طب من آحسن جآمعة بآلعآلم بيشغلؤن متخرج ثآنؤي دكتؤر ؤآنت بيعتذرؤن منك لعدم ؤجؤد ؤظآئف ؤلآ تستغرب آذآ قآلؤآ لك شهآدتك مؤ معترف فيهآ آقضب آلبآب !!

العضو واي رايك محل احترام ويسعدني اوضح وجهة نظري الخاصة
انا راح ادرس ماستر واذا كانت جامعة الملك سعود تبتعث معديها في الخارج وهي افضل جامعة من ناحية الكوادر اكيد معناه اننا ماوصلنا لمرحلة تسمح باعداد باحثين وتاهيل اكاديمي عالي في الدراسات العليا في السعودية , وفرصة الدراسة العليا شبه معدومة عندنا و لها عيب كبير وهي انها بدون تفرغ يعني حقت موظفين
وطبيعي ان خريج الماستر والدكتوراه في الخارج افضل من الداخل هذا ان وجد في الداخل ولا ماكانت فيه بعثات من اساسه

وبخصوص تفضيل امريكا اسمحلي يسمع بالموارد البشرية الي يوظفو لمجرد انه من امريكا ويمكن تصير ولكن لنخبة من الجامعات مثل هارفرد لصعوبة معايير القبول واكيد هذا الكل يحترمه بعد تخرجه
وحسب ماشوف انه في شهادات تنشرى من امريكا او شخص يختبر بدال شخص بمبلغ مادي ولاتنسى فيه كم دكتور عندنا انفضحو لانهم شارين الشهادة من امريكا
ومعايير التوظيف معروفة عندنا (معدل - اختبار بين المتقدمين - مقابلة شخصية -دورات ) والمقابلة والاختبار اهم شي
والمفاضلة تكون اما عن طريق الواسطة او الكفاءة

وبالنسبة للطب والمستشفيات تطمن ماعرف احد درس تخصص طبي الا وتوظف بشهور بسيطة سواء من الخارج او الداخل
ولا تنسى انه فيه كادر خاص للاطباء ويختلف عن باقي التخصصات حتى المهندسين مالهم كادر خاص
ولو تتطلع على السلم الوظيفي ماراح تلقى نص ان الي يدرس في الخارج اعلى مرتبة من الداخل
كلهم يشترطو انها تكون مجازة من الهيئة السعودية للتخصصات الصحية وانصحك تتطلع على اعلانات التوظيف وتقرا الشروط
وترا مثل مالدولة تصرف على البعثات نفس الشي تصرف على الجامعات الي في الداخل وطلابها يتخرجو مؤهلين مثل الخارج
خذ مثال جامعة تبوك عمرها 3 او 4 سنوات وتبعث طلابها فترة تدريب بالصيف مثلا في تخصص المختبرات الطبية بدولة سنغافورة
وجامعة حايل عمرها 4 سنوات ترسل طلابها في الطب للتدريب الصيفي في فرنسا
وقس على ذلك باقي الجامعات الي لها ميزانية ضخمة مثل جامعة الملك سعود والملك عبدالعزيز
والحين الحمدلله الوظايف مايشغلها احد بمجرد شهادة من الداخل او الخارج لازم اختبار يثبت احقية كل شخص وراح تقابل شخص معدله جيدجدا او ممتاز وحتى لو انه متخرج من امريكا ولكنه فشل في الاختبار والمقابلة وهذا راح يستبعد ويمكن يفسروها انه كان يغش في الاختبارات !! وراح يمسخروه كل الي في اللجنة ويصير نكتة في اللجنة وخارجها وتوصلنا من الدكاترة قصص من هذول العينات وناخذ منها عبر في المجال الوظيفي
وفي النهاية لكل مجتهد نصيب والمعدل والبلد ابد مايعكس هذا الشي.