April 28th, 2014, 04:46 PM
السلام عليكم ورحمة الله وبركاته ,,
ببدأ في الموضوع على طول .. انا قدمت المرة الاولى بتاريخ 26/1 في سفاره الرياض .. وجاني الرد بعد شهر بالرفض وباسباب مبهمه .. غيرت في الاوراق وجبت ورقه من عمل من ابويا .. والقبول الاصلي من كلاوستال .
طبعا ورقة العمل انا ما جبتها المرة الاولى بحكم انه ابويا ما عنده كشف حساب وقلت اخويا اللي بيصرف عليا وجبت ورقه عمله .
المهم قدمت بتاريخ 16/4 الساعه 9 ونص .. دخلت وكانت الموظفه المصريه موجودة .. اعطيتها اوراقي وقالتلي انا افتكرك انت قدمت هنا قبل شهرين .. قالتلي اش غيرت في اوراقك .. واش كان برأيك سبب الرفض للمرة الاولى ؟
قلتلها :1/ كشف حساب البنك .
2/ ورقة عمل الوالد .
3/ جبت القبول الاصلي .. لان المرة الماضيه جبته نسخه
قالتلي طيب وشافت جميع الاوراق وحطتها على جنب .. وقالتلي ليش ما درست لغه .. قلتها بشرحلك كل الشهور من يوم اتخرجت الى الان .
اول ما اتخرجت بحثت عن الجامعات واخترت كلاوستال وقدمت عليها وجاني القبول بعد شهر بعدين انتظرت الين بعد الحج لسببين : كان عندي تجديد اقامه وكانت فتره حج .
وبعد الحج اكتشتفت انه في نظام مواعيد .. فاخذت موعد لشهر 1 يناير وجهزت اوراقي في شهر . وقدمت في 26 ويوم 28 دخلت كورس لغه في دايركت انجلش لمدة شهرين بحيث اني ما وجدت معهد لغه في مدينتي ومدرسه اللغه في جدة ما كان فيها مكان متاح .. خلصت كورس اللغه وجهزت اوراقي وقدمت الحين طبعا في نص كورس اللغه جاني رفض وبدات اعبي الاوراق مرة ثانيه متفاديا الاخطاء ..
قالتلي ليش اخترت رياضيات .. قلتلها كل الناس تختار طب وهندسة وانا حبيت الرياضيات وجبت قبول رياضيات وعندي شغله في بالي محددها اني بدرسها بعد الرياضيات اللي هيا الخبير الاكتواري وشرحتلها الشغله
قالتلي طيب كويس .. حسيت انها اقتنعت تماما .. قالتلي انا دحين بنادي نائبه القنصل وانت حاول تقنعها بالانجليزي عن تخصصك وليش اخترت المانيا .
قالتلي جهز نفسك ورتب كم كلمة .. راحت وجات معاها ورقه واعطتني هيا وقالت نائبه القنصل اعطتني هذي الورقه وتقولك حلها واثبتلها لانه هيا المرة الماضيه اللي رفضتك وحست انه ما في شي جديد في معاملتك
طبعا اخذت الورقه وشفت اسئله سهله واسئله بالانجليزي ما عرفتها لانها كانت مقالية
حليت شوي ورحت عندها قلت ناديلي نائبة القنصل وراحت وجات نائبه القنصل
قلتلها ليش اعطيتني ورقة اختبار وتحكمي عليا بالرفض منها .. انا رايح ادرس ومستحيل تحكمي عليا من ورقه اختبار .. قالتلي نحن اعطيناك رفض عشان تحسن من نفسك من مهاراتك في الرياضيات .. قلتلها لو بدرس طب او هندسة اتخرج من الثانويه واحضر للطب او الهندسه في البيت !!
قالتلي لا تخرج عن سياق الموضوع ولا تحاول تقنعني بطرقك الغريبه !
قلتلها يعني ادرس لغه واقدم ثاني مرة .. قالتلي انا ما قلتلك ادرس لغه .. بس يمكن اللغه تساعدك .
