تجمع طلاب الطب - ألمانيا

والله انا ما رحت القنصلية ولا رحت السفارة رحت مركز اصدار التاشيرات في جدة وهم قالولي الكلام هذا !

يا جماعة أنا الي فهمته ان مكتب التأشيرات الي في جدة خاص لفيزا الشنغن فقط أما الدراسية فلازم التقديم من السفارة في الرياض بس معلوماتي قديمة شوي

فهل ممكن التقديم للفيزا الدراسية من جدة؟ (حتى لو كان لهم شروط معقدة لأنو صعب جدا اروح الرياض)

اذا كان ممكن اتمنى تقولوا لي كيف ومن فين (القنصلية ولا مكتب التأشيرات)؟

بالتوفيق للجميع

عزيزي , في واحد بقروب الفيس بوك قال إنه راح للقنصلية بجدة و مشت أموره ,
و ما طلبوا منه تأمين سفر ولا خطاب تعريف للأب و لا برنت من الشرطة , بس خلوه يعبي استمارة تأمين طبي حسب كلامه هناك .

بس يقول طلبوا منه صورة من جواز الأب عشان يتأكدوا -و ما وضح يتأكدوا من إيش ؟؟ - و ما أخذوها من عنده .

و الله العالم

مشكور اخوي

طيب بالنسبة لورقة الداد هل ارسلوها لكم بالايميل ولا على صندوق البريد؟

أذكر رسلوها يوم الجمعة ، بالإيميل عزيزي

انا رحت السفاره بالرياض وكل اللي طلبوه هو الجواز وصورتين شخصيتين و النموذج رقم 5 مرتين وانشاء الله تطلع بعد اسبوعين
والحين ويش الباقي علي

- - - مشاركة محدثة - - -

طلبو ورقة دااد بعد

بسم الله الرحمن الرحيم

أخواني أنا طالب في المرحلة الأخيرة من الثانوي .. وأطمح لدراسة الطب في المانيا نظراً لتطوره
طبعا أتمنى منكم أن تفهموني مبادئ الإبتعاث .. ماهي درجة القدرات اللازمة ..؟ وما هي درجة التحصيلي اللازمة ..؟ وهل يطلبون أختبار الكفايات ..؟
وهل القبول للإبتعاث لدراسة الطب في المانيا مزدحم من ناحية الطلب أم الطريق مسموح ( وإذا كانت صعبه القبول كيف أضمن الإبتعاث لها بإذن الله )
يعني بإختصار أحتاج لطالب يدرس الطب حاليا هناك يفهمني بكل صغيرة وكبيرة من أول ما أتخرج من الثانوي إلى أن أوصل أبواب جامعة المانيا لدراسة الطب .. ويفيدني ببعض الأخطاء اللي أتجنبها وبعض النصائح الهامة من تجربته ..
وآسف على الإطالة أنتظر مساعدتكم لي ..
أخوكم بدر ..

زي اسئله اخوي بدر
كمان انا ناويه ادرس طب في المانيا بس مو عارفه وين وكيف ابداا

بسم الله الرحمن الرحيم
السلام عليكم و رحمة الله و بركاته , كيفك يا شباب عساكم بخير ..عاد أنا قدمت اوراقي في مركز التأشيرات مو السفارة ولا القنصلية ,مركز الـتأشيرات هذا في جدة في طريق المدينة مع تقاطع طريق الملك عبد الله تلف يمين بعدين يمين ..قبل شركة برافو ,المهم هناك فيه مركز التأشيرات فيه هناك مقابله مكتب سفريات اسمه خدمة المسافر المهم انا اخذت الاستمارة و الاوراق اللي كتبوها الاخوان و خليته يعبي الابليكيشن و يكتبه لي <<<مافيني اعبيه صراحة @@ ..وطبعا اخذ رسوم حدود 250 وسوا لي موعد في مركز التأشيرات اللي مقابله هم مقابلين بعض , عاد كانت ناقصة لي ورقة تامين سفر قالي المكتب جيبها بحيث إني ادخل و اوراقي كاملة في المركز ما يحتاج احوس و اروح و ارجع ,المهم اليوم الثاني رحت جبت تامين سفر وجيت المركز قبل الموعد بحيث اني انتظر موعدي ومشيت اموري تمام التمام وإتضح بعدين انو تأمين السفر ما يحتاج خلاص بس انا خلاص قد اني سويت التامين والله يعوضنا خير بس المهم انو هذا اللي صار معايا والحمد الله تسهلت اموري .
عاد لما تدخل المركز تنتظر لين يجي موعدك بعدين إذا جا موعدك تعبي بيانات بسيطة و توقع على كم ورقة وبعدين أخذو مني 141 ريال ورحت بعدين انتظرت ابو 10 دقايق ربع ساعة وقالي تعال إبصم..وقالي خلاص نتصل عليك لما توصل الـتأشيرة .
وهذا رقم المكتب إذا احد يحتاج منه شي 6504457 # و اتمنى لكم التوفيق و ربي يسهلها معاكم #

Dr.BaderAm & _Emy :

أهنيكم على طموحكم ,

# نتكلم عن إللي بيحصل و إنتم بالسعودية :

أولا :بالنسبة لمتطلبات الإبتعاث :
قدرات 80% , تحصيلي 80% , ثانوي معدل عام 90%
هذا للقبول المبدئي , و ما حتحتاجوا كفايات ولا أي شي تاني .

