لاصار حظ(ن) أقشر والأيام قشرى محد(ن) يلومك اليا ضقت

June 8th, 2009, 02:34 AM

السلام عليكم اخواني واخواتي المبتعثين والمبعثات واللي ودهم يبتعثون
من مثل حالتي معيده تقولي كم خذت وابتعثوها مثلا انا رفعت للجامعه الابتعاث
وطالبين مني قبول اللغه وقبول الجامعه
قبول اللغه وصل
والجامعه توه
يبيله من 4 الى ست اسابيع
القصه اني اخاف تجي العطله ولا يرفعون القبول لادارة الجامعه
اقترحت علي وحده الله يمسيها بالخير اني ارسل قبول المعهد علشان تمشي الاوراق
المهم كلمت العميده وقالت اوكيه اذا جاك قبول الجامعه ارفعيه للاداره لان حنا بنكون بعطله
وتقريبا من شهر الى اثنين ويصدرون قرار ابتعاثك
المشكله وتبون الصدق احس اني خايفه من الغربه
مدري وش الوضع
يعني السالفه تقريبا على شوال اذا ربي يسرها وجايه ان شاء الله
كيف الدراسه بالمعهد
هل فيه مضايقات
عندي بنت 4 سنين اخاف عليها
وولدي سنه اخاف عليه
وزوجي بعد اغار عليه
تكفون قولوا لي وش السالفه كيف الدراسه بالمعهد انا مقدمه على مانشيستر معهد
كيف الوضع للمحجبه والمشي بالشارع لحالي
هل صحيح فيه مضايقات للمحجبات
هل المدرسين كويسين مع العرب
بليز طمنوني لاني بوضع نفسي سيء وافكر باستمرار
ثانيا انا معيده ومقدمه نقل من جامعه لجامعه بالسعوديه بليز ادعوا لي ربي ييسرها ترى دعاء المسلم لاخيه بظهر الغيب مستجاب باذن الله وهذا من الاسباب اللي مخليتني بوضع نفسي سيء
تكفون لا تنسون اختكم
Master Computer

• نشر عبر تويتر
• نشر عبر فيسبوك
• نشر عبر جوجل