استفسار بخصوص معهد اللغة و اختياره,,, إلى طلاب المرحلة الخامسة ألمانيا

طيب كيف حيتواصلوا معانا

ومتى ؟

ياريت تشرحولنا بالتفصيل تجربتكم مع الداد من ناحية قبول معهد اللغة وطريقة التواصل واستلام القبول وهل طلبوا منكم الضمان المالي ولا الوزارة رسلولهم دايركت.

احنا ضايعين نشوف طلاب امريكا وكندا مكاتب القبول تتواصل معاهم واحنا مو عارفين مين الي حيجبلنا القبول ومتى وكيف.

سوري ثقلنا عليكم بس مالنا بعد الله احد يفيدنا بالمعلومة غيركم با اهلنا بالمانيا من المراحل السابقة

ياعالم ماتخافو ان شالله الداد مجهزه كل حاجه زي العام واحسن
واحنا العام اتأخرت قبولاتنا اكتر من كدا حضرنا الملتقيات وخلصت ولسا القبولات ماجات يعني ماتستعجلو ^^
الداد تبع الوزاره تقريبن وهيا المسؤوله عن الطلاب ف المانيا والضمان المالي تحتاجو للفيزا امما حق المعهد ف زي ماقلت حتلاقو القبول جاهز ان شالله ^ـ^

مين اللي حيجبلكم الداد << مسؤوله عن قبولات المانيا فقط >> وهيا اللي حتكون مشرفه عليكم ان شالله ف المانيا ^^ متى !! علمها عند ربي بس ماتخافو حتى لو طولت وان شالله ماتطول وكيف حيبعتولكم ايميل انو قبولكم وصل وفيلو شروط الفيزا وكيف تقدمو عليها " ازا زينا طبعن " وتروحو الوزاره تستلموه وتاخدو الضمان المالي وتقدمو ع الفيزا !!!!

لا عاتي لا تقل ولا حاجه خدو راحتكم واي استفسار او حاجه مافهمتوها احنا جاهزين باللي نقدر عليه وبالتوفيق يارب =)
" بخصوص تغير المدينه ماسمعت احد غير بس ليش لا بعد مايجيك القبول قدم طلب او قبلها وزي ماقالو الحلوين مافي قرى كلها مدن ^^ "

شكرا على التجاوب ويالله يوفقك ويصبرك علينا

طيب بالنسبة لي انا كمرافق اش الي لازم اسويه بالنسبة لقبول معهد اللغة والضمان المالي عشان اطلع فيزا طالب مع زوجتي.

يعني مثلا بعد ما يجي القبول حق زوجتي من الداد اتراسل معاهم اقلهم انا كمان ابغا زيها ولا هما برضو يجيبوه دايركت للمبتعثة و المرافق , امممم والضمان المالي للمرافق اش طريقته ؟

عندي اسئلة كمان

1.في مبتعثين جابولهم القبول في معهد قوته ؟؟

2.نوع الفيزا الي يعطوكم هيا اش نظامها بمعنى كل قد ايش لازم نجددها وكيف نجددها وهل دي الفيزا الي استمتوها تقدروا بيها تاخدوا اقامة هناك ولا بتجددوها كل فترة والتجديد يكون من المانيا وبسهولة ولا لازم ترجعوا السعودية؟

مره مره مقدرين تعاونكم معانا

أنا نفس حالة الأخ الي فوق Deutsch Traum

بصراحه ماني عارف ايش اسوي هل اجيب قبول بنفسي ولا استنى موعد الملتقى؟؟

لانه حتى موعد زواجي ماني قادر أحدده..

وماني عارف اجيب قبول لنفسي ولا استنى ويقولو لازم ضمان مالي عشان القبول وأنا ماعندي ضمان مالي؟؟

ممكن سؤال المرحلة الخامسة متى كان سفرهم علشان نعمل حسابنا

كان سفرهم في منتصف شهر ابريل

بس ما نقدر نقارن نفسنا بالمرحلة الخامسة لاختلاف الاجراءات > مثلا في المرحلة الخامسة كان في دورة الزامية مدتها شهرين.

ممكن يكون سفرنا في نص فبراير اذا كل شي مشي تمام.

الله ييسر الامور

الي سمعتو انو احنــا حنختااأأر المدينة والمعهد ...


يا كثر الاشاعات عندكم ..

ولا تصدقو اي شي ..

الله يسرهــأأ ^_*

العفو خيو ماعملنا حاجه ولو امين يارب والجميع ..

بعد مايجي اتراسل معاهم وكدا وقدم طلب انك تبا وكدا =)
الضمان المالي للمرافق مع الضمان المالي للمبتعته يعني هوا ضمان مالي واحد لكم الاتنين سوا ^^

1- والله مااعرف عننا بس مااتوقع بس المرحله التالته كانو اغلبهم ف قوته
2- الفيزا الي حتاخدها من هنا فيزة مقيم مرافق عائلي والمبتعته فيزة طالب ومدتها 6 شهور وهناك ان شالله لمن توصلو بالسلامه تمديدوها وتختارو المده 6 شهور كمان ولا سنه ولا سنتين والتجديد من المانيا وسهل ان شالله " بس ف حال تغير الفيزا اتوقع لازم من السعوديه يعني زي مرافق لطالب وكدا !!" ^^

يسلمو والله يسهلها عليكم وتوصلو بالسلامه يارب

لتجيب بنفسك ولاتستنى الملتقى استنى القبول ^^ " وان شالله يكون قبل الملتقى ولا فيلو ..
مافهمت اتوكل ع الله واتزوج ايش عندك !! ههههه مبروك من بدري
ازا تبا تجيب جيب بس انا اشوف انك تستنى احسن عشان تكونو ف معهد واحد وكدا الضمان المالي تاخدو من الوزاره بكل بساطه !!

كان سفرنا ف منتصف ابريل تقريبن ^ـ^ واعمل حسابك من هلأ ماتضمن الوزاره ممكن ف اي لحزه يجيبو القبولات ويقولو يلا فيزا ويلا سفر ههههههههه

بالزبط خيو ان شالله كلو يمشي ماتشيلو هم !!

خيو مستر فوفو الي سمعتو بلكن حاجه جديده بس العام محد اختار والداد هيا الي وزعتنا وكدا والله مدري عنكم انا قاعده اتكلم ع اساس العام وبلكن ليش لا يكون احسن كدا لكم

ويب لاتصدقو اي شي =)

والله يا أخت ouza ما قصرتي
جزاكي الله خير و الله يعطيكي العافية
عني نصيحتكي نكبر المخدة و ننام ؟؟ هههههههه

و الله شكلو انتظاااار لمن الملتقى!