استفسار أرجو المساعدة ياطلاب ألمانيا

الله يبارك فيك وشكرا لاهتمامك بس أنا برأيي دراسة اللغة في ألمانيا أفضل لإمكانية مخالطة الألمان وتعلم اللغة من مصدرها وانشا الله موضوع المنحة وارد جداً
والوالد عم يسعالنا فيه ومشان موضوع الفيزا في واحد قلي إنه رح يدبرلي قبول مشروط مشان الفيزا بس وبعدين أنا براسل الجامعات الألمانية .
بس بدي مشورتك بشغلة أنو أحسن الدراسة في ألمانيا أو بريطانيا (كامبريدج أو أوكسفورد) لأنه ابن خالتي عم يدرس طب بجامعة أولم نصحني ببريطانيا ؟؟؟

وألف شكر إلك وانشا الله تخلص ماجستير بتفوق وتكمل دكتوراه وتدرس بجامعة حمص..........

وكمان إذا في مجال تجيبلي رقم المكتب بكون شاكر إلك ...لا تواخذني غلبتك معي بس طالع جديد ومتحمس للحياة بألمانيا.

طبعا كامبردج أفضل !!!
أفضل جامعة في ألمانيا في الهندسة واللي هي جامعة ميونخ ترتيبها في أحسن أوضاعها كان 36 على العالم في إحدى السنوات
أما كامبردج فالترتيب من الخمسة الأوائل على العالم ... يعني مافي مقارنة ... بس أكيد القبول أصعب بمراحل ... والتنافس للوصول أصعب وقروشك لازم تكون أكثر
التعليم في ألمانيا مجاني ... يعني رسوم الجامعة إما صفر وإما 1000 يورو بالسنة للجامعات الحكومية
في بريطانيا التعليم هو أحد مصادر الدخل القومي الأساسية ... التعليم مكلف جدا في بريطانيا ... إذا الله فاتح عليك أو إجتك منحة من بريطانيا فلا تتردد ...
بعدين أكيد شهادتك باللغة الإنجليزية هي أكثر عالمية ...
بس برجع بقلك أنا درست البكالوريوس باللغة العربية ... لكني الآن أنافس في مكان جيد ولله الحمد ... والبكالوريوس ما كلفني شي لأني كنت قاعد في بيت أهلي ...
يعني في كذا عامل لازم توزنهم مع بعض وإنتا تبحث عن الأنسب لك ... لح تمر الآن بفترة حيرة كبيرة ... المهم تسعى وتراعي ظروفك وظروف أهلك ...
وعلي طموحك وقدم على كل مكان ... وبس تجيك القبولات إختر أحسن قبول بيجيك
الله يوفقك ويحقق اللي في بالك
هذا إيميل مكتب الدااد في دمشق
info @ daad-syr.org

شكرا جزيلا لك أخي أبو فرحان عالمعلومات القيمة وإنشا الله رح آخذها كلها بعين الاعتبار لأنك فتحت فكري على أشياء أخرى
وانشا الله ربي يوفقك في دراستك وفي حياتك.
شكرا لك ...محمد.