استفسار بخصوص جامعة كلاوستال

كلاوستال عليها ضغط والقبول في الفترة هادي بطول شوي
بدك شوية صبر
تقبل مروري

شكرا لك أخي لكن معقول تطول أكثر من شهرين ونصف !

في كلاوستال اها عادي

السلام عليكم اخي
انا كمان من سوريا وصرلي سنتين بلا دراسة بسبب اوضاع حلب
وانا كمان سجلت بجامعة كلاوستال بس اجاني القبول وكانت مقابلتي بالسفارة ب26/3/2014 ولهلا ما اجاني اي رد بخصوص طلب الفيزا
بس بعد استفسارات كتيرة عرفت ان في ضغط كتير كبير بالمانيا بشكل عام وكلاوستال بشكل خاص لهيك بيتاخر الرد كتير هالفترة
يعني للاسف مافي اي حل غير الانتظار والصبر
ملاحظة:قبولي بالجامعة كمان تاخر شي 3 شهور

وعليكم السلام اخي
شكرا كتير يعني طمنتني نوعا ما .. بس 5 اشهر ولسا ما ردوا عالفيزا والله كتييييييير
انت قدمت على السفارة بأي بلد ؟

انا قدمت عالسفارة الالمانية بانقرة
بس طبعا هن بالاول طلبو مني استكمال بعض الاوراق .واستكملتها ب 17/4/2014
وحاليا ما بيردو لا تلفون ولا ايميل ولا فاكس وانا مضطر بعد كم يوم سافر لتركيا لاعرف شو وضع طلب الفيزا تبعي
لهيك بنصحك تبتعد عن السفارة بانقرة قدر الامكان

اسمحلي صاحب الموضوع
أخي rowan جميع أو (الأغلب) اللي قدم من تركيا بوجه عام ومن أنقره بشكل خاص يمدح بسفارتهم وسهولة التعامل معهم واحترامهم وقرأت موضوع لشخص هنا بالملتقى طلعت فيزته ب أقل من شهر وكتب تجربته بالسفارة الالمانية بأنقره بامكانك قرائتها
تقبل مروري

كنت رح أكتب نفس هالموضوع, لأني كمان قدمت أوراقي لجامعة كلاوستال من 10 - 6 وحتى الآن لم أتلق أي رد من الجامعة
وراسلتهم على الإيميل وما ردوا, وسمعت أنو غير جامعات عم تعطي قبولات
حتى ظننت أنو الطلب رفض لأني أرسلت الأوراق من سوريا مع أني حاطط عنوان بألمانيا
وعلى كلام الأخوة الشغلة بدها صبر بسبب الضغط هي الفترة

بالفعل مرت علي عدة حالات انو الفيزة تتأخر من انقرة وبعرف صديق ضلت 6 شهور لطلعتله
طب لو سمحت ممكن تذكرلي شو الأوراق كاملة اللي قدمتها وشو اللي كان ناقصك وطلبوه منك ؟
وحضرتك بأي بلد مقيم ؟