برلين ولا كلاوستال سؤال مهم

24 مشاهدة ولا رد سؤالي بسيط
ابداء راي للموجودين بهل المدن
ارجو المساعدة عم انتظر جواب لقرر اي جامعة بدي راسل

اهلا فيك اخي

2- لما تقولو اخر موعد لتسليم الوراق 7/15 للفصل الشتوي هل يعني انو قبول ما بيطلع من الجامعة إلا بعد هاد التاريخ ولا يلي بيقدم بكير بيطلع قبوله أي وقت من السنة .
دراسة الملفات بتبدأ بعد الـDeadline و بتستغرق من اسبوعين لـ3 اسابيع ، يعني بدك تحصل على القبول بأول اسبوع من 8 كأقل تقدير

3- هل لازم اعطي السفارة النسخة الاصلية من القبول وكشف الحساب البنكي ولا يكفي نسخ الكترونية .
السفارة في اغلب الحالات بتطلب الاصول الموقعة و المختومة

4- إذا قلت للبنك يأرسل كشف الحساب للسفارة انا بروح على السفارة قبل الموعد وبقول انا عندي كشف حساب بنكي عندكم عطوني ياه ولا شو .
لازم تروح و تقدم ملفك كامل للسفارة من ضمنه كشف الحساب .. هذا بيكون دليل على اهتمامك و تجهيزك المسبق لاوراقك و بيساعد في قبول الفيزا و تعاون الموظفين معاك
بدك تحتاج صندوق بريد لتستلم عليه القبول الجامعي + اثبات حسابك البنكي في ألمانيا ( بقيمة 8050 يورو متاح حوالي 670 يورو شهريا ) + بوليصة التأمين الصحي ( اذا كان مطلوب ) و تذكر تتأكد من طلبات السفارة في بلدك و ممكن اجيب لك رابطها لو تحب بس حدد لي وين مقيم انت

5- انا ما بعرف أي حدا بالمانيا واذا بدي اطلع على برلين اكيد لازم استاجر واحجز بمعهد لغة من وقت كون بالرياض كيف الشباب بيساوا هيك بالعادة وشو اسم احسن معهد ببرلين اسعاره مناسبة وتدريسه جيد وهل الشباب هون ممكن يساعدوني بالسكن واخر شي سمعت انو متوسط الاجار ببرلين 220 يورو هاد الحكي سكن طلاب مشترك ولا سكن برايفت ولا شو .
بخصوص المعاهد ببرلين فمالي خبرة اخي ممكن احد يفيدك
بخصوص السكن فسكن الطلاب في المدن المكتظة صعب تلاقيه و ممكن تقدم على سكن الطلاب و تحصل عليه بعد 5 شهور او اكثر حتى .. فيك تستئجر شقة بشكل مؤقت و برلين اسعارها اعلى من كلاوستال اما السكن المشترك الي بـ220 يورو فهاذا بتكون الشقة اصلا بحوالي 500 او 600 يورو و بقسموا الايجار بينهم
يعني بدك تشوف لك شقة او غرفة للايجار لا تعتمد على السكن الجامعي لانو بتأخر بشكل كبير

6-شو مساوئ المعيشة والدراسة ببرلين وشو مساوئ كلاوستال
بصراحة ببرلين مابعرف لكن سمعت انو غالية بالسكن و الخدمات .. اتمنى حدا من الشباب يفيدك لاني مو متأكد من هاي المعلومة
لكن كلاوستال تعتبر تاون صغير في مدينة Goslar يعني الخدمات الي فيها مش كبيرة و واسعة مثل برلين ، كمان فرص العمل ببرلين اكثر من كلاوستال بكثير لانو في شركات كثير

و نصيحة أخي راسل الجامعات مباشرة منشان تعرف مواعيدهم و نظام دراسة الطلبات و المتطلبات عندهم
فيك تراسل جامعة كلاوستال
او جامعة برلين الحرة

فيك تستخدم خدمة Uni Assist للتقديم و هاد الموقع بعرض لك اغلب الجامعات الالمانية باغلب المدن
ولا تنسى تقدم بيانات كفيلك المادي لان كثير حالات بتنرفض لهاد السبب ( يعني تقدم شهادة راتبه + كشف حسابه لـ3 او 6 شهور الماضية )
و كمان نصيحة اخيرة لما بدك تروح ع السفارة الالمانية حاول تخلي كل اوراقك جاهزة بملفك و تراسل مع السفارة باستمرار منشان تعرف طلباتهم بالتفصيل ولا تخجل من السؤال لان بعدين لو عملت اشي غلط و حكيت مابعرف بحكو لك نحن فاتحين التواصل ليش ماحاولت تتواصل معنا ؟
نصيحة اضافية لا تراسل جامعة وحدة حاول تراسل اكتر من وحدة لتضمن القبول لانو مو دايما في مقاعد متوفرة

