مساعدة السفر الى المانيا

اريد ان اعرف ترتيب هذه الخطوات ايهما قبل الاخر كما اريد الاجابه مشكورين عن الاسئله التالية::


السلام عليكم ورحمه الله وبركاته

1/# اود ان اعرف الخطوات قبل ان اذهب للسفارة الألمانية بالسعوديه للتقدم على فيز دراسيه
# ما الخطوات التي يجب ان اوفرها هل يجب ان احصل على ورقه قبول من الجامعه ام يكفي الحصول على ورقه قبول من معهد لغة؟
#وسمعت ان معاهد اللغه التابعة للجامعات الحكومية افضل من الخاصة فهل هي افضل ام معاهد جوته؟
#كيف احصل على قبول من معهد لغة سوءا جوته او تابع لجامعة حكومية او خاص؟
#ما افضل مدينه لتعلم اللغة؟
#كم سعر السكن في برلين ؟
# هل يجب فتح حساب بنكي قبل التقدم للسفارة على فيزا ؟
#هل يوجد مقابلة في السفارة وما طبيعتها هل هي مقابلة او اختبار وهل لو كنت غير مجيد للغة الإنجليزية هل ذلك عادي ؟

#ماالأفضل ان ادرس اللغه في المانيا ام معهد جوته في بلدي؟
#هل السكن مع عائله المانيه يكون اغلى ام ارخص من السكن منفردا او مع بيوت الطلبه؟
# هل بعد سنه اذا درست اللغه وانهيتها ثم ذهبت لامدد التاشيره سيرفض موظف الجوزات لاني خلال سنه لم انهي الا اللغه فقط ولم اختبر الا اختبار واحد او اختبارين ؟
هل يجب فتح حساب بنكي قبل الذهاب لالمانيا ام يجوز بعد الاستقرار هناك؟
#هل تعترف السفاره الالمانيه بالمنح من مؤسسات خاصه صغيرة معترف بها على مستوى الدوله ام يجب ان تكون منح حكوميه؟
# هل يؤمن معهد اللغه لي السكن سواءا كان معهد خاص ام تابع لجامعه حكومية او جوته وهل بنفس السعر ام بزياده؟
# كم اسعار معاهد اللغه الخاصه ومعاهد اللغة التابعه لجامعة ومعاهد جوته؟
#هل بعد السنه التحضيريه استطيع ان اضمن قبول في تخصص طب الاسنان ام كما سمعت تكون الاماكن قليلة ؟
#هل من الصعب ان احصل على 99% في السنه التحضيريه انمت 8 ساعات مثلا وجعلت باقي وقتي للمذاكرة؟
# هل السكن ياتي مفروش ام لا ؟

#كم مده الاجازه الصيفية وفي اي شهر ؟
هل يوجد اجازه بين الترمين وكم مدتها؟
#هل احتاج لدروس تقويه في السنه التحضيريه ام هذا لا يوجد في المانيا؟

#الملابس الشتويه في بلادنا العربيه هل تفي بالغرض وتحمي من البرد هناك ام لابد ان اشتري من هناك؟

لتقديم على السفارة تحتاج قبول المعهد لا تحتاج قبول الجامعة بالنسبة للمعهد طبعا لالفضل تدرسه في المانيا هاذي لغة ألمانية مو انجليزية يعني يبغالك تسمع الناس كثير عشان تقدر تاخذ اللغة بسنة هي اللغة ماعي صعبة بس كونها غير منتشرة مثل اللغة الانجليزية
وشغلة ثانية بالنسبة للمعهد اذا فيه معاهد تابعة للجامعة ادخلها ممكن تفيدك واذا مافي المعاهد التجارية كمان ممتازة بس ابتعد عن معهد اللنجوا لانه مو قد كذا
انا كنت عايشة في ميونخ ودرست اللغة هناك الحياة نوعا ما غالية بس المكافأة تكفي ان شاءالله الافضل تسكن في سكن طلاب او عند عائلة مع انه مو كثير عوائل منتشرة بس انت ابحث في طلاب حصلوا عوائل وسكنوا

هل معاهد التابعة للجامعات الحكومية بفلوس

اشكرك على الاجابة علي والله اني دايخ لي اسبوع ارجوا ان تظلي معي تردي على اسئلتي معليش بتعبك بس والله ادعيلك انا واسرتي من مكة والله

