ماهي المشاكل التي واجهتك في العيش في بريطانيا؟

الله يعافيك.......

طيب والاكل مافي مشاكل ....

نلاحظ أن جميع المشاكل ماديه

عدا مشكلتين ذكرتها الأخت متفائله وهي قياده السياره والأكسنت حقهم

أنا أكثر شيء واجهني

نقل الشنط من بيت لبيت >>>>>>>>متعقد من الشنط

مرحبا اخواني

سادون بعض المشاكل التي واجتها وهي قد تكون عامه تقريبا .... الا كنت ارى غير مايرى الناس ...

- في البدايه كما قال الاخوه السكن ... لا تعتمد على الحجز فقط اشترط لان الغرف جدا صغيره جدا وقلما تجد النظافة التي تطمح اليها ...

- اجعل لنفسك ميزانيه محدده .. في البدايه لن تعتاد على ذلك لاننا بالسعوديه لسنا منظمين بالمصروف وهذا اتعبني كثيرا ... وبالذات نظام ( السبرت ) هذا ماني متعود عليه استحي لما انا وصاحبي وكل واحد يحاسب لوحده ما اتعودت على كذا ....
>>>>>>>>>>> متعودين نتهاوش على الحساب وهذا طبعا طفر فيني وبالذات انا كنت على حسابي ..

- حركة سير الباصات التي امضيت 3 شهور هناك لم احفظ اتجاهاتها كلها وبالذات وانا في مدينه صغيره (كامبردج) .
>>>>>>>>>> ضيع لين قال امين .

- الناس البريطانيين مره سيئين معنا وبالذات بالويك اند
>>>>>>>>>>>لاتقولون انت تطلع اخر الليل ولله الحمد مادخلت ولا ملهى ليلي يعني حدي جلسه بالقهوه العربيه الى الساعه 10 باللليل ..
لاننا نتعرض لمواقف منهم كل الشعب سكران والبنات قلة حيا ... احلى شي ايام الدراسه ماي احد بالشوارع ...
اتذكر مره واحد جانا وحنا جالسين ننتظر الباص وقال لنا ليش جالين هنا (حنا جالسين بزاويه ) قلنا ننتظر الباص قال الباص هناك مو هنا ثاني مره تدفعون لي فلوس وما ادري ايش .... مشينا قبل يكمل درئا للمشاكل .... ومره واحد منهم امشي ويجي يضرب كتفه بكتفي بقوه وهم مجموعه شباب ويضحكون .... اضطريت امشي وكانوا ماصار شي لاني لحالي ....
يعني في مشاكل معهم شوي ... بس بالمقابل فيهم ناس محترمين ...(اللي بالمحلات محترمين مره ) .

- مشاكل العوايل لن اعرج عليها لانها تختلف من عايله الى عايله ... وانت وحظك .


هذا تقريبا بعض ما واجهت هناك .....
طبعا انا عشت هناك 3 شهور على حسابي ورجعت والحين جاني انضمام وما راح ارجع ...خلااااااااااص .

طيب وكيف اذا حبيت تتمشى في الليل في الشارع او المول او السينما .. مافي مشاكل

لا بس يبغالك تعرف إنجلش علشان كل ما تبغى تشتري حاجه...تقرأ محتوياتها من الألف للياء........

علشان تنتبه موا تأكل هام

لا مافي مشاكل بس يجي سكران يخبطك على رأسك بزجاجة الخمره إلي معاه

اما لفيربول في يوم السبت في الليل وبعد ما ينزل السكارى من النايتات حكاية مافي الا اللي مسدوح ونايم جمب زبالة الله يكرمكم واللي تلاقيه في مطعم ونايم وفي يده برقر واللي يطالع في الثاني ويقله وش فيك تطل وتبدا مضاربة.

وكله كوم والاكسنت الغريب لفئة السكاوس( الليفيربوليين الاصليين ) عاد كلامهم ما ينفهم ابدا ابدا ويطفش . انا اول مره في حياتي اسمع صوت ( خ ) في اللغة الانجليزية . تخيلوا يقلك تشيخن برقر= تشيكن برقر. لا مره غلط كذا الله لا يبلانى.


بس فيه ناس طيبين زي ما قال اخونا اللي في كامبريدج يعني اللي في المحلات والطلاب الاجانب الاوربين والاسيون وغيرهم.

برضو مشكلة الشوارع اللي عكس الخلق في اليمين وانا اقطع الطريق احس اني في السعودية وانواع الاغلاط اسويها.


السكن فيه كثير يشتكو منه. بس الحمد لله انا مشارك ولد خالي والنص بالنص بس هو بيتزوج ويجيب زوجته يعني بتبدا معاناتي.

انا انسان مريض بالتسوق والازياء وعندهم هنا اشياء تدوخ فانصح اللي زي بتجنب المولات والسنتر بقدر الامكان والا المكافاة بتنصرف في يومين.

طبعا مشكلة مهمه جدا وانتم بكرامه هي مشكلة دورة المياة لان ماهي مزودة بشطاف ( الله لا يبلانى ) .


تحياتي لكم.

مبروك على الإنضمام للبعثه....وبالتوفيق......