ابتعاث المانيا ((ارجو الرد))

الظاهر انه محد عنده خلفيه عن الموضوع ولا ايش

هلا اخوي نايف .. والله طال عمرك ماعندي اي خلفية بالموضوع .. لكن انا برضوه محتاج الرد .. لاني مبتعث الى المانيا ان شاء الله ..

هلابك
اخوي فيه موضوع عن الفيزا الدراسية للعضو عزيز الله يجزاه خير فيه كل شي تحتاجه
والسوال الثاني اذا انت بكالوريس ماعندي خلفية وانصحك تقرا الموضوع المثبت للاخ مرعب
وبدري على الفيزا لاتستعجل انتظر لين مايطلع القبول النهائي في شهر 11 هجري هو الي يحدد بلد الابتعاث ومهو معناه ان الرغبة الاولى المانيا خلاص راح تطلع المانيا
والفيزا ماتقدر تقدم عليها الا بقبول جامعي وضمان مالي يعني لازم تنتظر الى شهر 2 ميلادي ويمكن اكثر
بالتوفيق

مشكووور اخوي AFRO والله يعطيك العافيه بس ان مدري لارحت للجنه حقين التدقيق هل يمكن لي ان اغير الدوله ولا لا

العفو
انت اخترت ثلاث رغبات ورتبت الاولوية من الدول وكذا سويت الي عليك والباقي على الوزارة
وهم الي يختارو لك الدولة من الثلاث رغبات وطبعا لازم يوزعو الطلاب على حسب احتياجات كل دولة من الطلبة الاجانب
والي مقبولين في البكالوريس من المرحلة الخامسة في جميع الدول 800 طالب وطالبة
واتمنى احد من طلاب المرحلة الخامسة يفيدك عن عدد المقبولين في المانيا عشان تعرف فرصة قبولك فيها

مشكوووووووور اخوي يعطيك العافيه

والله انا نفس حالتك بس ابغى اعرف طريقه الدراسه وكل شي عن المانيا ولاسف نسأل في المواضيع المثبته ما لقينا جواب

يعني انا ابغى اغير الرغبه ل المانيا اقدر اغيرها بعد قبولي ولا لا لانو مقابلتي يوم 12 في فندق ميريدان في جده
اتمنى احد يفيدني واكون شاكر له

السلام عليكم، بالنسبة للتأشيره فالوزارة رح تتكفل بكل شيء. الرغبات ممكن تعدلها يوم التدقيق حسب خبرة الأعضاء في المنتدى. أما تغير البلد بعد قبولك ما عندي عنه خلفية. لكن أتوقع إنه يكون ممكن اذا كان في أحد سحب ملفه أو في أماكن شاغره في البلد اللي انتا بتحول لها. لأنه في عدد مقاعد معين لكل بلد. على أيامي قالولنا سووا فحص طبي وأعطونا ورقه، سويته وما استفدت منه في شي. حتى لو كان مطلوب الفحص الطبي لاتشيل هم لأنه يسير في دقائق.

بما إنه سؤالك بشكل عام، حأجاوبك بشكل عام. الطب والهندسة في ألمانيا هم أكثر تخصصين البلد تتميز بيها ومشهورة بيها عالميا. الدراسة في ألمانيا من واقع خبرتي في دراسة الهندسة، الدراسة في ألمانيا الجزء الأكبر فيها اعتماد على النفس. الدراسة أكيد صعبه لكن حلوة وممتعه. بالذات انك بتدرس بلغة جديدة، وتفتح لك أبواب كثير اللغة الألمانية تقتدر تستفيد وتتعلم بيها.

بالنسبة للطب ما عندي معلومات كثير لكن حأسوي في الأيام القادمة ان شاء الله موضوع صغير أكتب فيه معلومات بسيطة ورئيسية عن الطب في ألمانيا.

اذا في عندك استفسار لا تتردد. أجاوبك على قد ما أعرف ان شاء الله

مشكووووور اخوي Sam_00k والله احس انك ريحتني كنت شايل هم الدراسه والمعيشه واللغه بما انها جديده بس انا سئلت ناس قالولي عشان تمشي في اللغه لازم تكون اللغه الانجليزيه عندك تمام بس مدري هل هذا الكلام صحيح ولا لا؟

لاهنت ان كان عندك فكره عن الدراسه في هولندا ولا ايطاليا من ناحيه اللغه في المعاهد في السنه الاولى او برنامج الطب افيدنا الله يعطيك العافيه