محتاجه رايكم جميعا ..

الحل وانا اخوك تشوفين موقع الملحقيه لأن فيه التخصصات و وش يناسبها


بس هاليومين ما انصحك تدخلينه لأنه فيه فايروس



موفقه اختي

جزاك الله الف خير على هالبادره الطيبة ..

الله يوفقك وينولك مرادك ..

الله يعين بصبر عليهم كم يوم ولازم ازورهم بعدها ..

سؤال بعيد كل البعد ..

القبول يطول على مايجيني الرد ؟؟ لاني كلمت مكتب يرسل لي القبول .. وبصراحه ابيه بأقرب وقت لو انا راسلتهم اسرع او المكتب؟؟

لا هنت اخوي والسموحه تعبتك وياي ..

والله القبول وانا اخوك المتعارف عليه ياخذ تقريباً 6 اسابيع وسمعت هالكلام وقريته من أكثر من شخص جربوا التقديم وجاهم الرد بهالمده تقريباً


وبصراحه ومن الاخر لا تعتمدين على المكتب لأنهم غالين وبعضهم داجلين الله لا يببلانا


لا افا عليك ما فيه أي تعب حنا هنا لخدمة الجميع


لكي تحيتي
عبدالمحسن

حبيت اذكر نقطة يمكن اخوي عبدالمحسن قالها بس ماوضحها لك بالشكل المطلوب ولا يهونون الجميع ..
انتي الأن انتهيتي من دراستك واعتقد والله اعلم ان البكالريوس حقك ما اخترتيه ولكن اجبرتي عليه سواء كان معدلك الثنوي منخفض او ازدحام الكليه او لأي سبب اخر ,, وهذا الشي اللي صار معاي في البكالريوس ولكن صحيح ان تخصصي قوي بنظري وهو احياء دقيقه وغير انه قوي وصعب وانا كنت اكره الاحياء ولكن سبحان الله ربي اختاره ودرسته وخلصت ولله الحمد ..
الأن انا في مرحله جديده وهي اللي انتي ستبدأين فيها ان شاء الله وهي مرحلة الماجستير .. دامك راح تجي بريطانيا مافي احد بالدنيا يقدر يقولك لازم تدرسين امتداد لتخصصك .. انا كان حلمي ادرس ادارة اعمال خارج المملكة هذا الكلام قبل 8 سنين ماكان فيه لا ابتعاث ولا ندري عنه ,, ولكن ولله الحمد تحققت الامنيه في مرحلة اكبر وهي الماجستير حيث ان قبولي في تخصص ماجستير في ادارة الأعمال الدوليه ومن وجهة نظري ونظر مدراء اكبر الشركات في السعوديه انه من اصعب التخصصات وافضلها في هذا الجانب ..
عذراً على الاطالة اختي ولكن حبيت اعطيك تجربتي لتحلمي كيفما اردتي وبإذن الله سيصبح حلمك حقيقه .. وبالتوفيق للجميع ..

التحقت لا لا موب مصدق ..

اشكرك على هالبادره الرائعه وسرد قصتك لترفع من معنوياتي ..

اتمنى انك تقول لنا ماهي العقبات اللتي واجهتها عند البدايه في قسم آخر لايمت بصله لقسم البكالوريوس..

لان كل ماكان الشي واضح من البدايه وكانت عندك خلفيه مسبقة عنه .. راح يسهل عليك التأقلم معه ..

الظاهر مالي غير التسويق .. انا الى الان ماشيكت على موقع الوزاره ولكن اغلب اللي معهم تخصصي سمحوا لهم بالتسويق ..

لا هنت على تواجدك وعلى ردك الوافي ..

أختي فجر
كندا جملية وجميع جامعاتها حكومية
ولايخفى عليك قوة الجامعات والتعليم في كندا

لكن يعيبها الجو كما ذكرت
وصعوبة الحصول على قبول للماستر
أغلب الطلبة المبتعثين يواجهون الآن خطر انتهاء مدة البعثة لعدم الحصول على قبول للماستر
أما البكالوريوس فهو متيسر
ما خاب من استخار ولا ندم من استشار
تمنياتي لك بالتوفيق

اختي انا ماادري صراحه عن وضعك مبتعثه او على حسابك الخاص

بس بقول لك ايش اللي صار معايا

انا قدمت طلب الحاق من ملحقية بريطانيه ورفعو ملفي للوزاره يعني كنت ماشي في السلبم

جات الوزاره قالت تخصص الماجستير ماهو امتتداد للبكالوريوس مع انه الفرق بينهم ماهو كبير جدآآآآ

فا الوزاره رفضت الالحاق بحجة عدم تجانس التخصص
هذا وضعي انا

ماادري هل لاني على حسابي الخاص والا حتى المبتعثين

THE_NOBLE

شاكره لك تعقيبك وتواجدك ..

كلامك مايعلى عليه بالنسبه لكندا ..

والخيره فيما اختاره الله ..

لا هنت ودمت بخير ..