الإنترنت.. أبي اتصال سريع مايقطع

فعلا أنا كنت مثلك بالظبط << والله جابولي الضغط من الموبايل برود باند
أتصلي عليهم أكيد بتحصلي رقمهم في الموقع حقهم وأسأليهم

يعني الشغله زي عندنا بالسعوديه

إشتراكات ومصخره

مايقولوا في بريطانيا والدول المتقدمه كل شي عن طريق الواير لس ولا كيف؟

والله في لندن دحين غيوووووووووووووووووووووم
ودوبها من ساعة كدا جات رشة مطر تقول كأنك بتتحمم مرررررررررررة كثسفة كانت ما شاء الله

أيوة في عندهم وايرليس اللي هوا زي الموبايلي وايرليس
لكنو بيكون تعبان في المدن المزدحمة <<< مثل عندنا في لندن
وطبعا الوايرليس مهما أتطور مستحيل يوصل لدرجة الألياف الضوئية
حتى إن الألياف الضوئية في شركة فيرجن عندها سرعة 50 ميجا <<< مين يحتاجها من الطلاب أصلا خخخخ

أنا مشترك مع شركة فيرجن ونصيحتي لك وللجميع قدموا عليها

وأنا كمان مع ريثيون
وأشدد على الموضوع كمان وأنصح الجميع فيها لأني أتمنى الخير للكل
وما بدي أحد يعاني مثل ما عانيت
والله قهر الفلوس اللي أتصرفت في النت كل الفترة اللي فاتت واللي لسه بتتصرف في العقد العفن تبع الوايرليس حق (تي موبايل)

أدعولي ربنا يعوضني بالخير

طيب سؤال عاجل يا أيمن

أنا قدمت البارح عليهم من خلال النت.. وان شاء الله الأمور تضبط

بس غاب عن بالي شي.. بما اني سبق وقلت ان ماعندي خلفية عن التقنية وهالسوالف أبي اعرف هل لما يجون يركبون الأتصال راح يركبون شي في سطح العمارة او شي زي كذا.. اقصد هل احتاج استأذن المالك.. مابي احط نفسي في مشاكل.. انا طلبتها بدون خط تلفون.. لأن خط التلفون محتاج والتلفزيون مفروض اعطيه خبر..
فمدري اخاف زي اتصال اوربت يركبون دش وهالسوالف

انتظر اجابتك

أن موجود في الخدمة أختي
وطبعا لازم تاخدي إذن المالك وغالبا بيوافق لأن دا شئ عادي

بحكيكي اللي حصل معي
أنا جاني الرجال في الموعد المحدد
وكان قبلها بحدود نصف ساعة دق وجالي أنا جايك دحين
أول لمن جا دخل كدا البيت شاف الوضع كيف وبعدين رجع السيارة وجاب معاه دريل وسلك النت
خرملي الجدار ومرر السلك من الفتحة وبعدين وصل السلك اللي بره مع أحد الأسلاك الموجودة مسبقا من شركتهم في العمارة
ودخل ثاني البيت ركبلي الموديم وساعدني في تثبيت برنامج الموديم
وبعدين مشي والحمد لله

الجهاز اللي موصول بالسلك كدا يكون علبة سودة صغيرة
تسحبي منها كيبل وتشبكيه في الجهاز وتتصلي علنت علطول

ويجي معه علبه فيها الموزع لونو أبيض وعن طريقو تقدري تتصلي على النت لا سلكيا وبأكثر من جهاز
دا تسحبي السلك من الجهاز الأسود وتحطيه في الموزع ويجي معاه الCD حق التعريف

المسألة سهلة إن شاء الله

الهرجة لا أوربيتات ولا دشات لا تخافي

أنا باقيلي بس خط التلفون ما أدري حصلت مشاكل لكن رح يركبوه قريب بإذن الله

فيرجن شركة قويه ...بس للمعلوميه يااخوان ترا خدمة الكيبل اللي عندهم مغطيه مناطق محدده وليس كل المناطق في المدينه يعني لازم تستفسر عن عنوانك هل هو مغطى او لا....انا كنت ساكن قبل بعنوان مع انه في السنتر ماتغطيه الشركه واللحين برضوه نقلت مدينه ثانيه وقريب من السنتر ولا فيه خدمه الكيبل....وقالوا اذا عندك خط تلفون نركب لك مافي مشكله....بس اكتشفت ان احسن شركة في سرعة التحميل في الدي اس ال هي التوك توك مع ان عليها الغلا شوي مو كثير بس صراحه تستاهل.................وبعض الشباب يمدح ال او تو يقول ان البرودباند حقهم قوي وسريع ورخيص خصوصا لمشتركي او تو......

هلا والله
بصراااااااااااااااااااااااااحة موضوعك كان مسوي لي قلق
غيرت كم عائلة عشان الاتصال المدينة اشوي اتصالها مش ولا بد بس احترت ببيت جنب المعهد امنية اي طالب صراحة مالي عذر
يعني مالي الا هو ولكن للاسف طلع الاتصال تعبان والمشكلة مافية واير لس لا وحاطين بروسنا بالسعودية ان حنا راح ناقى اتصالات متقدمه ههههههههههههههههههههههههه
ماعلينا علعموم اشتريت o2بعد للاسف ماشتغلت اصلا ؟؟؟؟
وانا جالس شفت العائلة الي انا عندهم معهم كونكت وشغال تمام اجروه علي بخمسة باوند بالسبوع بصراااااااحة بيرفكت من جد روعه اللي هو 3سرعتة 3ميغا بايت ومبسوط معاه بس انتظر المكافاة اشتري واحد خاص
وبالتوفيق

والله يا أيمن السالفة طلع فيها تخريم جدار ياخوفي يقولي مافي.. انا طلبت الخدمة بالنت وقالوا بيردوا علي خلال يومين وللحين ماشوف ارسلولي شي

ابو جبل والله مدري انا يوم قدمت بالنت طلع لي ان المنطقة تغطيها الخدمة وكنت طالبة سرعة عشرين قالوا لأن الخدمة مرة متوفرة في المكان فراح يعطوني سرعة خمسين بسعر سرعة عشرين ولا ادري

حالم اكون عالم
انا زيك طفشت,.. فودا فون اتصالي كان ماشي حاله بس في نقلت والظاهر ان المنطقة الي انا فيها ماتغطيها فودا فون فطفشت من الوضع