طيب دحين ما فهمتك وش سبب الرفض .. قالتلي سبب الرفض انت ما طورت نفسك في شي ونحن نبا ناس تتطور نفسها ( يعني حتى مو مكتوب في ورقه الرفض اني اطور نفسي ) المهم قلتلها انا صلحت اوراقي وجبت ورقه عمل لابويا .. قالتلي الفلوس مو كل شي ( طبعا الرفض الاول كان 70% ع الفلوس ) وقالتلي انت قاعد تضيع وقتي في ناس كثير يستنوا مساعدتي وراحت .. ما طولتها معاها عشان لا توقف معاملتي بالمرررة
الموظفه المصريه كانت محترمه جدا وقالتلي والله ما اعرف اش اقولك .. لو قدمت دحين بترفضك وبتستلم جوازك بعد شهر .. او تسحب اوراقك وتروح تحسن نفسك في اللغه الالمانيه عشان تجي تفهمها وتقنعها !
قالتلي روح فكر وتعال .. قلتلها خلاص بسحب اوراقي دام النتيجه رفض .. قلتلها ع الاقل اعطيني ورقه الاختبار احاول احلها في البيت ضحكت وقالت ما اقدر اعطيك
انا ما عرفت بموضوع اللغه الا لمن قدمت المرة الاولى وما حصلت معاهد في السعودية ومعهد جوته اللي بالاردن محطيني انتظار وقبلني بعد 4 شهور ورسللي رساله في العشا قاللي بكرا في الصباح تعال قدم اوراقك عشان تدخل الكورس ولا بتروح معاملتك لو ما جيت( طبعا قصدهم اجيهم من مكة لعمان في 12 ساعه )ومعهد الرياض بعيد عني .. وجدة طول الوقت انتظار ( واحد قاللي ليا 6 شهور ودوبي خلصت a2 بس لسه ما اختبرت )
كل القاعه كانت مذهوله بالشي اللي حصل( لان موجوده سماعات ومايك ) .. كانو دكاتره ورايا منتظريني عشان عندهم مقابله .. وكل واحد مذهول
هل الخطا مني .
هل الخطا من موظفه السفاره
------
وصلى الله وسلم على سيدنا محمد
LinkBack URL
About LinkBacks
April 28th, 2014, 04:46 PM
السلام عليكم ورحمة الله وبركاته ,,ببدأ في الموضوع على طول .. انا قدمت المرة الاولى بتاريخ 26/1 في سفاره الرياض .. وجاني الرد بعد شهر بالرفض وباسباب مبهمه .. غيرت في الاوراق وجبت ورقه من عمل من ابويا .. والقبول الاصلي من كلاوستال .
طبعا ورقة العمل انا ما جبتها المرة الاولى بحكم انه ابويا ما عنده كشف حساب وقلت اخويا اللي بيصرف عليا وجبت ورقه عمله .
المهم قدمت بتاريخ 16/4 الساعه 9 ونص .. دخلت وكانت الموظفه المصريه موجودة .. اعطيتها اوراقي وقالتلي انا افتكرك انت قدمت هنا قبل شهرين .. قالتلي اش غيرت في اوراقك .. واش كان برأيك سبب الرفض للمرة الاولى ؟
قلتلها :1/ كشف حساب البنك .
2/ ورقة عمل الوالد .
3/ جبت القبول الاصلي .. لان المرة الماضيه جبته نسخه
قالتلي طيب وشافت جميع الاوراق وحطتها على جنب .. وقالتلي ليش ما درست لغه .. قلتها بشرحلك كل الشهور من يوم اتخرجت الى الان .
اول ما اتخرجت بحثت عن الجامعات واخترت كلاوستال وقدمت عليها وجاني القبول بعد شهر بعدين انتظرت الين بعد الحج لسببين : كان عندي تجديد اقامه وكانت فتره حج .
وبعد الحج اكتشتفت انه في نظام مواعيد .. فاخذت موعد لشهر 1 يناير وجهزت اوراقي في شهر . وقدمت في 26 ويوم 28 دخلت كورس لغه في دايركت انجلش لمدة شهرين بحيث اني ما وجدت معهد لغه في مدينتي ومدرسه اللغه في جدة ما كان فيها مكان متاح .. خلصت كورس اللغه وجهزت اوراقي وقدمت الحين طبعا في نص كورس اللغه جاني رفض وبدات اعبي الاوراق مرة ثانيه متفاديا الاخطاء ..
