ياأيها الطلبة الذين في دولة المانيا

بسم الله الرحمن الرحيم
اعذرنا اخوي والله حنا هاجرين الموقع من بعد ما سافرنا . بس العنوان حق الموضوع فيه نداء من الدرجة الثالة .
المهم بلا كثرة سواليف .... بالنسبة لاسالتك...
السؤال الاول ما اقدر اجاوب لك عليه لاني تبع الحكومة {{ الله يخلي لنا ابو متعب }}
اما اسالتك الثانية:-
بالنسبة لدراسة اللغة اعتقد انا انها راجعة للشخص نفسه فمثلا حنا جلسنا في المعهد 9شهور وبعضنا اللي نجح في اختبار الجامعة وبعضنا لا عشان كذا اذا انت ناوي تشد على عمرك فـ 6 شهور اشوف انا كافية على انا اللغة الالمانية مو سهلة فيها فصاحة وفلسفة زي العربي تقريبا.
اما بالنسبة للمعهد فاأنا انصحك بقوته بس مشكلته انه غالي حبتين يعني الكورس اللي مدته شهرين تكلفته 1900 يورو {{ السعر يختلف من مدينة الى مدينة)) بس التدريس فيها مرة ممتاز.
اما بالنسبة لهانوفر فا أنا انصحك ماتروح لها خصوصا وانت تبي تتعلم لغة أولا لانها ياشيخ كلها اتراك ياشيخ لما تدخلها كنك تدخلها تحس انك في اسطنبول وثانيا فيها عرب كثير مرة فانا انصحك انك ماتروح لها بماانك راح تتعلم لغة.
واذا كنت تبغى نصيحتي مالك الا قوتنقن Göttingen مدينة صغيرة وفيها طلاب كثير يعني ماتحس في الغربة ولا العنصرية .
هذا ردي على اسالتك واتمنى اني اكون افدتك....

تسلم حبيبي ميشو وبيض الله وجهك على الرد الطييب

بس على حسب اعتقادي ان قوتنقن ماهو بعيد من هانوفر والا انا غلطان ؟؟

وهل لازم دراسة السنه التحضيرية قبل الجامعه ؟؟ وكم المدة ؟؟

تحياتي لك


وفي انتظار الاخوه الاخرين لمن لديهم معرفه ليفيدوني اكثر

هنوفر مدينة جميلة للسياحة للدراسة الجامعية لكن كلغة ... أعتقد أنه عندك عدة خيارت لدراسة للغة في عدة مدن أخرى وبعد فترة اللغة تستطيع أن ترجع لتمكل في هنوفر .. انا درست في شفيبش هال مدينة صغيرة جدا 36000 نسمة فقط .. معهد اللغة تبعها من أفضل المعاهد على مستوى ألمانيا .. لكن صغيرة بس كبداية أنصح بها .. والان غيرت المدينة لإكمال الكلية التحضيرية في كاسل ولو كان فيه كلية تحضيرية في شفيبش هال لأكملت فيه .