دراسة الطب في المانيا ما هي مميزاته وسلبياته

اخي جميع الدول تدرس المصطلحات الطبيه باللغه اللاتينية وليست الانجليزيه،،وهناك دول تدرس الطب غير المانيا وهي كندا وامريكا ونفس المستوى لكن القبول في الطب للاجانب مستحيل،،، يعني بتلف والدور مثل اخوي وبالنهاية راح المانيا،، وبعدين مافي شيء اسمه بتعلم شيء على الفاضي فانت كسبت لغه جديده واللغه الالمانيه لغه مهمه في الطب والهندسه خصوصا

شوف اخوي .. مشكلة ترا التفكير السلبي .. بس خليني اقولك كم كلمه

اينشتاين يقول .. ابحث عن النجاح وسط الصعوبات .. السنه اللغه والسنه التحضيري هذي بتخليك تثبت نفسك اذا انت قدها تكون دكتور او لأ

اول شي بيكون دافع كبير لك انك تدرس بالسنه التحضيرية تاكل الكتب اكل حتى تصير دكتور

ودكتور المانيا الكل يضرب له سلام .. افترضنا انت عديت السنه التحضيرية .. لو كان هذا تفكيرك انك تعدي التحضيرية بس صدقني ما بتنجح

لازم يكون عندك طموح انك تكمل للنهاية .. لا تفكر تفكير سلبي .. لو كذا ما احد نجح وما احد سوا شي

صحيح طب المانيا 8 سنوات بينما طب ماليزيا والهند 6 سنوات فرق سنتين ماهي شوي .. بس فكر فيها انك تخرجت من المانيا

واي دوله تروح لها حتى امريكا يضربون لك سلام !! انت خريج المانيا ! .. تبغى الشهادة السهله وانت نايم روح روسيا ولا اوكرانيا

تبغى شهادة تتعب فيها وتاخذها بجهدك المانيا هي المكان المناسب

نفترض جبت اقل من المعدل المطلوب للطب .. انا شفت برد لك انك تحب الطب والهندسه .. ايش المشكلة لو دخلت هندسة؟؟

بيبقى هذا قرارك بس لا تخلي اي شي يحطمك وتسمع من هنا وهنا انه لو ما نجحت ولو ولو .. صدقني اللو هذي ياما هدمت مواهب

اذا بتقعد تسمع كلام الناس ما راح تنجح بعمرك .. ياخي الحياة مغامرة رح وتعلم واجتهد ولكل مجتهد نصيب .. مره ثانيه اعتذر اني طولت عليك

بس صدقني كلام طالع من قلبي لأني اقدرك لشخصك واحترم فيك طموحك ولا تخلي احد يحطمك والله يوفقك ويهديك للي فيه مصلحتك

تصحيح المعلومه الطب في المانيا 6 سنين و3 شهور غير السنه التحضيريه

على عيني وراسي بس انا قصدي + السنه التحضيرية + سنة اللغه

بالتوفيق