سؤال مهم قبل التقديم على الفيزا الدراسية

أحد المواضيع ذكر صاحبها إن التأشيرة الدراسية ما تحتاج موعد أتمنى من أحد الإخوة التكرم بالإفادة سريعا

اخوي الله يعطيك العافية
التاشيرة ﻻزم موعد
الي مايحتاج موعد انك تروح تختم الاوراق
هذا الي اعرفة
بالتوفيق

غير معقول إن كل هالشهر ونص فل ! لهالدرجة الدراسة بالمانيا عليها طلب قوي ؟ مستحيل !
المشكلة إن السفارة العام كانت فاضية كل صبح .. حسب كلام أكثر من شخص هنا ! كيف بسنة صارت فل وبالشهور تحصل مواعيد ؟
أنتظر شخص مجرب وعالأقل يعطيني حل لأن موعد المعهد 28 أكتوبر كيف أنتظر لنص نوفمبر ؟ غير وقت التأشيرة وأنا مابي أضيع أي شهر المفروض يكون بيدي ..

والله ابد الكلام من واحد بيلطع زيك
موعدي تقريبا نص نوفمبر
لكن الي فهمته ان المكاتب الوهمية تحجز على الفاضي
واذا في شي جديد اتمنى يكون في الموضوع هذا

مافي مكاتب وهمية ولا غيره ..

انا من السنه الماضيه متابع السفارة وموقع السفارة وكل شي يحدث ..

السنه الماضيه كان التقديم عالفيزا بدون أي موعد تخلص كل اوراقك وتروح اليوم الثاني تقدم .. لكن اصبح هنالك عدم تنظيم وضغط كبير على السفارة

فأصبح نظامهم مثل سفارة المانيا بالاردن ولبنان وغيرها .. الحجز عن طريق النت .. تقريباً بشهر 3 او 4 بدا هالامر .. وماكان فيه خيار الغاء او تعديل موعد الحجز .. الى ان صارت مشاكل ان بعض الناس ما تقدر تلحق موعدها

وما تقدر تسوي حجز ثاني بنفس الجواز .. وانا منهم .. قمنا كلمنا السفارة وحطو خيار التعديل والالغاء ويجيك لينك للتعديل والالغاء بنفس الاميل ..

بالنسبه لانه اول حجز بعد شهر ونص اشوفه طبيعي جداً .. السفارة عليها ضغط كبير .. وانا لما رحت اقدم كان وراي 5 .. والساعه لسا 8 ونص توها فاتحه السفارة .. بعض السفارات مثل سفارة المانيا بتركيا ما بتلقى حجز الا بشهر 1 ميلادي ..

لكن خليك كل يوم طل على موعد السفارة يمكن احد يلغي حجزه خذه انت ع طول

لا حول ولا قوة إلا بالله
أدفع فلوس كثيرة عشان أجيب قبولات بسرعة.. ومتحمس وأجهز كل شيئ بسرعة وبحماس
وأتفاجأ بآخر شيئ ممكن أتوقعه وهو عقبة الموعد !
نحتسب الأمر لله ما أذكر بحياتي جاني إحباط قوي مثل اللي أعيشه اللحين رغم إن فرق المدة شهر ونص لكن كأنها سنة ونص ! حتى مالي خلق أحجز موعد
الله يعين

ياشيخ لاتنسى ان كل شئ مكتوب ومقدر
لكن على كل حال كلم السفارة واشرح لهم الوضع وشوف
غير كذا اذا مرة الوضع ازمة
فيه مكاتب هم يجبون لك الفيزة <<<<<<<<<<واكيد هم الي حاجزين المواعيد كلها
يعني يمكن تطيح في مكتب عندة موعد بكرة
واهم شئ الواحد يتفائل لان الحياة زي منتا شايف ماتجي على مانتمنى
ولاتنسى تستفيد من وقتك اذا انت في الرياض او جدة تسجل في المعهد حق السفارة تخلص لك كم مستوى تروح المانيا وانت فاهم شوي والشهر الي كنت بتدرسة في المانيا ادرسة هنا ويكون الوقت من صالحك
وبالتوفيق اخوي