تجمع طلاب الطب - ألمانيا

اخيراااااااااااااااااااا جات القبولات ( شهادة الابتعاث ) , شوفوا الايميلات ، مبروك للجميع , بس عندي سوال الحين ايش الاوراق اللي اقدمها للسفارة بالاضافة للقبول ؟؟؟؟؟؟؟

Germany Visa Application Center


هنا النماذج إللى تحتاجها و هيا : 2 , 3 , 4 , 5

المتطلبات موجودة هنا : بموقع السفارة و كمان هنا : http://de.vfsglobal.sa.com/images/ch...%20student.pdf

يعني لازم يكون عندك :

- 3 نسخ معبئة من إستمارة التقديم (نموذج طلب تأشيرة على المدى الطويل - للطلبة ، والعمالة الخ) رقم 5 بالموقع .
- جواز السفر , و صورتين منو .
- شهادة الدااد .
- تعبئة نموذج المادة 54 (6) من قانون الإقامة الألمانية . ( رقم 2 بالموقع )
- تعبئة نموذج المادة 55 (2) من قانون الإقامة الألمانية . ( رقم 3 بالموقع)
- 3 صور شخصية ( مثل صور الجواز تماما لكن مكشوف الرأس , يعني بدون شماغ أو كاب ... إلخ).
- إذن الوالدين للقاصرين - إللي أعرفه إنه مطلوب فقط على إللي أعمارهم تحت ال 18 , لكن تأكدوا - ( رقم 4 بالموقع).
- برنت ( * شهادة* مثل ماهو مكتوب) من مركز الشرطة المحلي. ( مع إني قريت إن بعض الأخوان السابقين لنا أخذوها معهمك و السفارة ما سألت عنها ).
___________________________

* ضروري أنبه إن في أمور أنا مو متأكد منها ولا أدري إذا مطلوبة علينا أو لاء , و منها :

- الشهادة الثانوية أو صورة منها.
- حجز فندق/سكن مؤكد ( مع ذكر العنوان الكامل )
- صورة من بوليصة تأمين صحي تغطي منطقة الشنغن , و تغطي عالأقل 30 ألف يورو للمصروفات الصحية .
__________________________

* و هنا كمان أكثر من مستند يفترض إنو شهادة القبول من ال دااد تغنينا عنهم ,
لكن أذكرهم للإحتياط ولأني مادري إذا فعلا الشهادة تغطي أو لاء :

- شهادة بنكية ( أو تقرير بنكي) لحساب شخصي. (المفترض تغطي الشهادة هالشي لكن الله أعلم ).
- شهادة قبول من جامعة ألمانية . ( أكيد تغطيه الشهادة من الدااد )
- دليل على وجود حساب في بنك ألماني "محجوب" (أو بالأصح بْلُوكْدْ Blocked) فيه مبلغ 7.608 يورو , أو دليل على وجود شخص يتكلف بدفع بمصروفاتك . (كمان المفترض الشهادة تغطي هالشي ).
- قبول من معهد لغة ألمانية . ( أكيد تغطيه الشهادة من الدااد ).

* بالنسبة للحساب البنكي الشخصي , و الحساب المحجوب في ألمانيا , أنا ماعندي فكرة إذا الشهادة تغطيهم أو لا
لأنو بالشهادة إللي من ال دااد ماذكر المخصصات المالية و السفارة طالبة ذكرها بالرقم ..

طبعا إللي عندو بالفيس بوك راح يستفيد أكثر من كلام الشباب و البنات بالقروب لأنهم يتكلموا بالتفصيل .
هذا و الله أعلم ,

الي موجود في القروب حق الفيس يرسله ليه لا هنتوا

https://www.facebook.com/groups/SaudiInGermany/


هذا قروب الفيس اعمل جوين و راح يضيف الأخ نايف

يا اخوان بالنسبة اللي جاهم الـ Affirmation , هم قالو في نفس الرسالة اننا نروح ونستخرج الفيزا..سؤالي هنا فين الضمان المالي؟ ولا الشهادة هذي كافية وتغني عن الضمان المالي ؟ لانه انا اعرف ان اللي بيستخرج فيزا يحتاج شيئين ضمان مالي و ورقة انك انقبلت في معهد , يعني هل ننتظر تحسبا لاوراق ثانية ولا خلاص ابدأ في استخراج الفيزا بالشهادة اللي عطوني اياها

عواد .. هذا إللي الأغلب مختلف عليه , البعض يقول الشهادة كافية و البعض يقول لازم تروح الرياض .. إلخ من العفسة

أنا رسلت لك لكن بحطه هنا عشان إللي مو بالفيس بوك يستفيد كمان ..

