طلاب جامعة خروننجن بالله ضروري هذا الكلام صحيح ؟؟؟؟

حجاوبك على الاسئلة اللي احسها لها علاقة فينا على حسب علمي


انا سمعت مشاكل كثيرة في جامعة ماسترخت اللي هي :

1- السنة التحضيرية للسعوديين فقط
2- بعد الثلاث سنوات الاولى تسمى الشهادة بري كلينيك وعلى بالهم الطلاب انها بكالوريوس

اول شي في فكرة خاطئة عن الطب وانك لو خلصت تلاتة سنين تعتبر بكالورويس طب ( هادا الكلام مستحيل في اي بلد لانو انتا بتدرس نظري فقط فكيف تتخرج بكالوريوس طب عام وانتا ما اتدربت حتى .. في العالم كللو الطب يا 6 سنين او 7 سنين ولو انتا عندك خبرة وتعادل شهادتك في بعض الدول تصير 5 سنين وبالاضافة الطب عمرو مافيه بكالوريوس وماستر اسال اي احد في العالم الا اذا كنت ناوي تكمل اكاديمي وتتدرس في جامعة او تعمل ابحاث لكن كطبيب عام لازم تدرس النظري وتوصل لمرحلة التدريب و النظام الاوروبي فقط فيه بكالورويس وماستر كل وحدة عبارة عن 3 سنين عشان بالنسبة للطالب الاوروبي له حق انو يكمل دراستو في جامعة اخرى في اوروبا تتعامل بنفس النظام عشان كدا يعملو برنامج للاوروبيين لوحدهم وبرنامج للانترناشوينال يعني زيك زي الامريكي اللي جي يدرس بس الشهادة في النهاية لنا لازم تتعادل في السعودية عشان يعترفو بيك كطبيب عام ولازم تكون دارس من 6 الى 7 سنوات طب ) اتمنى انك فهمت النقطة دي المختصر المفيد انتا لو في السعودية نفس النظام بس انو هنا مقسمينو 3 سنين بكالوريوس ( النظري )و3 سنين ماستر (التدريب في المستشفى والابحاث )

3- الثلاث سنوات الاخيرة لازم يجيبون في اختبار اللغة الهولندية 7.0 مايعادل بالايلتس أو في كلام يقولون راح تكون الثلاث سنوات الاخيرة في استراليا
في حال الطلاب جابو 7 بالايلتس لكن الملحقية السعودية رفضت .. وفي كلام انها ممكن راح تكون في جنوب افريقيا " جمايكا " أو ممكن تكون بالسعودية !!!!
4- ليه النظام هذا بالذات للسعوديين فقط !!

هادا الكلام في ماسترخت هما كدا ما ندري عنهم بس نحنا في هولندا حنكمل ان شاء الله للاخر في هولندا بس ممكن اخر سنة تدريب في السعودية عشان نصير زي السعوديين ونفهم اكتر بس هادا حاليا لسا ماحد جربو ولا وصل له

السنة التحضيرية عندنا فقط للسعوديين عشان الاجانب يختبرو اختبار قبول في الاحياء فيا ينجحو وينقبلو ويا خلاص تروح عليهم فنحنا السعويين يدرسوك عشان تقدر تمشي وصدقني بالنسبة لنا كنا مرة مستفيدين من هادا النظام لانو نجاحك في السنة التحضيرية هوا ضمانك لمقعد الطب بدون ما تخش في القرعة اللي يخلو فيها الاجانب
5- في تخبطاط كثيرة ومشاكل كبيرة كل يوم تزيد مشكلة ومافيه نظام محدد او خطة دراسية محددة يدرسونها الطلاب السعوديين ومايدرسون نفس الخطة الدراسية الي يدرسها الطالب الهولنديأو الأجنبي من جنسية غير السعودية

بالنسبة لنا في خروننيقن صح ما ندرسها زي الطالب الهولدني بالتمام بس همابيحاولو قد ما يقدرو كل سنة يقربونا من نظامهم بس ترا هنا في خروننقين زينا زي الطالب الانترناشوينال اللي بيدرسو ممعانا ما نتعامل معاملة خاصة الا من نواحي معينة ويكون لنا الفوقية طبعا وكلنا يمشي علينا النظام

6- الخطة الدراسية يقولون بانها خطة لدراسة العلوم الصحية وليس الطب البشري !

الخطة الدراسية زي ما جاوبتك على اول سؤال ليش هيا كدا وفي جامعتنا قدام الملحقية الجامعة بتقول انو حنتخرج وشهاداتنا زينا زي الطالب الاجنبي بالزبط طبعا بعد مشاكل كتيرة بس الحمد الله امورنا مشيت وكل ما تطلعلنا مشكلة عادي زينا زي غيرنا بيحاولو يحلوها مع الملحقية

هذي المشاكل كلها ان دل ، دل على الانحيازية والعنصرية من قبل الجامعات الهولندية ودولة هولندا
ليه هالنظام خاص فقط بالسعوديين ؟ ادارة جامعة ماسترخت قالت احنا نعطيهم هالنظام لاننا مانبيهم بعد التخرج يطلبون العمل عندنا بهولندا مع ان الملحقية موقعه ان جميع الطلاب راح يرجعون بلادهم
بعد التخرج !

حقيقة من بعد هذي المشاكل كلها حسيت ان هولندا بلد عنصري وضحك على الدقون وتلاعب بالسعوديين المساكين ..

هادا الكلام مرررة احسو اتغير دحينا بالنسبة لنا انا ما اعرف عن ماستريخت بس هادا الكلام عندنا ما يمشي

فـ أنا الحين ابي اسال هل جامعة خروننجن مثل ماسترخت ؟ فيه المشاكل هذي ولا لا ؟ اذا لا ، اتمنى ذكر نظام جامعة خروننجن ومسميات الشهادة وهل الطالب السعودي يدرس نفس الهولندي ؟ ولا لا

في النهاية نظامنا مقسم قسمسن قسم هولندي يدرسو بالهولندي ( مع العلم انو اعقد في 3 طلاب اعتقد سعوديين يدرسو معاهم تقريبا في السنة الثالثة) والنظام التاني الانترناشوينال حندرس اول 3 سنين بالانجليزي وبعدينا ال3 سنين الباقية بالدتش مع الطلاب الانترناشيونال مع العلم انو نحنا نختبر مع كل الدفعة الانترناشوينال والهولنديين في نفس القاعة وفي نفس اليوم ونفس الاسئلة ونفس الوقت

ما اعتقد اني اقدر اضيف اكتر من كدا ... اتمنى اللي عندو كلام غير كلامي يوضح ... لانو هادا على حسب علمي انا

بالتوفيق للجميع ...