طبعا قبل التسجيل الوزارة قالوا لنا يبغوا IELTS 5 عالأقل , << شبيه التوفل لكنه اختبار بريطاني
لكن حسب علمي إنو جميع إللي قدموا لألمانيا بالدفعة الثامنة انقبلوا بدون اسثناء أبدا إللي اختبر و إللي ما اختبر.

الخطوة الثانية بتجيكم مرحلة التدقيق بعد عيد الفطر , حتى يتأكدوا من شهاداتكم و كذا
و الثالثة الترشيح النهائي بيكون بعد عيد الأضحى .
و الخطوة الرابعة الملتقيات ,
و بعدها بتنتظروا تواصل الملحقية و الهيئة الألمانية الأكاديمية معاكم بشأن القبولات و موعد السفر المحتمل و الإجراءات و تحديد المدن .

و احنا حاليا بهذي الخطوة الأخيرة , و بقى شهر و نص إلى شهرين و بنسافر إن شاء الله .


# في ألمانيا :


طبعا هناك ح ندرس لغة , الوقت الطبيعي لدراسة اللغة 8-10 شهور , و ممكن سنة , و تتمدد لسنة و نص بأسوأ الأحوال و للي ما يجد بدراسته .

بعدها نقدم على الكورس التحضيري بالجامعات إللي تقدم هذا الكورس بألمانيا ( أغلب الجامعات تقدمة إلا كم جامعة بمدن مثل دوسٍلدورف و كولن و غيرهم على ما أظن)
طبعا نختبر إختبار لغة قبلها و بعدين راح يقبلونا إذا نجحنا فيه .

الكورس التحضيري للتخصصات الطبية أو القريبة من الطب (مثل الكيمياء الحيوية , علم النفس .. إلخ ) إسمه M-Kurs
عادة الطالب يدرس فيه لمدة سمسترين , مواد تشبه المواد إللي بالثانوي لكن باللغة الألمانية
( كيمياء , فيزياء , أحياء , لغة ألمانية , رياضيات , ترمونولوجي -علم المصطلحات طبية- )

تقريبا كل الطلاب إللي قريت كلامهم عن السنة التحضيرية يقولوا إنها سهلة لكن تحتاج إلى جد و اهتمام مثل أي دراسة ثانية فقط لا غير .
- و طبعا أكيد إللي ما يهتم بيكون من السُّخف إنه يتوقع النجاح -

بنهاية كل سمستر إختبار نهائي حسب إللي فهمته .
إذا نجحنا إن شاء الله راح يكونوا لنا نسبة مننسبة الثانوية و نسبة اختبار الفصل الثاني للسنة التحضيرية .

ماذكر كيف يطلعوا هالنسبة , لكنها من 1 إلى 6 ,
1 أعلى درجة , و 6 أقل درجة. ( يعني كل ما قل العدد زادت الدرجة/النسبة)
و أعرف شباب قبلوهم بمعدلات بين 2.5-1.5 , وحسب إللي قريته إنو إللي يكون معدله 1.4 أو أقل يضمن قبوله بإذن الله .


بعدين إن شاء الله إذا جانا قبول من جامعة , بندرس طب 6 سنوات : سنتين نظري , 3 سنوات اكلينيكي ( عملي ) , و سنة امتياز ( تطبيق )
طبعا بهذي السنوات راح نمر بكثييير من المراحل , أذكر مثلا إن بعض الجامعات تلزم طلابها خلال أول سنة على ما اذكر إن يعملوا كـ ممرض متدرب في مستشفى .
و منها إنو يتابع حالة إمرأة حامل , و غيرها .

إذا ممكن أنصحكم بشي , راح يكون بالشي الوحيد إللي أنا للحين ندمان عليه :
إذا إنتو جازمين إنكم راح تروحون ألمانيا و ما راح تغيروا رأيكم ..

ادرسوا ألماني !! و خصوصا إذا عندكم إمكانية مادية و ظروفكم تسمح تروحوا للدورات إللي تقدمها السفارة الألمانية في الرياض
أو المدرسة الألمانية في جدة روحوا لها بدون أي تردد !
انتظاركم راح يكون طويييييل جدا بعد التقديم على البرنامج و راح تظلوا تنتظرو حوالي سمستر و نص أو إثنين بعد الإجازة و هذا وقت طويييل جدا
أخذوا دورات لغة ألمانية , كل مستوا شهرين ,
عشان تروحوا ألمانيا و إنتو عندكم مستويين أو ثلاثة , او حتى لو بس مستوى واحد !!
و ما تتعطلوا باللغة أو تستصعبوها طول فترة انتظاركم ..

عن نفسي درست بمجهودي الفردي و استفدت لكني تمنيت إني أخذت دورة بالسفارة,
لكن للأسف البعد و ظروف حصلت لي منعتني إني أكون بالرياض لفترة طويلة مثل شهرين أو ثلاثة .

* إذا كلامي فيه أي إشكالية أو سهيت عن شي أو أخطأت أتمنى إن الإخوان يصوبوا لي *

أتمنى لكم التوفيق و النجاح (: