تجمع طلاب الطب - ألمانيا

بصراحة الغلط كله يقع على الملحقية
هي اللي أمّلتنا نسافر بدري
أول شيء قالت فبراير بعدين قالت مارس بعدين قالت لا ما فيه قبل أبريل
لو إنها قايلة لنا من البداية السفر بأبريل كان ما ضاقت صدورنا و انصدمنا مثل الحين

أنا مو جالسة أفتي من عندي إن السفر بأبريل و أخربط عليكم بس سوري ما أبغى أكون متفائلة بزيادة مثلكم بعدين انصدم
أنا سألت طلاب المراحل السابقة و بحثت عن الفصول الصيفية و الشتوية في المعاهد الأكاديمية و كلها طلع بأبريل .. و لذلك جهزت نفسي من زمان - قبل التقديم و قبل أختار ألمانيا - إنه ما فيه سفر قبل أبريل و لذلك مو ضايق صدري الحين لأني عارفة من قبل و مستعدة نفسياً

أتمنى السفر يكون اليوم قبل بكرا بس ما بيدي شيء فليش أقعد أتحلطم
تذكروا حنا مقبلين على دراسة الطب إن شاء الله يعني قدامنا مشوار طويييييييل و بتصير السنة و السنتين و لا شيء عندنا لأننا بنظل ندرس طول حياتنا .. و يمكن ما نتخرج إلا و أعمارنا 27 - 28 يعني المفروض ما نعطي للعمر و الوقت أهمية
نحاول نستغل الوقت باللي نقدر عليه عشان ما يضيع بدون فائدة .. ادرسوا دويتش من النت ادرسوا ادرسوا لا تروحوا ألمانيا ع عماكم خذوا لو فكرة بسيطة عن اللغة و الله بيمشي الوقت ما تحسون فيه .. بين وقت و وقت روحوا للسوق و تقضوا لكم كم شغلة للسفر و الله بتنبسطون .. ادخلوا المطبخ و تعلموا طبخات بتموتون جوع هناك * علمي نفسك * .. معرض الكتاب بنلحق عليه قبل السفر جهزوا كتب تاخذوها معكم بنطفش هناك .. اعملوا أي شيء لا تخلوا الوقت يمر عليكم و أنتم جالسين لأن بتاخذكم الهواجيس و بتتندمون ع قراركم وسعوا صدوركم
أدري طولت بالحكي بس مريت باللي مريتوا فيه و لقيت شيء يشغلني الحمدلله و عقبال تلقون الله يوفقكم

فعلا ،،، كلامك سليم .

انا اشارككم الملل وضيقةةة الصدررر من سنة ونص
ووصلت لدرجةةة يأس قاتلة
وقررت مع بداية هالاسبوع ابتدي من يديد من الصفر
بديت اتعلم دويتش
وخلال يوم حفظت الحروف والارقام واليووم اقرا كلمات احاول اتهجا << حسيت حالي بأولى ابتدائي ههههه
بس جدا ممتع وبنفس الوقت خفت
اللغة ابدا مو سهلةة فعلا يبي لها من الان نبتدي باشياء بسيطة تساعدنا لانرووح على عمانا مثل ماقالت رزان

وقررت اكمل كمان الكورس اللي تبع الوزارة وانهيه عشان اتفرغ تماما للدويتش

وابد لا تتأملون ان السفر بفبراير
انا فعلا تأملت وانبسطت بس من ماطلت الملحقيه وقالت اول بمارس عرفت ان التأخير لأبريل
القبولات حتوصلنا ان شاء الله ممكن بداية فبراير مثل العام الماضي ممكن
والفيزا يبي لها شهر فممكن نسافر اخر مارس او بدايل ابريل
خلونا ناخذ الشي بأريحية
من جد حنتعب ونتعب اذا بنظل قاعدين ونفكر ونلوم الوزارة ونلوم نفسنا ليه اخترنا الابتعاث
شي طبيعي يضييع الحمااس ويسيطر علينا الملل
بس خلونا نستغل الفرصة مثل ماقالت رزان
بين فترة وفترة نسوي شوبينق على رواق
احسن من ان نقضي كله بمره وحدة
طوروا من مهارتكم وهوايتكم حتستمتعون لان بعدين بوقت الدراسة نادرا ماتتفرغون لها ^^

وسلامتكم ^^

السلام عليكم ،
ياجماعة الخير لا تحبطون أنفسكم ، ترا سافرتم بفبراير ولا مارس ولا ابريل مافرقت ، لان الفصل الصيفي للتحضيرية يبدا بمارس ولا ابريل (اغلب الولايات الظاهر)
لذلك حتى لو رحتوا بفبراير وخلصتوا اللغة بشهر 12 ، راح تصبرون شهرين ثلاثة على التحضيرية

المهم شدوا حيلكم الحين ، حفظ كلمات ، كلمات ، كلمات ثم كلمات قبل الدورة

صحيح .. لو جيت المانيا وانت صفر بالألمانيه ... راح تتوهق وتتورطط لأن قليل الي يتكلمو انجليزي .. انا ماودي انك تعيدو نفس اخطائي .. انا كنت اذاكر يوميا 6 ساعات . + 6 ساعات معهد ومااحسها تكفي لين ربي افرجها الحمد لله .. قبل كل شي اول شي حاول تفهمه 100 % القرامر ( القواعد) لا تبدأ بالكلمات ..اول شي افهم القواعد بعدين ابدا بالكلمات ... وفي معاهد كثير يدرسونكم 3- 4 ساعات <~ ماانصحك فيها ..اهم شي المعهد يكون على الأقل 6 ساعات ... واي واحد عنده اي استفسار بأحاول اجاوبه .. بالتوفيق

يالغالي ياليت عنوانك عالخاص ((واتساب او ايميل او بلاك بيري ))

السفر في فبراير لاحد يفتي ، المحلقية تقول فبراير وفي ناس هنا تقول أبريل و مارس أصدقهم ولا اصدق المحلقية الثقافية في ألمانيا عشان كذا الله لا يهينكم لاحد يفتي من كيسه لان هذا اسمه لعب في الأعصاب

^
خلاص سلم لنا على الـمحلـقية إذا رحت

انتم مدركين أم البرنامج كل واحد يفتي من عنده

أختلف معك بهذه النقطة ، أصلا مادام ماعندك كلمات ماراح تفهم القواعد . ودامك درست او تدرس اللغة أكيد عارف هالشي ، نصوص اختبار الDSH مهما كنت متمكن بالقواعد لكن ماعندك رصيد قوي من الكلمات ماراح تفهم شي منها

رأي شخصي ، أشوف القواعد أسهل شي
نصيحة شخصية ، من الآن ابدؤوا بحفظ الكلمات ولا تنتهي منها ابد
لو تمر عليك كلمة معناها ( التوسط المعيشي في مجتمع متقدم .. الخ ) احفظها
أدري تقول وش بتفيدني ، لكن بتعرف بالDSH بإذن الله : )

الله يوفق الجميع ، وينصر ثورة سوريا والعراق