][ ملتقـى هـولندا ][

عُدناااااااااااااااا ...صباحكم سُكر ياحلوييين

امباارح اول ماوصلت كان ممثل السفارة الهولنديه يتكلم ..مااعرف اسمه بصراحه
المهم ان البنات جداً استمتعوا بكلامه وكان بمثابه الدافع لهم .. واعطاهم تشجيع وريح بالهم خاصه اللي كانوا مستثقلين هولندا اتقبلوها الان ... .." غصباً عنا نتقبلها ليش عندنا خيار ثاني؟؟ "
المهم انا نوّت بعض كلامه واهمه :
ان الشعب الهولندي شعب منفتح open mind ..ويعبر عن رأيه وتفكيره بحرية .. وهالحريه هاذي متاحة لكم ايضاً لانها بتكون وسيلة اتصالكم مع الاخرين ..
الشعب الهولندي مايعرف عن السعوديه وثقافتها وتقاليدها وعاداتها معلومات كثير لذلك هم ممكن يخطؤوا الفهم كثير وهنا دوركم في التوضيح واعطاء صورة واضحه وكويسه عن المجتمع السعودي
..
في هولندا مافي شي اسمه عزل الذكور عن الاناث .. لاااا .. الرجال والنساء مع بعض ويشاركوا حياتهم مع بعض وينزلوا ميدان العمل مع بعض .. والجميع متساوي بدون اي اختلاف او تفرقه ..

حقوق المرأه مو قضية بالنسبة لنا ..لكن بما انكم ياطالبات جايين من بلد آخر وثقافه ثانيه فممكن انكم تتعرضوا لأسئلة محرجه مثلا ليش تعملوا كذا وليش تلبسوا كذا .. وهنا دوركم انكم تفهموهم بطريقة صحيحه ...

هولندا مجتمع الاعتماد على النفس وهالشي يجعلنا مستقلين ومدركين ومسؤولين عن انفسنا لهذا فاللي عليك انك تشوف طريقك بنفسك وتساعد بنفسك ...ولاننسى طلاب هولندا اللي من الدفعه الماضيه انهم بيساعدونا وبيعرفونا على طبيعه المجتمع الهولندي وكيفية التأقلم معه .."قام سوقكم "

اذا كنتوا قلقين من الدراسه فهولندا بلد متقدم في التعليم عالمياً .. وحصلت على مستويات ومراكز عاليه جداً .. لهذا اعتقد انكم فخورين جداً لأختياركم للدراسه بهولند
ونظام الدراسه هناك قوي ومتعمق والعلاقه جداً قوية وواضحه بين الطالب والبرفيسور فعليك انك تكون نشط ومتعاون ومركز ومفتح عقلك
واذا كنتوا قلقين من دراسة اللغه بهولندا في الجامعات فتأكدوا انو حنا عندنا برامج وكورسات بالانقلش فلاتخافوا انكم مابتفهموا المحاضرات او الدراسه لان معظمها بتكون بالانقلش

هذه نبذه بسيطة عن هولندا ولاتنسوا your rain coat
واسهل طريقة للتنقل هناك هي البايك فتعلموا من الحيييييين
ولاتكونوا خايفين من السؤال عن اي شي يخطر في بالكم لان المجتمع الهولندي مجتمع متعاون ومرحب ومتفهم والخخخخخخخخخخ



طبعا هو كان يتكلم انقلش وانا اترجم بسرررعه فاتوقع اني نسيت اشياء كثيييييره بس احمدوا ربكم

وبعده تكلم واحد ثاني هولندي هذا صراحه ماقدرت الحق على كلامه ونص الحروف كان معلقه بحلقه .. المهم من الاشياء اللي ذكرها ..
ان الفيزا اللي بيطلعوها لنا مؤقته وبعدين اذا رحنا الجامعه هي المسئوله عن استخراج الفيزا الدائمه ..
قال ان متوسط المعيشة للطالب اللي يقدر يعيش فيه بهولند هو 400 دولار .. وانتو ماشاء عليكم تاخذوا الضعف فتعتبروا مرفهيييييييييييين وعلى حسب صرفكم "بيحسدوونااا على هالقرشيييين "
قال انو بنطلع هولند في قروبااااات .. قال ان التوفل لازم ناخذ فيه 6,5 ...
اما بالنسبة للسكن ..
اذا كنت في ماسترخت فالطلاب اول اسبوع فقط بيكونوا في هوتيل مدفوووع .. وبعد هالاسبوع انت دبر عمرك وابحث عن سكن ..وبماسترخت في سكن طلاب وفي سكن خاص ..

اذا كنت في كرونغن "انا سمعته ينطقها كذا وانتوا تقولوا لنا خروننغن ..فشلتونااا والله العظيم "
فهناك سكن للطلاب الاجانب وتتدفع بنفسك وهناك طلاب اخرين تقدر تعمل وتتواصل معهم
والمنطقة الثالثه ماادري مالقطت اسمها المهم ان الجامعه هناك بتوفر لك سكن سواء طلاب او عوائل ..

باااك ...

ايووووة بعد ماتكلم ممثل السفاره الهولنديه ..
عطونا محاضره عن كيف تحقق التميز في حياتك ...
وبعدين شيخ تكلم ..
المهم ان بعدهم عطونا برييييييييك ربع سااعه وجهزوووا القاااعه وعلقووواا لووحه مكتوب عليها عن بعثه خادم الحرميييين وجهزوا الكاميرااااااااااات وحضضضر عبدالله الموسسسى بقدددده "" على طول قالت لي جوري يالله روووبي نّوتي وراااااه ""
المهم وان كان حضوره مايشفع له على اللي سواه فينا من تعذييييب .. من قبل مايفتحوا التسجيل للبعثات وبعد ماصدمونا بالرفض وانتظارنا للنتائج وصدمتنا بهولند والخخ بس يعطيه الف عافيه على حضوره وكان متحمس جداً وهو يتكلم .. وحاول انه يقدم شوية نصائح تنفعنا من خبرته في مجاله وتكلم عن اهم المشكلات اللي توصله واللي المفروض منا نتجنبها ..