من إللي قريتوا إن إللي كلموا السفارة قالوا لهم إن هذي هيا المتطلبات :


1- خطاب الداد Affirmation
2- تعبئة 3 نماذج من موقع السفارة << حطيت الرابط فوق
3- احضار 3 صور شخصية
4- جواز السفر + صورتين للجواز
5- صورة لأخر مؤهل دراسي ( شهادة الثانوية)
6- خطاب تعريف من الاب
7- رسوم التأشيرة والخدمات ( في الموقع مسجلة تقريبا 400 ريال)
8- الحضور للسفارة لقسم التأشيرات من السبت الى الأربعاء من الساعة 8:30 الى 11:30 الصباح

و إللي كلموا القنصلية قالوا لهم زيادة عن إللي فوق تأمين سفر ( من التعاونية أو غيرها ) , و البعض قال إنو خطاب التعريف إللي من الأب ماله داعي و غيره

عالعموم مثل ما قلت من قبل الأفضل تشوفوا القروب نفسه و تحكموا بنفسكم ..
و كمان الأفضل تكلموا السفارة للي مو مقتنع عشان إذا رحت و طلع شي ناقص ما تلوم فلان و فلان عشانه ما كتبها ,
و إللي واثق يتوكل على الله و يقدم .

أتمنى التوفيق للجميع

بالله يا عيال اللي راح قدم ولا راح سال .. لان لو قدمت متاكد انهم بيرفضون الطلب لان ما معي الا شهادة الابتعاث و اوراق السفارة اللي نعبيها ... وهم طالبين ضمان مالي و تامين صحي و الخ ... وانا ما معي الا شهادة الابتعاث .. ايش الحل ؟؟؟!!!!!!

- - - مشاركة محدثة - - -

بالله يا عيال اللي راح قدم ولا راح سال .. لان لو قدمت متاكد انهم بيرفضون الطلب لان ما معي الا شهادة الابتعاث و اوراق السفارة اللي نعبيها ... وهم طالبين ضمان مالي و تامين صحي و الخ ... وانا ما معي الا شهادة الابتعاث .. ايش الحل ؟؟؟!!!!!!

عزيزي , آخر الأخبار إنو واحد من الشباب بالقروب الله يجزيه خير رسل شهادة الدااد بالفاكس للسفارة ,
و قالوا له إن هذي تنوب عن الضمان المالي و التأمين الصحي و شهادة الحساب البنكي. و هيا الأشياء إللي مو عندنا .

طبعا واضح للي قرأ شهادة ال دااد إنهم قالوا إن راح يأمنوا لنا دراستنا للغة و الجامعة ف الواضح إنها تكفي عن القبولات كمان .

فإلى الآن ما نقدر نجزم إذا الطلب بينرفض أو لاء.
الملحقية قالت إنو ال دااد بتحدد لنا موعد نروح فيه للسفارة , و ال دااد بآخر رسالة قالوا نباشر بالتقديم فورا . و الله أعلم
إلى الآن أنا ما قريت إنو أحد فعلا راح بنفسه ل السفارة و قالوا له أوراقك ناقصة .


بكل بساطة الأفضل نتواصل مع الملحقية و نسألهم إذا هذا الضمان المالي فعلا له وجود أو لاء >> إذا له وجود المفترض ينوب عن تأمين السفر .
و ماله داعي نكبر الموضوع , فعلا إحنا ما ندري وش نسوي , لكن مشكلتنا فقط بوجود الضمان المالي أو كون شهادة الدااد تنوب عنه.

انا دوبي راجع من القنصلية ، نفس الطلبات اللي قالها الاخ مصطفى و طلبوا تامين من التعاونية و اصور صفحة رقم ٣ في جواز السفر واوقع عليه ،بس التامين حق ايش ؟ سفر ولا صحي ولا ليش ؟؟؟؟؟؟

إذا رحت لأي مكتب تأمين ( التعاونية مثلا) اطلب منهم تأمين سفر لدول الشنغن , طبعا تختار تأمين لفترة قصيرة .

لكن مثل ما قلت لك إللي رسل للسفارة قال إنو الشهادة تغطي تأمين السفر هذا و ماله داعي تسويه.

من رأيي ما تستعجل و تسويه و استفسر من السفارة أفضل لأن القنصلية معقدة ؛<< واحد ثاني راح لهم و قالوا له لازم تستخرج فيزتك من السفارة و تستلمها منا عندنا بجدة
و واحد ثالث قدم أوراقه بمكتب VFS التابع للسفارة و قبلوه , مادري إذا قدم بهالتأمين أو لاء , هنا عناوينهم : بجدة و الرياض و الخبر http://de.vfsglobal.sa.com/contactus.aspx

أنا كمان راسلت السفارة و إللي ردت علي قالت إني ماحتاج لتأمين السفر ,
و الله أعلم