كيف أحصل على قبول زمالة طبية في ألمانيا دام الملحقية سحبت علينا

هلا اخوي وعليكم السلام .

الملحقية هي المسؤوله عن توفير القبول للاطباء . وفيه موظفين هذه شغلتهم بس شهر انتظار ترى جدا قليل

وانا افضل تنتظر لان اساسا توفير القبول يحتاج وقت ولهم شروط

وما يمنع تسآل الدكاترة الموجودين هناك .

عموما فيك تراسل المستشفيات شخصيا بينما افضل تنتظر ملحقيتنا العزيزة

موفق

السلام عليكم
زميلي العزيز
بمكانك التواصل مع احد المكاتب الموجودة في الرياض وذو مصداقية
الاسم : الشرق العربي للخدمات التعليمية
العنوان: الرياض - حي العليا - شارع الامير سلطان
تلفون : 0096612178881
00966508886018
اوقات الدوام : من الساعة 9 صباحا الى 12 ظهرا ----- ومن الساعة 4 عصرا الى 10 مساء
والسلام عليكم

وأنا كذلك مؤيد لك ان الملحقية أفضل بس أخاف أنتظر شهرين أو ثلاثة والنتيجة لاشئ
يعني كم بالعادة يأخذون وقت حتى يوفرون لي قبول؟؟ عشان أعرف كم أنتظر؟؟

ومن ناحية الشروط والمستندات اللي طلبوها أرسلتها لهم كاملة ولكن اللي شكيت فيه انهم ولاحتى ردوا خبر باستلام الأوراق عشان كذا قلت شكلهم مطولين بالإضافة إلى أن سمعتهم ماهي جيده من ناحية التأخير والمماطلة وكل يوم يقولون بكرة بكرة

ومن ناحية مراسلة المستشفيات ماراح اراسل الا لما أفقد الامل من ملحقيتنا العزيزة كما ذكرتي

أهلين بأخواني الدكاتره
أنا جاني خبر أن الملحقيه شارطه أنه اللي يبي يقدم على الزماله الطبيه بألمانيا لازم يكون مسرفس سنتين قبل البعثه بالتخصص اللي تبيه وهذه بصراحه مشكله وحتى المستشفيات طالبه الخبره سنتين
ياليت لو تفيدوني بهالمعلومه

كلامك مضبوط اخي دكتور الحسون ، لابد من خدمه سنتين ، ( لو نقص شي بسيط ما اتوقع ديك المشكله الكبيره )
لكن انت الان على ما تقدم على الفيزا وتجيك الاوراق وتكون جاهز للسفر يمديك لو باقي لك شوي على السنتين ( طبعا غير سنة الامتياز )
لكن الي مو متأكد منه هل استطيع السفر الى المانيا بقول معهد اللغه (هدا لو انا مكمل السنتين ومنتهي )واجيب قبول الزمالة الطبيه وانا هناك في المانيا ؟

بالموفقية والسداد

من ناحية الخبرة ماراح تحول دون الحصول على القبول ولكن هي تسهل عملية القبول
وفيه أحد زملائي بعد الامتياز مباشرة أعطى شخص في المانيا مبلغ وجاب له قبول يعني لو كان فيه أحد لك هناك راح تسهل عملية القبول

اللي اعرفه وفهمته ان المستشفى اللي قدمت عليه يعطيك قبول مشروط بعد ماتاخذ مستوى معين في اللغه يعني انت تدخل معهد اللغه وعندك قبول مشروط من المستشفى

طيب هدا الشخص هل هو طبيب عام او طبيب أسنان ،

لان اجراءات طب الاسنان تختلف عن الطب العام

وادا زميلك طبيب اسنان ، ادا ممكن احكي لينا تجربته والاوراق المطلوبه وهل تحتاج ترجمه او لا

موفق لكل خير ،

مو هنا المشكله عزيزي ،انا لحد الان مش متأكد من اني هل استطيع السفر بقبول اللغه ام يشترط للسفر قبول من مستشفى جامعي

لان يا طويل العمر والسلامه قبول اللغه ما راح ياخد وقت طويل وفي الغالب اموره ميسره ، على عكس قبول المشفى الجامعي ياخد وقت ويطول الانتظار

هذا ما قصدته

موفقين جميعا لكل خير