مساعدة ضرورى ... مهندس مصرى

???????????????????????

ريح نفسك وادرس ماستر سنتين

الاول والمهم انت منين من المنصورة بالظبط ؟؟؟ علشان دى هتفرق معاك فى مقابلة السفارة .. لو من عند مجمع المحاكم يبقى اعتبر انك خدت الفيزا خلاص هههههه

بهزر طبعا وربنا يوفقك ويكرمك ان شاء الله .. انا اقتراح انك تراس احد الجامعات المحترمة كبرلين الحرة او ميونخ او هانوفر او الى يعجبك وتشوف نظام معادلة المواد هيبقى عامل ازاى وهتدرس قد اية
وتقارن دة بالماستر وع اساس المقارنة تقرر هتعمل اية ..

مجرد رأى شخصى: زى ما قال الاستاذ "مفتاح العلم" حضر ماجستير افضلك هتاخد درجة علمية افضل هتنفعك فى المانيا وبرة المانيا وربنا يوفقك ..

طيب ممكن تدينى معلومات عن دراسة الماستر هناك .. يعنى هحتاج اعادل مواد الاول ؟؟ هل المصاريف هتكون زيادة وهقدر اجيبها هناك ولا ايه ؟؟

- - - مشاركة محدثة - - -

ممكن معلومات اكتر عن الماستر هناك يا ريس لو معاك لينك شكرا

متطلبات الماستر بتختلف من جامعة لتانية ومن برنامج لاخر .. علشان كدة انت هتحتاج تحدد مثلا من خمس لعشر جامعات انت شايف انهم مناسبين ليك
" مناسبين من ناحية المستوى العلمى والاكاديمى وترتيبهم العالمى فى البرنامج الى ناوى تدرس فية ومدى ملائمة المدن الى الجامعات دى فيها ليك ومستوى المعيشة فى المدن دى "

وبعد كدة هتدخل ع كل جامعة من العشر جامعات دول وتشوف اية برامج الماستر الى بتقدمهم وتشوف اية البرنامج المناسب ليك او الى انت عايز تدرسة .. وتشوف متطلبات البرنامج دة اية وهل هى متوفرة عندك ولا فى حاجات
لسة هتحتاجها علشان تعرف تلتحق بالبرنامج دة ولا لا ..

الكلام يبان كتير لكن التنفيذ بتاعة سهل جدا ونصيحة فى جامعات تقدر تبص عليها وتشوف اية البرامج المتاحة فيها ومناسبة ليك ولا لا زى " برلين الحرة وميونخ وهانوفر وهايدلبرج وكلاوستال لو انت هندسة مع ان انا لا احبذ
كلاوستال كمدينة لكنها جامعة كويسة " وغيرهم

مثلا " ع سبيل الفرض دة لينك لبرامج الماستر فى جامعة أخن كنت ببص فيهم ع حاجة "
Current Courses of Study - RWTH AACHEN UNIVERSITY - English

واكتب فى جوجل اسم اى جامعة من الى فوق دول وادخل ع موقعها وشوف اية البرامج الى بتقدمها زى المثال الى فى "أخن" كدة .. ربنا يوفقك