اي استفسار عن المانيا تفضل !

السلام عليكم ورحمة الله وبركاته
هذا اول سوال
كم الفترة الي درستها لتجيب اللغة وكيف وضع السعوديين مع اللغة (يعني نبغى الصراحة) والعرب بشكل عام
انا طالب قبلت سنة تحضيرية في الدمام لكن صراحة فكرة اني اروح المانيا ادرس هناك مستحوذه على راسي
يعني وش رايك انت من ناحية تجربة شخصية اني ادرس السنة التحضيرية هنا واكمل اللغة والدراسة هناك (على اساس انها تتعادل لي المواد ولا ؟؟؟)؟؟؟
ووش الاشهر بالهجري (لان الميلادي مشكل عندي ) الي تبدا فيها التسجيل للمعاهد والجامعات
ووانت لو تكتب تجربتك من يوم طلعت من السعودية الي وقتك الحالي يكون فائدة عظيمة للجميع ........
بس اهم سوال تكلم لنا عن المبتعثين السعوديين ووش وضعهم لان مالهم صوت ابدا ؟؟؟؟؟
وانا حاب اتواصل معك شخصيا لان عندي اسئلة تخصني..........
والله يعطيك العافية سالفا ............

اهلالالا وسهلالا ..
وعليكم السلام ورحمه الله وبركاته ..
انا لي حاليا 9-10 شهور وادرس اللغه , طبعا عشان تجيد *وليس تتقن*اللغه تماما يبغالك من سنه الى سنتين على حسب الشخص , الأتقان راح يجي بعدين وعلى حسب الشخص كمان , طبعا انا ادرس على حسابي الخاص , الي يفكر بالانضمام بالبعثه بالمانيا لازم يخش الجامعه الي بعد السنه التحضيريه * الا اذا كان عندك واسطه
اذا تبغا رأيي الشخصي المانيا يبغالها واحد صبووور , انت خذلك كورس الماني بالسعودي قبل ما تسوي اي خطوه , الصراحه قبول الطب بالسعوديه اسهل من المانيا بكثيير .
بالنسبه لمعادله المواد انا ما عندي اي خلفيه هل يعادلولك المواد او لا .. لكن السنه التحضيريه راح تفيدك كثير باللغه .
انا ما ابغى اكذب على احد واقول اللغه سهله ولا ابغى احطم احد واقول صعبه , يعني بالجد والاجتهاد ان شاء الله مافي شي صعب , طبعا سرعه تعلمك للغه يعتمد على اشياء كثيره : المدينه , السكن , الأصحاب , ..إلخ
واتمنى من باقي الأعضاء يتفاعلو وكذا ..

الله يعطيك العافية اخوي فيصل
بس ماحاوبت على اهم سوال
الي هو وش وضعين الطلبة السعوديين مع اللغة بشكل عام يعني (معروف الجيد والمجتهد راح يمشي واللعاب راح يتكي ويطول )لكن قصدي بشكل عام
والطلبة العرب ايضا
وحاب اسالك عن الانضمام لانهم يقولون 6 اشهر بالكثير وانت منضم غريبة
طيب الا الحين كم دافعت وكم حاسب باقي تحتاج لتنضم عشان انا نفس وضعك ان شاء الله
وهل انت في معهد غوته ......ز
والله يعطيك العافية واسف على الاطالة

ليه كذا ؟ وش معنى يعني امريكا 4 شهور وينضمو . طيب آخ فيصل انت جاك الانضمام ولا لسا قد شفت لك مشاركة انهم ضموك : | ؟

يعطيك العافية اخوي عمر
بس لو توضح لانا الاوراق الي قدمتها للسفارة
ولو توضح لنا كيف جبت قبول المعهد
ويعطيك العافية

أخوي, إذا كنت رايح على حسابي الخاص. كم نحتاج من الوقت لكي ننظم للبعثة ؟

الاوراق المطلوبه للسفارة هي :-


1- تعبئة ثلاثة نماذج طلب فيزا ، تعبئة صحيحة مع التوقيع عليها . ورقة لقانونين واحد علشان الادلاء بمعلومات خاطئة والثانية أسئلة كثيرة

2- جواز سفر ساري المفعول لمدة ستة شهور على الاقل

3- قبول جامعي مشروط مع قبول معهد لغة ( يستحسن انك توريه الاصلية وتعطيه نسخة منها ، ولكن في حال طلب الاصلية مثل ما طلبها مني ، تقول لو انو يرجعلك ياها وقت تستلم الجواز

4- ورقة من بنك الماني تفيد إنك وضعت مبلغ وقدره 8050 يورو بالحساب المغلق تبعك

5- كشف حساب بنكي لمدة ستة ( 6 ) شهور للوالد مع خطاب تعريف من عمله تفيد بالراتب

6- شهادة الثانوي الاصلية توريهم ياها بس ما تعطيهم ياها تعطيهم فقط صورة منها

7- 5 صور شخصية

8- مبلغ 300 ريال يقدم مع الطلب

9- صورة من إقامتك وإقامة الوالد وجواز السفر .

10- CV و Motivation Letter ((طبعا السي في خليه مرررة مختصر او مفصل ما تفرق المهم وقت ومكان الميلاد اسمك واسم الاب والام الله يحفظهم ايش الشهادات اللي حاصل عليها ، ايش الدورات اللي آخذها ، ايش هواياتك ، وطبعا باللغة الالمانية او الانجليزية ما تفرق بس الاحسن الماني اكيد ، ورقة الدافع تكتب فيها ليش اخترت المانيا للدراسة وليش اخترت هذا المجال علشان تدرسه ، وايش تبغى تتخصص بعد ما تخلص دراسة)) من ضمن الاوراق اللي رجعت علشانها

يعطيك العافية أخوي، أفكر أكمل الماستر بألمانيا...
وباثناء بحثي لقيت بعض البرامج مكتوب فيها انه الكورسات نصها ينعطى بالألماني "مثلاً مب إنجليزي بالكامل مثل ماأبغى"...
سؤالي إذا عندك خلفية أو أحد تعرفه عنده خلفية عن دراسة الماستر اللي ثنائي اللغة مثل كذا؟
هل صعب؟ ولو قلت انه بدرس لغة ألمانية وتجاوزت أقل ليفل اللي هو B1، هل راح أسلك في الحياة العامة هناك؟

( تمت المشاركة باستخدام تطبيق مبتعث )

الله يوفقك ويسرلك أمرك .
حابه أعرف اسم المعهد لي بتدرس فيه اللغه ؟ و شو رايك فيه ؟ وكيف أسعاره ..

وشكراً