محتاجة مساعدتكم >> لاتبخلوا علي..

مادري اخوي انت قد اختبرت التست داف والدي اس ها او اي واحده منهم بالعكس الدي اس ها اسهل بكثير

ولا فيه مقارنه وغير كذا قدامك شخص يسالك ارحم مليون مره من يعطيك سبع واجبات وقرافك وبعدها مشكله تتكلم عنها

بمقدمه وتشرح القرافك وتقول سلبياته وايجابياته وتتكلم مع كمبيوتر وكل هذا بثلاث دقايق تحضرها وبدقيقتين تقولها

مادري عنك اذا مجربها شخصياُ وتقول الدي اس ها اسهل كل انسان ورايئه بعدين الحاسب الالي في السعوديه يدرسونه

بالعربي مع مصطلحات انجليزيه شلون بشكل عام بالانجليزي اغلب شي يدرس بالالماني ع الاقل ما راح يستخدمون الانجليزي

الا بالمصطلحات . وفي جامعات المانيه كثيره تدرس بالانجليزي وخاصه الماستر في اغلب التخصصات.

انا لم اجرب TestDaf من قبل وصراحة متخوف منه قليلا لاني جرب DSH ووقهرني دائما DSH 1 في الكتابي و DSH 2 في الشفهي فيصير عندي DSH 1 في الاخير

انا تكلمت ليس من تجربة شخصية لكن عن طريق تجربة شخص يريد دراسة ماستر هندسة معمارية وسوا DSH في الكتابي حصل DSH 2 في الشفهي سؤلوه اسئله عن الهندسة المعمارية وعن اللي درسه فما جاوب بطريقة سليمة فحصل DSH 1

فانا رجحت ان TestDaf ممكن يكون افضل في حالة الماستر والله اعلم

بخصوص تدريس الماستر باللغة الالمانية في تختلف من جامعة لاخرى ومن تخصص لاخر
لكن بخصوص ماستر الحاسب الالي اعتقد بشكل عام في كل الجامعات انجليزي

مشكورين على ردكم وتجاوبكم معاي
بس انا تخصصي احياء في الخلايا الجذعية

وانا بحثت عن الجامعات واخترت جامعة ميونخ ولقيت هالتخصص موجود
يعني اقدر اكمل الماستر فيه بالإنجليزي

والله يعطيكم الف عافية وبالتوفيق لكم

هلا اختي

فعلا التخصص هذا متطور وجديد

بس كيف حكمتي انه بآلمانيا افضل ؟ نصحوكي دكاترتك انك تدرسينه بآلمانيا ؟؟؟

على كل انا انصحك استخيري كثييير وراسلي جامعة ميونخ وممكن تلاقين بكذا جامعه وتقدرين تتصلين على البروف نفسه وتكلمينه تلاقين رقمه بالموقع تبع الجامعة ونصيحة خذي كل المعلومات منه يعني لا تخلين شي على قلبك لان للآسف الالمان يغيرون كلامهم . وقوليله يساعدك بالقبول وخذي ضمان منه تكون دراستك بالانجلش وممكن يطلب منك كورسين لغة الماني هذه لازم لكل الطلاب الاجانب وبعدها ممكن تخاطبين الملحقية على هالاساس .

لكن اذا قالك لازم بالالماني ما انصحك ابدا بتدخلين بدوامة شروط الجامعات فامريكا افضل برآيي . يارب اكون افدتك ولو بشي بسيط ومبسوطين فيكي يا دكتورة

سويسرا كمان حطيها من ضمن الخيارات عندها افضل معامل حيوية بالعالم وابشرك الدراسة بالانجلش ويطلبون توفل .

موفقة

حياك اخوي

TestDaf او DSH

كلها ماهي مشكلة ان الواحد يجريها كا امتحان ويجرب بكل الاحوال

المشكلة ان مثل هالنوع من الامتحانات يطلب منك يا طالب اللغة الاجنبي مستوى متقدم جدا من اللغة ولا كآن مقطوع سرك بآلمانيا ، وتدرس اللغة بشكل دقيق وكآنك طالب لغة و فطحل فيها
بالاضافة للمهارات الثانية اللي لازم تتقنها ١٠٠٪
وهي تحتاج وقت وجهد كبير . على فكرة حتى الالمان انفسهم يقولون عنه صعب مو اخوفك بس هم بعد يعنانون من اختبارات تعجيزية ثانية عندهم ،

بالنسبة للدراسة بالانجليزية موجودة بس ترى مو كل الجامعات ولا تعتمد كثير على موقع الجامعة لانه ما يكون محدث دائما ، لكن من شروط الاتحاد الاروبي يكون عندك للماستر اللي بالالمانية لغة انجليزية ايضا للمستوى B2.2 على اقل تقدير وبعض التخصصات تطلب التوفل .

لكن الدراسة بالانجليزية لاي تخصص وانت ما عندك توفل من الاساس قبل لا تجي دويتشلاند ما تقبل فيها عمتنا الملحقية ومعهم حق بعد حيي هم ما دروا انهم يطلبون توفل اصلا . بس اذا معك خلاص ان شاء الله بيوافقون لانك بتحافظ على المال العام ،

على كل حال فيه جامعة يروحون لها الكثير من الناس لانها ما تطلب الداف ولا الDSH لكن يطلبون سيرتفيكات B2 وهذا بعد به حقه بس ان شاء الله تنجح فيه بعد محاولتين

انا ذكرت هالمعلومات للافادة لا اكثر ولا اقل واكيد هي نتاج تجربة و رؤية شخصية على كل حال

كل التوفيق لزملائي السعوديين في المانيا

كان الله في عون الجميع يا اخواني واخواتي << بتموت قريبا هههه

مشكورة حبيبتي ماقصرتي
وبالنسبة للتخصص صحيح امريكا بلد العلوم كلها لكن انا كثير بحثت عن هالتخصص وماحصلته موجود
وكمان الدكاترة الي كانوا معاي في الجامعة وهما امريكان قالولي المانيا افضل في هالتخصص
وبالنسبة لجامعة ميونخ انا راسلت كم دكتور ووضحولي الأمور الي علي
بس يحتاج اكلم الملحقية
وهذا ان شاء الله لاوصلت المانيا ...

والله يوفقك ياعسل..

مسائكم ورد وجوري
رواء وربي قلبتي عقلي قلب
شو الكلام اللي بتقوليه
أنا مرا ما عندي لغة انجليزية وبحاول امسك نفسي فيها شويا
يعني حدرس ماستر باللغة الألمانية
وشو موضوع الجامعات دا أحمد قلي مو ضروري اجيب موافقة الجامعة من دحينت قلي لما تروحي هناك وتغلقي المعهد بعدينت قدمي اوراقك فيها
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآه وربي حبكي انا خلاص
أنا ماستر مقدمة على تسويق وتخصصي في البكالوريا لغة عربية
أحد يفهمني شو بيصير رأسي حيتفرتك من كتر التفكير

رواء نصيحة لوجه الله كلمي الملحقية قبل لا تروحين

ان شاء الله
بس ليه محسستني انهم حايرفضوا

لا يا اختي مو يرفضون ولا يقبلون هذا علمه عند الله ،

بس اقص ان كل امورك تكون واضحة قدامك وعارفة وش اللي لك واللي عليك . مو يقولون شي واذا جيتي يصير شي ثاني هذا كل مقصدي .

لان بالمانيا كل تحركاتك تحت امر الملحقية مو على كيفك تتصرفين لازم رضاهم