ان شاءالله بساعدك على اللي اعرفه

المعاهد الحكومية قصدك تبع الجامعة اكيد بفلوس وحتى التجارية بعد
انت طالع على حسابك ؟؟!
بالنهاية دخلت معهد تابع لجامعة او تجاري انت مطلوب منك DSH حتى تدخل الجامعة اذا كنت ماستر لكن اذا كنت بكالوريوس بعد ماتخلص اللغة طبعا في اختبار قبل ماتدخل السنة التحضيرية تدخل السنة التحضيرية وتاخذ مواد فيزياء كمياء احياء ورياضيات وتختبر وبعد ماتخلص يطلعوا معدك ودور لك قبول جامعة بتخصصك اللي حابب تدخله

انا على حسابي وبدرس بكالريوسلب ايان ان شاء الله
يعني ما في اختبار بعد ما اخلص معهد اللغة أفصد اختبار ملزم؟
ابغا اسعار معاهد اللغه الخاصه ومعاهد اللغة التابعه لجامعة حكومية او جوته؟ إذا عرفتي وهل جوته احسن من معاهد اللغه التابعة للجامعات الحكومية

وايش مدينة تنصحيني فيها ( على اساس قوة اللغة ورخص السكن ويعني مدينة مناسبة)

ومتاكده يكفي قبول من معهد لغة بس للفيزا مو لازم قبول من جامعة ؟
ولو لازم اي جامعة تنصحيني فيها؟

ايش تنصحيني باشياء وانا اطلع الفيزا؟

هل السنة التحضيرية صعبة. يعني انا معدلي هنا بالسعوديه الحمد لله دائما 99.5 هل تكفي المجهود الب
ي كنت ابذله بالثانوي ام لا تحتاج مجهود خارف

لا فيه اختبار هو اختبار لغة بس يختلف عن الDSH لانه هذا الاختبار خاص للي حايدخلوا على السنة التحضيرية
وعلى فكرة معاهد الجامعة او غير الجامعة راح تاخذ نسبة كبيرة على مجموع اختبارك في السنة التحضيرية ونسبة ضئيلة على الثانوية العامة
يعني اختبار السنة التحضيرية جدا مهم يعني لازم يكون مجموع اختبارك والثانوية العامة 1,2 عشان تقدر تنقبل في الجامعة واذا كنت حابب تدرس طب بعض الجامعات تخصص ٢٠ مقعد للاجانب وبعض الجامعات اقل او اكثر
وطبعا هالنظام يختلف من مدينة لأخرى لانه مو كل مدينة لها نفس القوانين
هانوفر حلوة ورخيصة مو مثل المدن الكبيرة مثل ببرلين او ميونخ وفيها طلاب يدرسوا طب
وكمان في طلاب درسوا في برلين وفرانكفورت
انت ع العموم ابحث واكيد راح تحصل معلومات اكثر لانه انا ماستر مو بكالوريوس
بالنسبة للسفارة انا كنت قبل ٤ سنين مطلعة الفيزا وكانوا طالبين مني قبول المعهد بس انت اذا كلمتهم اكيد راح تاخذ منهم الجواب الاكيد الافضل انك تكلمهم بنفسك وفيه أشخاص عرب يردوا

السلام عليكم اخواني ، لا اعرف من وين ابتدي لكن اتمنى احد يشوف لي حل حق المشكله الي انا فيها ،واسأل الله العظيم رب العرش العظيم ان يجعلها في ميزان حسنات من يقف معي ، انا درست في جامعة غير معترف فيها وللاسف درست على حسابي واكتشفت ذلك لما رحت اعادل شهادتي ورفضوها بحجه ان الجامعه غير معترف فيها ، سؤالي يااخواني لو لقيت جامعة معترف فيها داخل المملكه او خارجها تعادل شهادتي واعيد عندهم مثلا كورسين او ثلاث هل اذا رجعت يعادلون شهادتي ؟ ، اقصد هل راح يعرفون ان انا عملت معادلة لشهادتي القديمه وانهم عادلوا لي مواد كثيره ؟ وهل اذا سافرت في الخارج لدراسة اللغه وطلبت الانضمام للبعثه وعملت معادلة لشهادتي القديمه اقصد هنا اعيد مثلا كم كورس هل الملحق يسأل عن شهادتي القديمه طبعا اذا لقيت جامعة معترف بها تعادل لي تكفون يااخواني جاوبوني والله ضيعت ٥ سنين من عمري وابغى الحل


( تمت المشاركة باستخدام تطبيق مبتعث )

النسبة للازمة لدراسة طب الاسنان حسب معدلات القبول للعام الحالي
هي 1,4 ومافوق

والله مشكلتك معقدة لكن لكل مشكلة حل باذن الله الافضل انك تعرف من نفس الجامعة اللي راح تعاد لك المواد ايش راح تكتب مثلا هل راح تذكر اسم جامعتك القديمة ولا كيف الوضع
بهالخصوص اسال الجامعة وعلى اساسها قرر
والله يسهل عليك امرك