يعني خليك دقيق بتجهيز ملفك و الله الموفق

بتمنى لك التوفيق

شكرا كتيير اخي والله كفيت ووفيت
بس في عندي سؤال كمان انا متل ما ذكرت لسا عم ادرس لغة B1 وسالت كل الجامعات ببرلين وعن طريق uni asset قال بدهم لغة كامل يعني ما بيعطوا قبول مشروط
عندك قكرة عن طريقة قدم على جامعة ببرلين بتعطي قبول مشروط
انا حاولت بموقع جامعة برلين التقنية TU Brline بس ما فهمت الصراحة
والله انا ضايع بدي اطلع على برلين بس كلاوستال مامنة القبول سهل وفي ناس بتقول انت جيب الفيزا على قبول كلاوستال وطلاع على برلين وبتقدر تساوي معاملة لتنقل الحساب البنكي
انت شو رايك بهل الحكي اخي
شكرا على الرد مرة تانية

ﻻزم توفير شهادة b1 مسبقا منشان تحصل عالقبول
بخصوص كﻻوستال فالميزة انو القبول مفتوح باي وقت وبكون مشروط بس بدك تحجز كورس لغة عندهم

اكيد فيك تنقل باي وقت بدك ياه كمان فيك تخلص تحضيري بكﻻوستال بعدين تنقل لغير جامعة ﻻنو شهادة الشتودين كوليج معتمدة بكل المانيا
الحساب البنكي مو مشكلة فيك تتصرف فيو وانت بالمانيا فﻻ تخاف من هاد الشي
اهم شي بالسفارة ﻻ تجيب سيرة انك ناوي تغير كﻻوستال بعد ماتروح ﻻنو اوراقك بتروح لدائرة الاجانب بكﻻوستال وهما بدهم طالب بمدينتهم و مابحبو تعملهم مجرد طريق لدخول المانيا

أتمنى افدتك اخي

والله افدتني
يعني انا هلا اذا براسل كلاوستال ممكن يصلني القبول قبل 7/15
انا ما عندي سنة تحضيرية انا بكالوريتي سورية وانا موجود بالرياض
بس بعد اذنك سؤال اخير انا معي شهادي الاصلية وصورة مصدقة من سوريا ومن السفارة الألمانية مع ترجمة من السفارة ختموهم مع بعض
اذا بدي راسل اكتر من جامعة شو لازم ابعتلهم صورة عادية من الشهادة والترجمة ولا لازم صدق وحدة جديدة لكل ما بدي قدم على جامعة
يعني ما بقدر عطيهم النسخة الوحيدة يلي معي مصدقة

بخصوص كﻻوستال مابيشملها نظام اغﻻق سيمستر التقديم ﻻنو بتفتح التقديم بكل وقت بالسنة
يعني لو تقدم هلا بيجيك القبول مابين شهر لشهرين
بخصوص الثانوية فهما بدهم نسخة الكترونية مختومة بس لكن بدك تصدق الاصلية من الخارجية و من السفارة الالمانية كمان ﻻن بطلبوا الاصول بالسفارة و كمان بطلبوها لما بدك تروح ع المانيا
بخصوص التحضيري انت سالت انو مافيك تدخلو ﻻن الثانوية سورية؟ بدك تستفسر عن هالشي كمان ﻻ تعتمد ع معلومات النت بالأمور الدقيقة و الافضل دايما تراسل الجامعة بنفسك
وانو عندك مستوى b1 بفترض انو بتقدر تحكي الماني منيح لتراسلهم وتستفسر عن المتطلبات و عن السنة التحضيرية و عن كورس اللغة وكلشي

الله يوفقك أخي

من رايي روح ع كلاوستال ادرس للدي اس ها هونيك .. وبس تخلص قدم على الجامعات .. برلين وغيرها .. اللغة بكلاوستال احسن عن تجربة ..

شكرا اخي
لما قلت نسخة الكترونية يعني صورة ملونة عن نسخة اصلية مصدقة
وانا هي الصورة ممكن ابعتها عن طريق النت ولا لازم ابعتها على بريدهم بالمانيا
لانو سمعت في ناس ادروا يجيبوا القبول عن طريق النت بدون ارسال اوراقهم بالبريد عندك قكرة
معلش كترت اسئلتي سامحني
شكرا اخي انا كمان حسب ما قرات حسيت انو اللغة بكلاوستال احسن واسرع
بس مشكلتي انو انا لقيت خدمة على النت بسعر رمزي 100يورو واحد ياخدني من المطار ويقعدني بمكان مؤقت حتى 10 ايام وخلال هل الفترة بأمن الي بيت بس حصرا ببرلين
بصراحة هاد الشي يلي شجعني على برلين لانه بصراحة انا ما بعرف حدا بالمانيا
في طريقة لاقي حدا يساويلي نفس الشي بكلاوستال وخصوصا انو ما في رحلات عليها مباشر او حتى يامنلي سكن
كم متوسط اجار الغرفة بكلاوستال ببرلين بيبدا من 200 يورو غرفة خاصة ومطبخ مشترك
وشكرا

نسخة الكترونية كافية بترسلها للجامعة بالايميل بعد ماتتاكد شو بحتاجو لتوفير القبول