اي استفسار عن المانيا تفضل !

شكرا اخي .. ما هى الخدمات الي يدوهالك غير التقديم في الجامعة ... و كم تكون التكاليف ؟

العفووو اخوي .. ما سوينا إلا الواجب

بالنسبة لخدماتهم اللي قدم لي إلى الان هو ( القبولات + فتحوا حساب بنكي مغلق في بنك Sparkasse ) هذا ما قدم لي إلى الأن
ويقولون أنه بيكون في استقبال في المطار مع توفير سكن لكن هذا برسوم خاصة أذا اردته
بالنسبة للتكاليف صرااحة غالين جدا جدا جدا جدا جدا .. يعني يسوون أشياء في الحقيقة وفي الواقع ما تاخذ ربع المبلغ ذا اللي بتعطيهم
1600 يورو .. وتكون 1000 يورو مقدما وبعدين تدفع 600 بعد ما يفتحوا لك حساب بنكي
وتبي نصيحة حاول أنك تشوف مكتب أرخص شوي لأنه صراحة انا أشوفها غالية وحاول انك من ذا المنتدى تجد طريقة توفر فيها قبولاتك بنفسك وصدقني ما بتكلفك أذا سويتها بنفسك أكثر من 300 يورو وواضح الفرق !!

أعذرني اخي على تواضع الإجابة .. لكن هذا ما لدي من معلومات واي استفسار زيادة أن شاء الله أقدر أفيد والأخوان بعد
مع تمنياتي لك بالتوفيق والنجااح والسداد

بشكرك اخي مرة ثانية ... اعتقد حتعامل معهم و امري لله لانهم الوحيدين في مصر ... مع ان ١٦٠٠ يورو يعني : ١٦٠٠٠ جنيه

انت قلتيها .. جامعة تقنية .. يب ما فيها طب .. و اكيد ما تعطي سنة تحضيرية في الطب لانها جامعة تقنية
و بالنسبة للرسوم .. اكيد الجامعة لها رسوم و كمان المعهد له رسوم ..
لكن اذا كان قصدك وقت جلب القبول فـ لا
ل قبول الجامعة تدفعين رسوم التقديم فقط 40 يورو .. و المهعد كمان اظن له رسوم تسجيل ( بسيطة كمان )
و ما راح تدفعين مقدم او نصف رسوم الكورس او اي شي من هذا القبيل
بامكانك احضار قبول اللغة و الجامعة بدفع فقط رسوم المعاملة

اسف على الاطالة

شوف يا اخ محمد , ادري داخل عرض لكن اسمع مني
بامكانك تتعامل معاهم و تحط رجل على رجل و هم يجيبون لك كل شي و لكن بسعر خيالي .. و تروح المانيا على الله و بالله
او بامكانك انت تتعب شوي و تبحث عن المعلومة و لو بمساعدة اي احد و تجلب القبول بنفسك و باجتهادك
خلال بحثك عن المعلومات رااح تجد معلومات اخرى تفيدك .. و راح تتعرف على نظام الدراسة و امور اخرى عن المانيا .. انصحك و بشدة انك تبحث و تجيب القبول بنفسك او مثل ما قلت لك بمساعدة احد اي احد من الاخوان و لو بفلوس 400 يورو اهون من 1000 .. فهمت علية ؟!
عاد انت حر و شوف اللي يناسبك .. و ان شاء الله اللي فيه الخير لك يصير

هههههه .. والله انا بفكر اني اعتمد على نفسي ... ولكن خايف اني ما يتم قبولي بسبب خطا ما ... و تضيع السنة علي .... اخي لو تعرف حد يساعدني أكون شاكر جداا ))

استطيع المساعدة

بشكرك اخي ... انتا قدمت على طول ولا عن طريق وسيط .. و ما الاوراق الت احتجتها

والله ما في افضل من انك تعتمد على نفسك , واكيد راح تحتاج مساعدة في الطريق ..
لا ان شاء الله ما يكون في خطأ , اذا اتبعت الخطوات و سويت اللي عليك باكمل وجه و ارسلت المطلوب لهم .. يجيك القبول بإذن الله
بالنسبة للمساعدة ! : عند الاخ Zaqxsw2007 تواصل معاه و ان شاء الله بيفيدك .. و اذا ما زلت تحتاج للمساعدة بامكانك تتواصل معي .. و راح اساعدك باللي اقدر عليه
بالتوفيق لك ان شاء الله .. و لا تحرمنا من دعواتك تكفى

السلام عليكم ..

في الحقيقة خلصت كلمات المديح والشكر لكل فرد له علاقة بذا المنتدى اللي أجابني على كثير من تساؤلاتي جعل الله كل حرف في موازين حسنات الجميع ...

أنا عندي فقط كم أستفسار أرجوا من أصحاب التجربة والخبرة في الرد على تساؤلاتي أو من عنده العلم الاكيد وهذا التساؤل انا حطيته في موضوع ثاني لكن ماجاني رد فا قلت دامكم تردون هنا نستغل الوضع .. ولكم جزيل الشكر
بالمختصر انا تعاملت مع مكتب عشان يجيب لي القبولات وجابها واللي مكتوب عندي في القبولات كالاتي :
قبول لغة من معهد Steinke-institut وكذلك قبول سنة تحضيرية من نفس ذا المعهد ..
اللي مستغربه من أغلب اللي فهمته وقريته من معلوماتكم هنا أنه السنة التحضيرية تدرس في الجامعة .. فكيف انا عندي قبول التحضيري من معهد ؟؟
ولما سالت صاحب المكتب قال لي انه ذا المعهد تبع لجامعة بون .. فهل هذا صحيح ؟؟!
وصراحة من عنده معلومات عن ذا المعهد ليت يفيدني ويفيد الجميع لأني ما لقيت عنه معلومات كثير

أغلب ما أخاف منه هو وقت التقديم للفيزا أنو يعتبروا ما عندي قبول جامعي ويعتبروا كل اللي معي مجرد لغة (مع أنه عندي ورقة المعهد بقبول السنة التحضيرية) لكن من كلامكم انه لازم تدرس السنة التحضيرية في جامعة يعني لازم قبول جامعي ؟!!

وعندي كمان استفسار بسيط عن الفيزا ما وجدته في موضوعاتكم اللي أعطتني الكثير من المعلومات وأغنتني من جد ..
وبالنسبة لكشف الحساب الوالد ما كان عنده حساب بنكي يعني توه من فترة بسيطة فاتح حساب فلما بجيب لهم كشف الحساب بيلقون انه ما يدخل حسابه نفس الراتب اللي كتبته في التعريف بالراتب يعني الزبدة انه كشف الحساب بيكون مبلغ بسيط خش ذي الفترة اللي راحت فهل هذي مشكلة ؟؟! وما الغرض من كشف الحساب لأفهمه أكثر ؟؟

أعتذرررر جدا جدا جدا جدا جدا جدا جدا جدا على الاطالة وعلى تكرار المشاركة .. والله ما أطلت وكررت إلا لأني ادري انكم رجائي بعد الله في الاجابة
وتعرفون الحيرة والوسوسة اللي تصيب الواحد خاصة اذا قرب موعد السفارة
دعواااتكم .. وأسال الله ان يوفقكم جميعا الى كل ما يحب ويرضى ويسهل عليكم دروبكم في طلب العلم
أترككم في حفظ الله ورعايته