اي استفسار عن المانيا تفضل !

رح اتعبك معاي يا اختي بس تحمليني !! و آسف ع الشيء هذا !

عادي مو مشكلة

كيف قدمتي ع الدراسة في المانيا ؟؟

حتى الآن ماقدمت لأني قاعدة أدرس بس قاعدة أجهز أوراقي وأول ما أتخرج باقدم على طول بإذن الله
لخصي لي وش يبغون ؟؟ بالمختصر !
الجامعة تطلب شهادة لغة وشهادة سنة تحضيرية وأي شهادة حصلت عليها الدبلوم والثانوية دورات إسعافات أولية دورات لغات.. إلخ كل الشهادات اللي حصلت عليها ويحطونها في السيرة الذاتية حقتك في ملفك ممكن تسهل لك الحصول على قبول , نفس هالشهادات إضافة إلى قبول الجامعة وقبول معهد اللغة تقدمها للسفارة أيضا أثناء طلبك للفيزا
و من وين قدمتي عشان حصلتي ع القبول الجامعي ؟
حتى الآن لم أقدم
و هل لو رحت السفارة الالمانيه بالرياض رح يتكفلون فيني من ناحية تواصلي بالجامعه و لا بس رح يوصلون الاوراق الى الجامعه ؟
السفارة مالها دخل بتواصلك مع الجامعة , في حال كان معك قبول سواءا نهائي أو مشروط يراسلون مكتب الهجرة اللي في مدينة الجامعة اللي انت مقدم عليها عشان يتأكدون إذا كان القبول سليم أم مزور وعشان يتأكدون انك طالب عندهم أو لا
اخوي في موضوعه عن الفيزا يقول انه لازم تحصل على قبول جامعي !! http://www.mbt3th.us/vb/forum64/thre...l#.UtKJjrS0PX8
من وين اجيب القبول الجامعي ؟ من النت و لا من السفارة و اذا كان من النت كيف اجيبه ( ملخصه ) ؟!
القبول الجامعي إما تحصل عليه بنفسك عن [طريق مراسلة الجامعة عن طريق الانترنت أو (اليوني أسيست)] أو عن طريق منحة دراسية (سواءا كانت المنحة هذه من حكومة بلدك أو أي حكومة أخرى أو من الجامعة) أو عن طريق مكتب أو طلاب يساعدونك في الحصول عليه
ملخص الكلام كله و اللي حاب اوصله ! انا رح اقدم ع الفيزا للدراسية بالمانيا !
و الشروط اللي ذكرها اخوي مفهومه الا كم واحد يايت تشرحين لي ايها اذا لك خبره !
عندك شرط !
1 - تعبئة ثلاثة نماذج طلب فيزا ، تعبئة صحيحة مع التوقيع عليها ؟؟ من وين اجيبها يعني من السفارة نفسها و لا عن طريق النت
موجود في موقع السفارة قسم التأشيرات هذا النموذج الأول وهو نموذج طلب إذن إقامة (4 صفحات) http://www.riad.diplo.de/contentblob..._Residence.pdf

وهذا النموذج الثاني مع الثالث اللي هو تصريح بموجب قانون ألماني (صفحتين كل نموذج في صفحة)

http://www.riad.diplo.de/contentblob...5_AufenthG.pdf



2 - قبول مبدئي مشروط باللغة من أي جامعة في ألمانيا ( للدارسين باللغة الألمانية ) ، وش معناه ما فهمت وش قصده ؟

القبول المشروط هو القبول المبدئي يعني الجامعة تقبلك بشرط انك تدرس اللغة فقط أو التحضيرية فقط أو كليهما وإذا استوفيت الشروط هذي فأنت مقبول بشكل نهائي

3 - قبول في معهد اللغة ما فهمت وش قصده ^^
انت لما تسجل في معهد اللغة بيعطيك وقت عشان تسدد فيه الرسوم , لما تسددها المهعهد رح يرسل لك ورقة القبول , ورقة قبول المعهد هذي توديها للسفارة مع بقية المستندات المطلوبة

