رحلتي الى لندن

انا كنت مثلك اختي مااعرف عن هذي الموضوع شي لاكن افادونا اصدقاء لنا في بريطانيا وقالو ضروري تجيب ضمان مالي عشان مكتب العقار يرضى ياجرك طبعا مثل ماكتبت في موضوعي انا كنت ابحث عن شقه في منطقه وايت سيتي وبعد بحث طويل لقيت شقه عن طريق مكتب بلاك كيتيز واتفقنا معاهم ويوم وصلنا لندن رحنا نشوف الشقه كانت سيئه ولاكن هي كانت الخيار الوحيد رضينا فيها ورحنا للمكت نوقع العقد قالو لازم تجيبون ضمان مالي من الملحقيه طبعا شرحت وضع زوجي هو مرافق لاخته .., الملحقيه طلعت ضمان للاثنين بـ 1700 باوند واجار الشقه 1300 وماوافقو مكتب العقار حسبي الله عليهم قالو لازم يكون دخلكم اكثر من 24 الف باوند للسنه ؟؟
طبعا في تفسير اخر المكتب ماعمره تعامل مع الملحقيه السعوديه عشان كذا ماتساهل معانا
انشاءالله تتسهل اموركم

انا في لندن وحاضره لاي سؤال
دعواتكم

ههه
بصراحة قرأت أشياء جديدة علي
قمت أحس إن الإنجليز ...مادري مافي كلمة توصف الي في بالي
شكرا نور

اختي عندي استفسار وجوابيني قد ما تقدري

انا ان شاء الله ناوي ادرس بجامعة داربي او اي جامعه ما تكون في لندن طبعا السبب لان لندن غاليه في كل شئ

المهم حنا نبي ندرس على حسابنا الخاص لمدة 4 شهور ثم نقدم على المحلقيه

كيف اسكن وانا ما معي ضمان ..؟؟ يعني لسه ما قدمت على المحلقيه.؟

ممكن تسال المعهد عن سكن عند عائله لان كل معهد يوفر هذي الخدمه طبعا انت قريت مضوعي وعرفت وش اللي صار علينا بالموووت لقينا شقه وفي فتره البحث عن شقه كلمنا معهد اللغه وقالو لنا يوجد عوائل قريبه من المعهد وابعد شوي القريبه سعرها 180 باوند الاسبوع والابعد شوي 124 باوند صراحه اسعار معقوله ومناسبه لاكن زوجي كان يبغى سكن مستقل ... طبعا السكن عند عائله مايحتاج ضمان مالي المعهد يضمنكم للعائله.
اتمنى اني افدتك
بالتوفيق

الحمدلله على السلامه

اختي حبيت اسالك

كيف المعيشه في لندن وايش الاشياء الغاليه فيها الانو اسمع من ناس واجد يقولون انها مره نار
ياليت تشرحين لي من ناحيه . الترفيه . والاكل . والايجارات

وشكرا

 المشاركة الأصلية كتبت بواسطة نآدر وجودي

الحمدلله على السلامه

الله يسلمك اخوي
بالنسبه للغلا لندن اغلى مدن بريطانيا من ناحيه السكن والترفيه والاكل لاكن انا حاليا تاقلمت فيها وعرفت من وين اشتري الاكل وعرفت المحلات الرخيصه اما بالنسبه للترفيه لندن مره وناسه انا مره انبسط فيها يعني يوم روح متحف الشمع مره روح london eye ومره روح شارع اجورد (شارع العرب ) هو تقاطع مع شارع اكسفورد مره فرجه وبسطه فيه محلات عربيه كثيير ومطاعم عربيه وقهوه ومعسل يعني كانك في السعوديه , انا اغلب مشاويري في شارع شوبرد بوش مره ممتاز هذا الشارع فيه سوبر ماركتات عربيه وحلال اشهرها بوابة دمشق مره مره مره ممتاز فيه كل شي , وفي بعد في هذا الشارع محلات ابو ريالين هههههه بس اسمها كل شي بـ باوند تلاقي عندهم كل شي يخطر ببالك

.يعني الاكل والشرب لازم الواحد يعرف من وين يشتريه وراح يلاقي الاسعار مناسبه جداااا .
في النهايه اقولك لندن رائعه في كل شي ماعدا السكن يصعب على الواحد يلاقي باقل من 1000 باوند شقه صغيره ونظيفه في ناس الله يعطيهم العافيه بحثو لنا ولقيو شقق بـ 600 باوند لاكن قريبه من المطار يعني بعييييييده عن وسط لندن وبعيده عن معهد اللغه.
ماودي اطول عليك لاكن اذا في اي استفسار عن اي شي انا حاضره
واتمنى اني افدتك
بالتوفيق