احتاج مساعدة في الكفالة المالية

July 3rd, 2015, 11:23 PM

السلام عليكم ورحمة الله وبركاته
اخواني اناشدكم في موضوع الكفالة المالية اللي مو راضي يخلص معاي
طبعا كما هو معروف انه لازم تفتح حساب مغلق في بنك الماني عشان تثبت انك قادر على انك تصرف على نفسك بالنسبة للسنة الاولى
طبعا يا اخوان انا قدمت اوراقي حقت البنك وكل شي *هذه اول مرة *
بعد تقريبا ٣ أسابيع من الانتظار جاتني رسالة عالايميل انه تم فتح حساب باسمك في بنك دويتشة واعطوني المعلومات ورقم الحساب
ألين هنا تمام ! لكن كان في خطأ في كتابة اسمي
وكنت خلاص جهزت الفلوس على وشك اني أحولها في الحساب
ف قلت خليني أكلمهم يعدلو الاسم عشان بعدين ما يصير قروشة في عدم تطابق الاسم مع الجواز في السفارة
اورسلتلهم الطلب بتعديل الاسم من خلال موقعهم .. بعد كم يوم ردوا علي انه ما نقدر نحقق لك طلبك وبالتالي فإننا نسحب الاتفاقية على فتح حسابك بالتاريخ الفلاني ! بعد يومين من الصدمة والمحاولة معهم بشتى الطرق انه يرجعوا الحساب ! استسلمت وقلت ما لها الا انك تقدم ثاني
طبعت الاوراق عبيتها رحت لجدة عشان اصدقها من القنصلية وأرسلتها مرة ثانية
اليوم كانت الفاجعة ردوا علي مرة ثانية بعد تقريبا شهر من إرسال الاوراق ! بنفس الصيغة "وفقا لسياستنا الخاصة نعتذر عن عدم تحقيق طلبك بفتح حساب مغلق حاليا " !!
يا اخوان ليا قريب شهرين وانا أتواصل معاهم كل ذَا عشان فتح حساب بالبنك !
وكنت حاجز موعد بالسفارة أجلته تقريبا ٤ مرات بسبب البنك والحساب !
ارجوا منكم اذا في احد يقدر يساعدني في الحصول على كفالة من شخص مقيم في ألمانيا حسب شروط السفارة حتى لو بفائدة مالية انه يتواصل معي
انا مقتدر ماليا والحمدلله على الصرف على نفسي
لكن فقط احتاج كفالة منه عشان موضوع السفارة
حتى لو يريد يلغيها بعد ما ادخل ألمانيا ان شاء الله ما عندي مشكلة بس احتاجها عشان أمشي اوراقي في المقابلة
وانا افتح حساب بنكي هناك بعدين لما أوصل بنفسي
أرجو منكم المساعدة يا اخوان علما انه موعدي قريب وأوراقي جاهزة ما عدا اوراق الكفالة
فساعدوني يساعدكم الله
وجزاكم الله خير

• نشر عبر تويتر
• نشر عبر فيسبوك
• نشر عبر جوجل