4 - تأمين السكن كيف احصل ع التامين السكن ؟
السكن تطلبه من المعهد أو من الجامعة اللي رح تدرس فيها , أو إذا كان عندك معارف هناك يوفرون لك سكن , أو ورقة من أحد الفنادق تثبت انك دفعت رسوم السكن فيه أيا كانت المدة
5 - تأمين صحي شامل ، [ من أي شركة التأمين ] قصده التامين يكون بالسعوديه و لا بالمانيا ؟
التأمين الصحي ألماني , فيه بعض الطلاب قدموا تأمين صحي سعودي مدري إذا وافقوا عليها أو لا
6 - فتح حساب بنكي في أحد البنوك الألمانية ، وإيداع مبلغ 7800 يورو فيه ( النظام الجديد ) ، لازم ه الشرط ؟؟

في طلاب قدموا كشف حسابات آبائهم , لكن هالطريقة حاليا أفضل لأن في طلاب كثير هاليومين ينرفضون بحجج غير مقنعة من قبل السفارة وللعلم المبلغ تغير صار 8050 يورو

[ يسقط هذا الشرط إذا تكفّلت الدولة بالتكاليف ، ويُستبدل بإثبات حصولك على منحة من الدولة ] . *
7 - شهادة حسن سيرة وسلوك [ من أقرب مركز شرطة ] . ** كيف احصل عليه ؟

من مركز الشرطة في البلد اللي انت فيها

8 - ورقة من جهة العمل ( إذا كنت تعمل ) ؛ تبيّن إستطاعتك لتحمّل التكاليف الدراسيّة ،
أو ورقة من ولي الأمر تبيّن ذلك اي ورقه قصده و لا كيف ؟؟

لو كنت موظف تجيب ورقة من مقر عملك مكتوب فيها راتبك أو كشف حساب من البنك , وإذا ما كنت موظف جيب ورقة أحد الوالدين تكشف حسابه البنكي

اغلب الاسئلة شب متكرره يا ليت تفيديني باللي تعرفينه !!
و جزاك الله الف خير و جعله الله بميزاين حسناتك و آسف آسف جداً جداً جداً ع الاطاله و ادري اني تعبتك بس احتسبي الاجر !

السلام عليكم ورحمة الله وبركاته ..

حبايبي مين فيكم يدرس بألمانيا ؟؟ (طب)

اغلب اللي هنا رح يطلعون وانا منهم ^^ إن شاء الله

بنت خالتي حابة تدرس هناك وطلبت مني أستفسر لها عن الطب في ألمانيا لأنها تقريباً أفضل دولة للطب بلا منازع !!

بس توجد بعض الاسئلة ..

1- هل باعتقادكم سنة كاملة لدراسة اللغة الالمانيه كافيه ؟ او تعتقدوها راح تحتاج اكثر؟؟
تقدر تتعلمها في دورات مكثفة خلال 9 أشهر تتعلمها , اللغة تعتمد على الجهد البعض يحتاج سنة والآخر يحتاج أقل أو أكثر
2- دراستهم صعبه ؟؟؟
نوعا ما أيوة لكنها مش مستحيلة لو ذاكرت حتعديها تمام بإذن الله
3- كيف اجواءهم بالصيف والشتا ؟؟
برد طبعا, لكن المدن التي تقع في الغرب وفي الجنوب أقل برودة من الشمالية والشرقية
4- على حسب علمي ان مقاعد الطب محدودة صحيح ؟؟؟ صحيح يعني لازم تجتهد وتجيب درجات كويسه علشان تضمن لها مقعد بكلية الطب ؟

بالضبط

5- ايش افضل الجامعات هناك ؟؟؟

جامعات القمة في الطب (كلية شارتيه[من جامعة برلين الحرة] , جامعة هايدلبيرغ , جامعة ماكسمليان في ميونيخ , جامعة هامبورغ , فرايبورغ , ماينز) تليهم ( نورنبيرج , ماربورغ , لايبزش و أخيرا هانوفر)
6- فيه جامعه تدرسهم باللغة الانجليزية ؟ ولا كلهم لازم ألمااااني !

في الطب كل الجامعات تدرس بالألمانية
7- يقبلون نسبة 79 لدراسة الطب ! او يركزون ع نسبة الثانوووي ؟؟

لهم معدل معين وهو من 1 أعلى معدل إلى 6 أقل معدل

يجمعون معدل الثانوي مع السنة التحضيرية ثم يقسمونه على 2

ثم يطرحون المعدل من 120 ثم يقسمونه على 20 = المعدل النهائي