أماكن التسوق في بريطانيا العظيمه

و كمان عن سوق بربوش...........


بس فيه كما كنز رود وده قريب من النايتس بريدج وهو شارع طويل في محلات على الجانبين حلوة وبعضها مختلف عن اللي في اكسفورد .

وكمان عندك في حديقة كبيرة اسمها باترسيا حلوة ومنوعة والمميز فيها انهم يأجروا دراجات بكل أنواعها يعني من الدراجات أبو 3 عجلات اللي للأطفال الصغار لغاية دراجة يسوقوها 5 أشخاص سوا وفيها ركن لألعاب الأطفال يعني مرة فن صراحة.

والهايد بارك متعة بحد ذاتها وقريبة من وسط لندن ومتنوعة يوم تروحوا جنب البحيرة ويوم جهة ألعاب الأطفال والمراجيح والثالت تجلسوا في المساحات الخضرة

تمتعي بالخضرة وفيه مول كبير بره لندن يبعد حوالي ساعة إلا شوية وطبعا ما تروحون مع تاكسي لانه عداده حيعدي يمكن يوصل أكتر من 60 أو 70 باوند الأفضل تتفقوا مع ميني كاب أو تاجروا سيارة مع سواق بالساعة . اي نسيت اسم المول ( بلو ووتر ).

وطبعا فيه الريجنت بارك وفيها تجديف وقوارب للأطفال ببدلات العجل وجنبها لندن زو حديقة الحيوانات.

وفيه لندن اكواريوم عند لندن أي وفي منطقة ليستر اسكوير ودي اللي فيها السينمات والهيبز ورسامين الكاركتير والفنانين المتجولي وكمان فيها ملاهي أو بالأصح معظمها ألعاب الكترونيات وألعاب بسيطة للأطفال من 3 أو 4 أدوار . بس المنطقة دي زحمة شوية وفي الليل بتلم علشان كده روحيها قبل المغرب ( المغرب هناك

الساعة 9 تقريبا ) ولا تكوني كاشخين كتير يعني لا تكونون ملفتين.
كمان اذا صدف يوم الأحد وما كنتوا مخططين لشيء روحوا الكوفيت جاردن هادي مو حديقة لكن زي الحارة أو منطقة صغيرة فيها أكشاك مرصوصة جنب بعض تبيع

أشياء منوعة ألعاب ملا بس تحف كل شيء وفيها شوية بوتيكات بس الحلو فيها يوم الأحد لما تتعمل فيها عروض في وسط الشارع مهرجين عازفين أكروبات مرة ممتعة بس هي تقفل بدري أعتقد 6 وماهي كبيرة كتير يعني لا تضيعوا يوم كامل عليها .
وبعدين عندي اضافة صغيرة اليوم اللي تتسوقوا في اكسفورد وجالكم وقت الغذاء في مكان في مطاعم مرة حلوة ومنوعة يعني اللي تبغي تلاقيه ايطالي تركي مغربي فرنسي لبناني كله قريب من بعضه صراحة ما أعرف اسمها لكن


كيف توصلوها ؟؟ لما تكونوا ماشين يكون سلفردجس عل يساركم تمشون لين محل جاب يجي على يساركم تدخوا بعده حيكون على يمينكم محل بودي شوب وبس تمشون شوية وابدي نقوا من ذيك المطاعم وبالهنا والشفا...........

. توجد هناك محلات تبيع اهم الماركات العالمية بأسعار مخفضة جدا بالمقارنة بالمراكز التجارية في وسط العاصمة
* The Galleria في منطقة Hatfield في مقاطعة هيرتفوردشير.
* Village Square في منطقة Brighton المطلة على البحر.
* Ramsgate Boulevard، في منطقة رامسغيت في مقاطعة «كينت».
تذكر: ـ احتفظ بالايصالات حتى تتمكن من تبديل البضاعة او تغييرها اذا رأيت حاجة في ذلك.
ـ اسأل دائما المسؤولين عن البيع في المحلات عن الوثيقة الخاصة باسترجاع الضريبة (لغير المقيمين في بريطانيا).
ـ اسأل مسبقا عن موقع مكان مكتب استرجاع الضريبة في المطار VAT Claim، حتى لا تضيع وقتك وتتأخر عن موعد الطائرة.
ـ تأكد في المحل التجاري من قيمة المبلغ الاجمالي للسلع التي تخولك من استرجاع الضريبة. ـ انتبه.. في بعض الاحيان يطلب منك في المطار ابراز السلع التي قمت بشرائها، والتي تطالب باسترجاع الضريبة عنها.