لخص كلامه كله في 15 نقطه .. سجلت منها بس ماادري كم بالضبط المهم اهمها هي ::::
اسكن في سكن قريب من مقر دراستك

احتفظ بقائمة هواتف مهمه مثل المرشد الاكاديمي والشرطه والعياده الطبيه والاهل والخخ واحتفظ فيهم في جيبك مشان لاسمح الله صار لك شي نعرف لمين نلجأ ..

اقرأ كثيييير لتنمية مهاراتك فأنت ذهبت للتعلم ...

نظم وقتك بحكمه مشان تضمن الحصول على اعلى معدل تراكمي .. وطبعا اذا حصلت على اعلى معدل تراكمي الوزارة بتعطيك ترقيه للبعثه .. يعني لو كنت طالب بكالريوس بنرقيها لك للماستر وهكذا ..

حافظ على جميع وثائقك المهمه من رخصة القياده والجواز والشهاده العلميه والنقود والخخخخخ واحتفظ بنسخه منهم مشان ترجع لهم وقت الضروره وبس توصل لمقر دراستك روح الملحقيه وسجل بياناتك وعنوانك
وذكر موقف وهو يحلف ويقسم بالله وان العين لتدمع والقلب ليعتصر الم والخخ .."هذا كلامه ترى"
ان جاه والد احد الطلاب المبتعثين مايعرف شي عن ولده لا رقمه ولا سكنه ولا ولا شي ... لان الطالب اساسا اعطى الملحقية عنوان وهمي "الله اعلم ليش " .. لذلك الموسى يحث على المصدااااقيه في التعامل ..

احترم انظمه الدولة مثل ضوابط ولوائح المرور والهجره والاقامه..

لاتسوق سياره بدون رخصه ومن الافضل انك تستخرج رخصه دوليه قبل ماتروح تستفيد منها هناك لمدة 6 اشهر ..

لاتتأخر خارج السكن ولاتتطلع لحالك وابتعد عن الاماكن المشبوهه واللبيب بالاشاره يفهم

اجتنب المخالفات فكل شئ محسوووووب عليك


اظهر اعتزازك ببلدك ودينك .."يلعن ابو رجاال مايعتز بديرررته " ولاتجادل الاخرييييين واظهر صورة بلدك المعتدله

ابتعد عن الحفلات المختلطة وتذكر ان الله يراك في كل لحضه

هاذي بعض مما ذكر ..
بعدها صار يرتجل في الكلام وقااااال:
لايمكن تحويل البعثه نهاااااااااااااااااااااااااائي واللجنه ماتؤيد هالشي ابد لان حصلت اتفاقيات بين الدول وصعبه جدا ...
وجلس يتكلم عن طلاب هولند وان حنا المفروووض نحمد ربنا ان تم اختياارنا لهولند وحنا افضل من عيال استرالياا ونيوزلند وبريطانياااا .. لان حنا مقاعدنا جاهزه خلااااااااااص للطب مو مثل باقي الدول تحصل خمصطعش الف مفاضله ....ويالله يطلعوا بمقعدين
وان هو وش قد تعب وعانى وسهر الليالي وهو يحاول يحصل على مقاعد لطلاب في دول ثانيه وماقدر ..
ماليزيا مااعطته الا 3مقاعد .. وايرلند عطته 4 وماادري مين اعطاه 5 ..
يعني يبي يقنعنا بهولند ولازم ترضوون فيها غصب مو طييييييييب
على فكره سمعتووه لما قال انه اعطى طلاب الطب كلهم رغبتهم الاولى ؟؟؟ يستهبل احسهD


لايمكن تأجيل البعثه نهااااااااااااااااااائي ..
وقال انو عندو اكثر من 5000 طالب عالاحتياط ..اذا انت ماتبي تروح فغيرك احق فيها .. أليس كذلك ؟؟ومتى ماتحججت بالتأجيل على طول بكنسل وبعطيها غيييرك

قال ان هاذي المنح هديييييييييييييه من خادم الحرميين الشريفييييييين للطلاب العاطلين عن العمممل وليس للموظفين " فديييييييته بو متعب"

هل نضمن لك وظيفة بعد العوده؟؟؟؟؟؟؟؟؟؟
لاطبعا .. مانضمن لك .. لكن كل التخصصات اللي ابتعثتوا الها هي تخصصات مطلوووبه في سوووق العمممل ...وحنا مانهدف للقطاعات الحكوميييه بل القطاعات الخاصه والاهليه


يالله خلاااص انا انتهت مهمتي في الرياااااض ..ونلقاكم بتقارير جديييده ان شاء الله احلى وامتع

طيب

ما كلموكم عن الوزن المحدد أثناء السفر ؟

والمنطقة الثالثه ماادري مالقطت اسمها المهم ان الجامعه هناك بتوفر لك سكن سواء طلاب او عوائل ..

رووووووووووووووووووووووووووووبي.ي قلب قلبي ي روووبي و جوري.... .....منجد تنفعووووو مراسلين الله يديكم العافيه......يسلمووووووووووووووووووووووووووووووووز .....

غريبه وين الاولاد :s


ولا مافي اولااد رايحين هولندا


الله يعطييكم العاايه حبيبااتي كفيتو ووفيتيووو

انا و دووير <<< لول خلوونا للسوالف بس

خخخخخخخخخخخخخخخخخخخخخخخخخخخخخخخخخخخخخخخخخخخخخ خخ