تقرير رفض الفيزا الدراسية الالمانية في سفارة الرياض بعد ثلاث شهور واسبوع من التقديم

السلام عليكم

انا حصل معي نفس حكاية الرفض

قدمت على ماجستير و الدراسة بالإنجليزي و جبت لهم كل شي مطلوب. وفي خلال يومين تلفون اتفضل استلم جوازك وطلع رفض. في أسباب الرفض كاتبين انو انا مقدم طلب دراسة لغة وانو ناوي اقعد فترة أطول و عدم جدية (الله اعلم الجدية عندهم إِيش شكلها.ماعرف!).
كتبت ورقة الاعتراض و عطيتهم .طبعا وضحت فيها انو انا مش مقدم على لغة و شرحت لهم كل شي.
بعد أسبوعين رفض على الاعتراض و طلعو بأسباب ثانية و كمان كاتبين انو ما اطلعنا بشكل كامل على أوراقك و لو عملنا كذا بنجيب لك أسباب ثانية. يعني كانهم يقولو انو حتى لو قدمت مرة ثانية بنلاقي سبب لرفضك.
عندي قبول لجامعة ثانية وناوي اقدم مرة ثانية لعل و عسى تظبط الأمور. بس السؤال لو غيرت الجامعة عن الجامعة اللي قدمت فيها في البداية، فيها مشكلة ولا لازم احدد الجامعة الاولى بس؟

وعليكم السلا م

بصراحة شي يرفع الضغط الله يعينك شكلنا بنشتكي عند حقوق الانسان

اخوي ايش جنسيتك

انا من اليمن. واتوقع الجنسية لها دور كبير في قرار الفيزا. الان حرب قائمة وهم يفكرو انو رح تستغل الفرصة و تطلب لجوء هناك.
لكن ليش ما يبلغو الناس اللي من جنسية معينة ما يقدمو و يرتاحو و يريحو الناس مثل ماصار في الإمارات قبل فترة كتبوها بالحرف.

الله يعينك وييسر امرك. ممكن بسبب كثرة اللاجئين واختناق المدن هناك، ويتوقعوا انك راح تطلب اللجوء اذا وصلت الاراضي الألمانية !!

احد عنده تجربه للتقديم من السفارة في مسقط يفيدني لاني ابغا اقدم منها وابغا اعرف اذا كان افضل او الاردن افضل