كل مايتعلق بالفيزا الالمانية يكتب هناااا (تنويه)

اللي يبي يدرس يطلع فيزا شينغن او هناك فيزا خاصه للدارسين
وجزاك الله خير

هناك فيزا خاصه للدارسين والشنغن فيزا سياحيه

واللي يبي يسافر للدول الاوروبيه الثانيه يسمحله يستخرج الشنغن ولا فيزا الدراسه تكفي

الفيزا الدراسيه تكفي

المقابلة في السفارة الالمانية بالرياض بتكون بالعربي وﻻ انجليزي ؟؟

بالعربي المقابله

السلام وعليكم ورحمة الله وبركاته

انا سعودي توي متخرج من الثانوي ومقدم على معهد غوته وموعدي في السفارة بعد 9 ايام وما اعرف السفارة هل يبون مني شي يعني وش الاوراق المطلوبة اللي المفروض تكون معي انا الحين ما معي الا الجواز والصور واوراق القبول من المعهد بس , سمعت انه لازم اترجم اوراقي وقالوا المترجمين ما تترجم اوراق المعهد وبس والله , هل معاملتي ناقصة ؟؟ , كيف افتح حساب في المانيا لاني سمعت انه لازم افتح حساب واودع فيه مبلغ معين

الرجاء الرد

مايحتاج تترجم، فقط تحتاج حساب في المانيا وقبول جامعي ، في حال اردت تفاصيل اكثر ارسل لي على الخاص السكايب وباذن الله مااقصر معك. وبامكانك ايضا وضع اي استفسار هنا، بالتوفيق

ما تقصر , انا رايح ادرس في معهد قوته ما قدمت على جامعة مع اني ناوي جامعة برلين الحرة , يعني احتاج اني افتح حساب بنكي في المانيا واسمع انه فيه شيء اسمه حساب مجمد والله اني ماني فاهم وش وضعه يعني تقدر تقول ماشي الحين على عماهة , و ياليت اخوي اذا كان عندك اي تفاصيل او معلومات انك تشاركها هنا عشان الفائدة تعم والله يعطيك العافية ,انا لقيت في الموقع هذا موضوع طريقة فتح حساب في المانيا لكن ما مشيت عليه لان الموضوع قديم من 2012 له 3 سنين تقريبا خفت انه تغير شي فالنظام والموقع حق البنك يوم دخلته كلش مكتوب بالالماني , بالنسبة للترجمة ملفي الاخضر اللي فيه شهاداتي او شهادة اتمام الثانوية هذي ما تترجم ؟

اعتذر اذا بثقل عليك والله يكتب لك الاجر

http://www.mbt3th.us/vb/forum64/thre...l#.Vgu_0hOs2ko
هذا موضوع متكامل لفتح حساب في المانيا، والترجمه كما ذكرت سابقا لاتحتاجها لان الشهادات جميعها مترجمه بالانقليزي والقبول الجامعي لاتستطيع التقديم بدونه وقبول المعهد غير كافي.