طلاب وطالبات ماجستير ألمانيا

السلام عليكم , كلامك قد يكون فيه شي من الصحة لكن صدقيني تعلمك للغة الالمانية مايروح بلاش وبعدين صراحة والله كان نفس تفكيري لكن كونك تتعلمي لغة المانية هذا شي جدا رائع ليش؟؟؟؟ لانو انتي حتضيفي لنفسك لغة جديده وبعدين الانجليزي كل الناس صارو يتكلمو انجليزي حتى الهنود والبنقاله مع احترامي لهم , ومو خسارة انو ندرس بالالماني و اما بالنسبة لكلامك عن اللغة الانجليزية فانشالله انو نتعلمها لاني راسلت جامعة في المانيا وقالو لي انك حتدرس بالالماني ونعطيك كورسات في اللغة الانجليزية فلا تشيلي هم اللغة الانجليزية وانشالله انو نتعلمها وذاك الواقت يصير الواحد عنده 3 لغات عربي وانجليزي والماني وتراه شي مو سهل , المهم لانستعجل تعلم اللغة الانجليزية الابعد مانخلص كورس اللغة الالمانية .

وانا جلست مع دكتور وكان يقولي انو انت اذا تعلمت لغة غير الانجليزية قد تفتح لك ابواب كثيرة وتكون متميز عن غيرك وممكن تكون شركات المانية تحتاجك في نفس التخصص .

مع ذلك لااقلل من اهمية اللغة الانجليزية فانا صراحة اطمح اتعلمها لانها لغة العصر .

انا معاك في كل نقطة قلتها بس أنا أقصد بالنسبة لدراسة الماجستير لما راح ندرسها باللماني نحتاج أن تكون لغتنا قوية جدا لأن كما ذكرت سابقا راح يكون ورانا كتابة بحث و مناقشة و إلى آخره ومدة سنتين ماراح تكون كافية ولكن ممكن بعون من الله راح نقدر
ولكن راح يكون أسهل لو كملنا بالأنجليزي صح و لا

صح كلاميك يا ايلاف بس حتى اللغه الالمانيه حيجي يوم تكون مهم ممكن لما نرجع إن شاء الله هههههههههه بس انت ورغبتك ممكن تدرسي بالانجليزي بس انا أشوف الواحد يدرس بنفس لغه البلد مو افضل

والله شوفي ان شالله انو دراسة اللغة الالمانية تكون كافية لنا ونقدر نكتب الرسالة وانا اتوقع اننا نقدر نكتبها , لكن لو كانت بالانجليزي حنواجه عدة صعوبات :

اولا : انو بعد اللغة الالمانيه حنحتاج ندرس لغة انجليزي وهذا حيأخذ وقت كثير اقل شي 4 شهور او خمسه شهور لانو ايضا نحتاج ان نتقن الانجليزي اذا بنحضر بها ماجستير .
ثانيا : اذا درسنا بالانجليزي سنواجه مشكلة قلة تطبيق اللغة الانجليزية لانو اغلب المجتمع يتكلم الماني حتى اللي يعرف انجليزي مايحتكلم بالانجليزي (زي ماقالت اخت بش بش ) .
ثالثا : اصلا اجباري انو ندرس اللغة الالمانية فبما اننا بندرس في البداية الماني ان من رأيي انو نكمل بالالماني .

وبعدين انا كنت زيك مشوش بالنسبة لموضوع اللغة لكنانشالله الله ييسرها وبسبب اللغة كنت بغير الدولة لكن الحمدلله اقتنعت والله كتب اللي فيه الخير

هذا مجرد رأيي الشخصي وصراحة الموضوع اللي طرحتيه جدا مهم وشكرا

وفق الله الجميع

الله يفتح عليك يا أخوي



ريحتني وكتبت عني ما أردت كتابته ..

اهم شي اقتنعتي وكمان اشتريت كتاب صغير من مكتبة جرير اسمه اللغات للمسافر (تعلم الالمانية ) فيه كلمات جيدة يالله وانتم شدوا حيلكم واحفظوا كلمات على الاقل نضيع طفش , والله الحمدلله ماشي المدرس وصراحة مره كويس لاني جالس ادرس الاساسيات وبعض الكلمات وشكله من جد قليل طلبة الماستر لكن الله يعين ويساعد والمفروض انو نشجع بعضنا البعض ونتفاعل جميعا .
وايضا شكرا على مرورك يا N@W
ولاتنسون انو المانيا بلد قوي وكبير له ثقافته و اقتصاده وسياسته القوية .

الله يوفقنا جميعا وعقبال ماندرس ويجينا القبول ونرتاح من الهم

معليش (خطأ مطبعي في المشاركه الاولى)
بعد التصحيح
اهم شي اقتنعتي , والله الحمدلله ماشي المدرس وصراحة مره كويس لاني جالس ادرس الاساسيات وكمان اشتريت كتاب صغير من مكتبة جرير اسمه اللغات للمسافر (تعلم الالمانية ) فيه كلمات جيدة يالله وانتم شدوا حيلكم واحفظوا كلمات على الاقل نضيع طفش .. وشكله من جد قليل طلبة الماستر لكن الله يعين ويساعد والمفروض انو نشجع بعضنا البعض ونتفاعل جميعا .
وايضا شكرا على مرورك يا N@W
ولاتنسون انو المانيا بلد قوي وكبير له ثقافته و اقتصاده وسياسته القوية .

الله يوفقنا جميعا وعقبال ماندرس ويجينا القبول ونرتاح من الهم