قالتلي ليش اخترت رياضيات .. قلتلها كل الناس تختار طب وهندسة وانا حبيت الرياضيات وجبت قبول رياضيات وعندي شغله في بالي محددها اني بدرسها بعد الرياضيات اللي هيا الخبير الاكتواري وشرحتلها الشغله
قالتلي طيب كويس .. حسيت انها اقتنعت تماما .. قالتلي انا دحين بنادي نائبه القنصل وانت حاول تقنعها بالانجليزي عن تخصصك وليش اخترت المانيا .
قالتلي جهز نفسك ورتب كم كلمة .. راحت وجات معاها ورقه واعطتني هيا وقالت نائبه القنصل اعطتني هذي الورقه وتقولك حلها واثبتلها لانه هيا المرة الماضيه اللي رفضتك وحست انه ما في شي جديد في معاملتك
طبعا اخذت الورقه وشفت اسئله سهله واسئله بالانجليزي ما عرفتها لانها كانت مقالية
حليت شوي ورحت عندها قلت ناديلي نائبة القنصل وراحت وجات نائبه القنصل
قلتلها ليش اعطيتني ورقة اختبار وتحكمي عليا بالرفض منها .. انا رايح ادرس ومستحيل تحكمي عليا من ورقه اختبار .. قالتلي نحن اعطيناك رفض عشان تحسن من نفسك من مهاراتك في الرياضيات .. قلتلها لو بدرس طب او هندسة اتخرج من الثانويه واحضر للطب او الهندسه في البيت !!
قالتلي لا تخرج عن سياق الموضوع ولا تحاول تقنعني بطرقك الغريبه !
قلتلها يعني ادرس لغه واقدم ثاني مرة .. قالتلي انا ما قلتلك ادرس لغه .. بس يمكن اللغه تساعدك .
طيب دحين ما فهمتك وش سبب الرفض .. قالتلي سبب الرفض انت ما طورت نفسك في شي ونحن نبا ناس تتطور نفسها ( يعني حتى مو مكتوب في ورقه الرفض اني اطور نفسي ) المهم قلتلها انا صلحت اوراقي وجبت ورقه عمل لابويا .. قالتلي الفلوس مو كل شي ( طبعا الرفض الاول كان 70% ع الفلوس ) وقالتلي انت قاعد تضيع وقتي في ناس كثير يستنوا مساعدتي وراحت .. ما طولتها معاها عشان لا توقف معاملتي بالمرررة
الموظفه المصريه كانت محترمه جدا وقالتلي والله ما اعرف اش اقولك .. لو قدمت دحين بترفضك وبتستلم جوازك بعد شهر .. او تسحب اوراقك وتروح تحسن نفسك في اللغه الالمانيه عشان تجي تفهمها وتقنعها !
قالتلي روح فكر وتعال .. قلتلها خلاص بسحب اوراقي دام النتيجه رفض .. قلتلها ع الاقل اعطيني ورقه الاختبار احاول احلها في البيت ضحكت وقالت ما اقدر اعطيك
انا ما عرفت بموضوع اللغه الا لمن قدمت المرة الاولى وما حصلت معاهد في السعودية ومعهد جوته اللي بالاردن محطيني انتظار وقبلني بعد 4 شهور ورسللي رساله في العشا قاللي بكرا في الصباح تعال قدم اوراقك عشان تدخل الكورس ولا بتروح معاملتك لو ما جيت( طبعا قصدهم اجيهم من مكة لعمان في 12 ساعه )ومعهد الرياض بعيد عني .. وجدة طول الوقت انتظار ( واحد قاللي ليا 6 شهور ودوبي خلصت a2 بس لسه ما اختبرت )
كل القاعه كانت مذهوله بالشي اللي حصل( لان موجوده سماعات ومايك ) .. كانو دكاتره ورايا منتظريني عشان عندهم مقابله .. وكل واحد مذهول
هل الخطا مني .
هل الخطا من موظفه السفاره
------
وصلى الله وسلم على سيدنا محمد